Buna yandi kwenda kubaka bampeve nsambwadi yankaka ya luta yandi kibeni mu mbi, bau kota ye vanda muna, buna mambu ya nsuka ya muntu yina taluta yantete mu mbi. Yo tavanda mpilayai mpe kwa mbandu yai ya mbi. 2 Pet. 2:20
Beno ikele mungwa ya ntoto; kansi kana mungwa katuka nzenzo, mu nki yo tazenzulwa diaka ? Yo ikele na mfunu diaka ve, kansi kuloswa ye bantu diata yo na makulu. Mal. 9:50; Luk. 14:34
Yesu vutulaka ye tubaka kwa yandi: Kana nge zabaka matabisi ya Nzambi ye nani ya tubaka kwa nge: Pesa mono ya kunwa, nge zolaka kuyuvula yandi, ye yandi imene kupesa nge masa ya moyo. Nk. 23:2; Yes. 12:3
Buna Yesu tubaka kwa bau: Kieleka, kieleka, mono tuba kwa beno: Mose pesaka beno mampa ve ya katuka na zulu, kansi Tata ya mono pesa beno mampa ya kieleka ya katuka na zulu.
Sambu na yai, kana Nzambi pesaka bau matabisi mutindu mosi ya yandi pesaka beto, bu beto kwikilaka Mfumu Yesu Klisto, buna mono ikele nani, na mono lenda kubuya Nzambi. Bis. 10:47; 15:8
Kadi nzambi ya nzi yai imene kufwa meso ya mabanza ya bantu ya konda lukwikilu, na mwini ya nsamu mbote ya nkembo ya Klisto ya ikele kifwani ya Nzambi takienzudila bau ve. Kolo. 1:15
Sambu na yo ikele Nzambi ya tubaka: Mwini kienzula mu mpimpa; yo kienzulaka ntima ya beto, kupesa mwini ya nzailu ya nkembo ya Nzambi na luse ya Klisto.
Sambu na meso ya ntima ya beno imene kukangula, beno lenda kuzaba nki ikele vuvu ya mbokolo ya yandi, ye nki ikele kimvwama ya nkembo ya difwa ya yandi mu banlongo, 1 Pet. 1:13; Kolo. 1:27
Sambu na yo, mono kitulwa sielo, bonso matabisi ya nlemvo ya Nzambi, ya peswaka kwa mono, bonso nsadulu ya ngolo ya yandi. Kolo. 1:23, 25; 1 Kol. 4:1; 2 Kol. 3:6; Luk. 1:2
Bika ve matabisi ya nlemvo ya ikele mu nge, ya peswaka kwa nge mu mbikudulu, ye ntululu ya maboko ya bambuta ya dibundu. Bis. 8:17; 13:3; 19:6; 1 Tes. 5:19; 1 Tim. 1:18; 5:22; 2 Tim. 1:6
Nzambi mpe siamisaka kitemo ya bau mu bidimbu, ye mu nyitukulu, ye mu mambu ya ngolo ya mutindu mingi ye mu bankailu ya Mpeve Yanlongo, mpilamosi luzolo ya yandi.
Kana muntu mona mpangi ya yandi kusala masumu ya ikele lunga lufwa ve, yandi talomba, ye Nzambi tapesa yandi moyo kwa bau ya salaka masumu ya lunga na lufwa ve. Masumu ya lunga lufwa ikele; mono ikele kutuba ve na bau lomba Nzambi sambu na yau. 4 Mose 15:30; Mat. 12:31; Eb. 6:4; 10:26