Ebeleo 5:7 - Le Nouveau Testament en Kikwango 1950

⁷ Ikele yandi ya mu bilumbu ya nsuni ya yandi, pesaka lombilu ye bombidilu mu kuboka ya ngolo ye mu kudila kwa yandi ya vandaka ngolo kuvulusa yandi tuka lufwa, yandi wilwaka sambu na vuvu ya yandi mu Nzambi. Mat. 27:46, 50; Mal. 14:33; Luk. 22:42, 44

Ebeleo 5:7 Iomraidhean Croise

Matai 27:46

Kansi na lokula tatu Yesu bokaka na ndinga ya nene, kutuba: Eli, Eli, lama sabakatani ? Yo ikele: Nzambi ya mono, Nzambi ya mono, sambu na nki nge imene kubika mono ? Nk. 22:1

Matai 27:50

Yesu bokaka diaka na ndinga ya nene ye pesaka mpeve ya yandi.

Malako 15:34

Mu lokula tatu Yesu bokaka mu ndinga ya nene: Eloi, Eloi, lama sabakatani ? Tendula ya yo ikele: Nzambi ya mono; Nzambi ya mono, sambu na nki nge imene kubika mono ? Nk. 22:1

Malako 15:37

Yesu bokaka mu ndinga ya nene, ye pesaka mpeve ya yandi.

Luka 23:46

Yesu bokaka mu ndinga nene kutuba: Tata, mu maboko ya nge mono ikele kutula mpeve ya mono. Bu yandi tubaka yai, yandi pesaka mpeve ya yandi. Nk. 31:5; Bis. 7:59

Yoane 1:14

Diambu kitukaka nsuni, yo vandaka nakati ya beto, beto monaka nkembo ya yandi, bonso nkembo ya Mwana mosi kaka ya Tata, fuluka na nlemvo ye kieleka. Mat. 1:16, 18; Luk. 1:31; Mat. 17:2; Kolo. 1:19; 2:3, 9; Eb. 2:14

Yoane 11:35

Yesu dilaka.

Yoane 11:42

Ye mono, zaba nge ikele kuwa mono ntangu yonso, kansi sambu na kibuka ya telema ye zunga mono, mono tuba yo, na bau lenda kukwikila nge imene kufidisa mono.

Yoane 17:1

Mambu yai Yesu tubaka ye sendulaka meso ya yandi ku zulu ye tubaka: Tata, lokula imene kwiza, kembisa Mwana ya nge, na Mwana lenda kembisa nge. Yoa. 12:23

Loma 8:3

Kadi yina ya nsiku lenda ve kusala sambu na yo ikele lebakana mu nsuni, Nzambi salaka yo bu yandi fidisaka Mwana ya yandi mu kifwani ya nsuni ya masumu, ye sambu na masumu, yandi bedisaka masumu mu nsuni, Fili. 2:7

Ngalata 4:4

Bu ntangu ya lunga kwizaka, Nzambi fidisaka Mwana ya yandi, ya butuka na nkento ya butuka nansi ya nsiku. Ef. 1:10

1 Timoteo 3:16

Kansi kondwa ntembe, vumi ya Nzambi ya kinsweki ikele nene: Nzambi monikaka mu nsuni, yandi nunguswaka mu mpeve, yandi monwaka kwa banjo, yandi samunwaka kwa bapaien, bantu ya nsi kwikilaka yandi, ye yandi bakwaka ku zulu mu nkembo.

Ebeleo 10:10

Mu luzolo yina beto imene kutulwa nlongo mu peswa ya nitu ya Yesu Klisto mbala mosi. Kolo. 1:22; 1 Pet. 2:24

Ebeleo 10:5

Sambu na yai, bu yandi kwizaka mu nsi, yandi tubaka: Nkailu ye nkailu ya yokwa nge tondaka ve, kansi nge yidikilaka mono nitu. Nk. 40:6; 51:16

Ebeleo 11:7

Mu lukwikilu Nzambi luengisaka Noa sambu na bima ya monikaka ntete ve, ye yandi kwikilaka Nzambi, ye salaka nzaza kuvulusa nzo ya yandi, mu yo yandi bedisaka nsi, ye kitukaka mvingidi ya difwa ya lunungu yina, ya ikele mu lukwikilu. 1 Mose 6:8

Ebeleo 12:28

Mpilayai, sambu na beto ikele kubaka kimfumu ya lenda ve kunuka, bika beto pesa matondo, ye beto fwiti kusadila Nzambi, bonso yandi zola, mu luzitu yonso ye boma.

Ebeleo 13:20

Ntangu yai, Nzambi ya yenge, ya vutulaka Mfumu ya beto Yesu tuka bafwa, yandi ikele mvungi ya nene ya mameme, mu menga ya luwawanu va mvu ya mvu, Yes. 63:11; Yel. 10:11; 1 Tes. 5:23; 1 Pet. 2:25; 5:4

Ebeleo 2:14

Buna, bu bana ikele bintwadi mu menga ye nsuni, buna yandi mpe bakaka mutindu mosi, buna mu lufwa yandi lenda kubevisa yandi ya vandaka na ngolo ya lufwa, yandi ikele diable. Yoa. 1:14; 1 Kol. 15:26, 54; 2 Tim. 1:10

1 Yoane 4:3

Konso mpeve ya ndima Yesu ve, ikele ya Nzambi ve, yai ikele mpeve ya antiklisto ya beno kuwaka yandi ikele kwiza, yandi ikele mu nsi ntangu yai mpe. 2 Tes. 2:6; 1 Yoa. 2:18, 22

2 Yoane 1:7

Kadi bakusi mingi imene kukota mu nsi, bau ya ndima ve, Yesu Klisto kwizaka mu nsuni. Yai ikele mukusi ye antiklisto. 1 Yoa. 2:18; 4:1