Ebeleo 5:1 - Le Nouveau Testament en Kikwango 1950

¹ Kadi konso nganga nene, bu yandi solwa nakati ya bantu, yandi tulwa sambu na bantu, mu mambu yonso ya Nzambi, na yandi lenda kupesa matabisi ye nkailu sambu na masumu, Eb. 8:3; 9:9

Ebeleo 5:1 Iomraidhean Croise

Loma 15:17

Buna mono kuyana mu Klisto Yesu mu mambu ya Nzambi.

1 Kolinto 15:3

Kadi ntete mono mpe pesaka beno yina ya mono bakaka, na Klisto kufwaka sambu na masumu ya beto, bonso ikele mu masonukwa. Yes. 53:1; Dan. 9:24; 1 Kol. 11:23

Ebeleo 10:11

Ye nganga yonso telemaka lumbu na lumbu kusala kisalu ya bau, ye pesaka ntangu mingi nkailu mutindu mosi, ya lenda ve katula masumu ta mbala mosi ve.

Ebeleo 10:12

Kansi yandi, bu yandi imene kupesa nkailu mosi kaka sambu na masumu, yandi vandaka kimakulu na diboko kibakala ya Nzambi, Eb. 1:3, 13; 8:1

Ebeleo 11:4

Mu lukwikilu Abeli pesaka nkailu kwa Nzambi, ya luta yina ya Kaini mbote, yo vandaka kitemo kwa yandi, na yandi vandaka nkwa lunungu, ye Nzambi pesaka kitemo mu nkailu ya yandi, ye mu yo yandi ikele kutuba, bu yandi imene kufwa. 1 Mose 4:4

Ebeleo 2:17

Mpilayai yo lunga yandi kufwanikiswa bonso bampangi ya yandi mu mambu yonso, na yandi lenda kwiza nganga ya nene ya nkenda ye ya kwikama mu kisalu ya Nzambi, kufuta masumu ya bantu. Eb. 4:15; 5:2

Ebeleo 7:27

yandi ikele na nsatu ve, bonso banganga nene yina, kupesa nkailu kilumbu na kilumbu, ntete sambu na masumu ya yandi kibeni, buna sambu na masumu ya bantu, kansi yandi salaka yo kima kulu, bu yandi dipesaka. Eb. 5:3; 9:7, 12

Ebeleo 8:3

Kadi nganga nene yonso ikele kutulwa kupesa bamatabisi ye bankailu, mpilayai yandi mpe fwiti kupesa nkailu. Eb. 5:1

Ebeleo 8:4

Kansi kana yandi vandaka va ntoto, yandi tondaka ve kuvanda nganga, sambu na bankaka ikele ya kupesa matabisi bonso ikele mu nsiku;

Ebeleo 9:9

Yai ikele kingana ya ntangu yai, kusonga matabisi ye bankailu ikele kupeswa, kansi yau konda kuvedisa kansansa ya bau ya pesaka yau.