Ebeleo 6:10 - Le Nouveau Testament en Kikwango 1950

¹⁰ Kadi Nzambi ikele konda lunungu ve, yandi ikele kuvila ve kisalu ya beno ye zola ya beno songa kwa nkumbu ya yandii bu beno sadilaka banlongo ye beno ikele kusadila bau. Mat. 10:42; 25:40; Mal. 9:4; Yoa. 13:20; 1 Tes. 1:3

Ebeleo 6:10 Iomraidhean Croise

Matai 10:42

Konsonani ya tapesa kopo ya masa madidi kwa mosi ya fioti yai, mu nkumbu ya nlonguki, kieleka, mono tuba kwa beno: Yandi tavidisa nsendo ya yandi ve. Mat. 25:40; Mal. 9:41

Matai 20:7

Bau tubaka kwa yandi: Sambu na muntu imene kusonika beto ve. Yandi tubaka kwa bau: Beno kwenda mpe mu dilanga ya vinia.

Matai 25:17

Mpilayai mpe yandi ya bakaka zole, bakaka zole yankaka ndandu.

Malako 9:41

Kadi konsonani ya pesa beno kopo ya masa ya kunwa mu nkumbu ya mono sambu na beno ikele ya Klisto, kieleka mono tuba kwa beno: Yandi tavidisa ve nsendo ya yandi ta fioti.

Yoane 13:20

Kieleka, kieleka, mono tuba kwa beno: Yandi ya baka, konsonani ya mono fidisa, ikele kubaka mono. Yandi ya baka mono, baka yandi ya fidisaka mono. Mat. 10:40; Luk. 9:48; 10:16

Bisalu Ya Bantumwa 10:31

yandi tubaka: Konelio, Nzambi imene kuwa lombilu ya nge, ye matabisi ya nkenda ya nge ikele kubambukwa na luse ya Nzambi.

Bisalu Ya Bantumwa 10:4

Yandi talaka yandi ngolo ye vandaka na boma, ye tubaka: Mambu nki, Mfumu ? Yandi tubaka kwa yandi: Lombilu ya nge ye matabisi ya nge ya nkenda imene kwenda nantwala na Nzambi, sambu kubambuka nge.

Bisalu Ya Bantumwa 11:29

Banlonguki yonso muntu na muntu bonso yandi lenda, kutulaka ntima kufidisa sambu na kusadisa bampangi ya vandaka mu Yuda. Lom. 15:25; 1 Kol. 16:1; 2 Kol. 8:3; 9:12

Loma 12:13

Sadisa mu nsatu ya banlongo, landa kudikila banzenza. 1 Kol. 16:1; 1 Tim. 5:10; Tit. 1:8; Eb. 13:2; 1 Pet. 4:9

2 Kolinto 9:1

Kadi sambu na lusadusu kwa banlongo, beno ikele na nsatu ve na mono sonika kwa beno. 2 Kol. 8:4

Ngalata 5:13

Bampangi, beno bingwaka sambu na kimpwanza, kansi sala kimpwanza ya beno pesa nzila kwa nsuni ve, kansi sadilana mu zola. 1 Kol. 8:9; 9:19; Ngal. 6:1

Ngalata 5:6

Kadi mu Klisto Yesu nzengolo keti konda nzengolo ikele na mfunu ve, kansi lukwikilu ya ikele kusala mu zola. 1 Kol. 7:19; 13:1; Ngal. 6:15

Ngalata 6:10

Buna bonso beto ikele na ntangu, bika beto sala mbote kwa bantu yonso, kansi ya luta kwa bau ya ikele na kintuadi na beto mu lukwikilu.

Kolosai 3:17

Mambu yonso ya beno ikele kusala mu ndinga keti mu kisalu, sala yau yonso mu nkumbu ya Mfumu Yesu, kupesa matondo kwa Nzambi, Tata, mu yandi. 1 Kol. 10:31; Ef. 5:20; 1 Tes. 5:18; Eb. 13:15

1 Tesalonika 1:3

Beto bika ve kubambuka beno nantwala na Nzambi, Tata ya beto, sambu na kisalu ya beno ya lukwikilu ye kisalu ya beno ya zola ye mvibidilu ya vuvu ya beno mu Mfumu ya beto Yesu Klisto.

1 Timoteo 6:18

Songa bau kusala mbote, ye vanda kimvwama mu bisalu ya mbote, na bau lenda kukaba ye kupesa mu zola. Ngal. 6:9

2 Timoteo 4:8

Ntangu yai koloa ya lunungu ikele kulundwa sambu na mono, Mfumu, mfundisi ya lunungu tapesa yo kwa mono mu kilumbu yina, kwa mono kaka ve, kansi kwa bau yonso ya zola kuvutuka ya yandi. 1 Kol. 9:25; Yak. 1:12; 1 Pet. 5:4

Ebeleo 10:32

Beno bambuka bilumbu ya ntete, bu beno kienzulwaka, beno vibidilaka mu ndwanunu ya mpasi mingi,

Ebeleo 13:16

Kansi vila ve kusala mbote ye kukaba, kadi Nzambi ikele kuzola nkailu ya mpilayai. Lom. 12:13; Fili. 4:18

1 Yoane 1:9

Kana beto tuba masumu ya beto, yandi ikele kwikama ye lunungu kuvidisa masumu ya beto ye vedisa beto na mambu yonso ya konda lunungu. Nk. 32:5; Bing. 28:13