Ebeleo 5:11 - Le Nouveau Testament en Kikwango 1950

¹¹ Beto ikele na mambu mingi kutuba sambu na yandi, ikele mpasi kutendula sambu na beno imene kubaka makutu ya kanga.

Ebeleo 5:11 Iomraidhean Croise

Matai 13:15

kadi ntima ya bantu yai imene kwiza mbi, makutu ya bau kuwa ve, bau imene kanga meso ya bau, na bau lenda kumona ve na meso ya bau, ye kuwa ve na makutu ya bau, ye zaba ve na ntima ya bau, ye pinduka ve, na mono lenda kubelula bau. Yes. 29:10; Yoa. 12:40; Bis. 28:26

Malako 8:21

Yandi tubaka kwa bau: Beno bakisa ve ti ntangu yai ?

Luka 24:25

Buna yandi tubaka kwa bau: O, beno bantu ya buzoba ye ntima na kwikila nswalu ve mu mambu yonso ya tubaka bambikudi.

Yoane 16:12

Mono ikele na mambu mingi, kutuba kwa beno; kansi beno lenda kunata yau ve ntangu yai. 1 Kol. 3:1

Yoane 6:6

Ye yandi tubaka yai sambu na kuyunsa yandi, kadi yandi kibeni zabaka mambu ya yandi zola kusala.

Bisalu Ya Bantumwa 28:27

Kadi ntima ya bantu yai imene kwiza ngolo, makutu ya bau lenda kuwa ve; ye bau imene kukanga meso ya bau, kana bau tamona na meso ya bau ye kuwa na makutu ya bau ye zaba mu ntima ya bau, ye pindula mabanza, ye mono lenda kubelula bau.

Ebeleo 5:10

Yandi bingwa kwa Nzambi nganga nene, bonso kinganga ya Melekisedeki.

Ebeleo 5:12

Kadi tuka ntama beno fwiti kuvanda banlongi, kansi beno ikele na mfunu diaka na muntu longa beno luyantiku ya nsamu ya Nzambi; beno imene kituka bonso bana ya ikele na nsatu ya mabele, kansi madia ya ngolo ve. 1 Kol. 3:1

2 Petelo 3:16

Mpilayai mpe mu minkanda yonso ya yandi, yandi tubaka sambu na mambu yai, mu yau mambu yankaka ikele mpasi na kuzaba, ya bantu ya konda ngangu ye ya ntembe ikele kubuya, bonso bau kusala na masonukwa yankaka mpe, ku mbungulu ya bau kibeni.