Ebeleo 4:12 - Le Nouveau Testament en Kikwango 1950

¹² Kadi ndinga ya Nzambi ikele moyo, ye ngolo, ye makasi ya yo luta makasi na konso mbele ya makasi ya lweka zole, ye ikele kutobula ti kukaba mwela ye mpeve, ye takabwa madikulu ye wongongo, ye ikele na ngolo kufundisa mabanza ye makani ya ntima; Yes. 49:2; 1 Pet. 1:23

Ebeleo 4:12 Iomraidhean Croise

Luka 8:11

Kansi kingana ikele yai: Nkeni ikele mambu ya Nzambi.

Yoane 12:48

Yandi ya buya mono ye baka mambu ya mono ve, ikele na mosi ya fundisa yandi; mambu ya mono tubaka yo tafundisa yandi kilumbu ya nsuka.

Yoane 6:51

Mono ikele mampa ya ikele na moyo ya kulumuka tuka zulu. Kana muntu kudia mampa yai, yandi tavanda na moyo mvu ya mvu; mampa ya mono pesa ikele nsuni ya mono, ya mono tapesa sambu na moyo ya nsi. Yoa. 3:13

Bisalu Ya Bantumwa 2:37

Kansi bu bau kuwaka yai, ntima ya bau bulaka bau, bau tubaka kwa Petelo ye kwa bantumwa yankaka: Bampangi, beto tasala nki ? Eb. 4:12; Luk. 3:10, 12, 14

Bisalu Ya Bantumwa 4:31

Bu bau imene kulomba, sika ya bau kutakanaka nikukaka ngolo, ye bau yonso fulukaka na Mpeve Yanlongo, bau tubaka mambu ya Nzambi mu kikesa.

Bisalu Ya Bantumwa 5:33

Bu bau kuwaka mambu yai, makasi simbaka bau mu ntima, bau tubaka sambu na kufwa bau. Bis. 7:54

Bisalu Ya Bantumwa 7:38

Yai ikele yandi ya vandaka mu dibundu mu nsi ya mpamba, sikamosi na wanjo ya tubaka kwa yandi va mongo ya Sinai, ye yandi vandaka na batata ya beto, ye bakaka mambu ya moyo kupesa kwa beto.

Loma 1:16

Kadi mono ikele na nsoni ve sambu na nsamu ya mbote, kadi yo ikele ngolo ya Nzambi ku mpulusu kwa bau yonso ya kwikila, ntete kwa baYuda nanima kwa ba-Elene mpe, Nk. 40:10; Bis. 13:46; Lom. 2:9; 1 Kol. 1:18; 1:24; 2 Tim. 1:8

1 Kolinto 1:24

Kansi kwa bau ya bingwa, baYuda ye baElene, Klisto ikele ngolo ya Nzambi ye ngangu ya Nzambi. Lom. 1:16

2 Kolinto 2:17

Kadi beto ikele kubivisa mambu ya Nzambi ve, sambu na kubaka ndandu, bonso bankaka mingi ikele kusala, kansi mu kieleka nantwala ya Nzambi, beto ikele kutuba mu Klisto mambu ya katuka na Nzambi. 2 Kol. 4:2

2 Kolinto 4:2

Kadi beto buyaka mambu ya kinsweki ya nsoni, beto ikele kutambula ve mu luvunu, beto ikele kulonga mambu ya Nzambi mu kukusa ve, kansi mu nzaikusu ya kieleka, beto ikele kudisonga kitemo mpe kwa kansansa ya bantu yonso nantwala na Nzambi. 1 Kol. 4:5

Efeso 5:13

Kansi bu mambu yonso sembwa, yau ikele kumonikwa mu mwini, kadi mwini ikele kuzabisa mambu yonso. Yoa. 3:20

Efeso 5:26

na yandi lenda kutula yo nlongo, bu yandi vedisaka yo mu ngiobolo ya masa ye mu mambu ya yandi, Yoa. 3:5; Tit. 3:5

Efeso 6:17

Ye baka nkaku ya ntu ya mpulusu ye mbele ya Mpeve, ya ikele mambu ya Nzambi, Eb. 4:12

1 Tesalonika 2:13

Ye mu mambu yai, beto mpe pesa matondo kwa Nzambi ntangu yonso, sambu na bu beno bakaka mambu ya Nzambi ya beto samunaka kwa beno, beno bakaka yo ve bonso mambu ya bantu, kansi bonso yo ikele mu kieleka, mambu ya Nzambi, ya ikele kusala mu beno ya kwikila. Mat. 10:40; Ngal. 4:14

1 Tesalonika 5:23

Bika Nzambi ya yenge, yandi kibeni sala beno nlongo yamvimba, bika mpeve ye mwela ye nitu ya beno yamvimba kebwa mu konda mbi, ti na Mfumu ya beto Yesu Klisto kwiza. 1 Kol. 1:8; 2 Tes. 3:13

Ebeleo 13:7

Bambuka bau ya ikele ntuadisi ya beno, ya longaka beno mambu ya Nzambi, ya banza sambu na moyo ya bau, ye kufwanana lukwikilu ya bau.

Ebeleo 6:5

ye mekaka mambu yambote ya Nzambi, ye bangolo ya ntangu ya ikele kwiza,

Yakobi 1:18

Mu luzolo ya yandi, yandi butaka beto, mu kieleka, na beto lenda kuvanda bonso mabundu ya ntetenakati na bima ya yandi semaka. Yel. 1:13; 1 Kol. 4:15; 1 Pet. 1:23, 25

1 Petelo 1:23

Beno butukaka diaka na nkuna ve ya lenda kubiviswa kansi ya lenda ve kubiviswa, mu mambu ya Nzambi ya ikele na moyo mvu ya mvu. Luk. 8:11; 1 Kol. 4:15; Yak. 1:18

Nzaikulu 1:16

Mu diboko kibakala ya yandi vandaka bambwetete nsambwadi, mu munoko ya yandi basikaka mbele ya mvita ya ikele na makasi ndambu zole, luse ya yandi vandaka bonso ntangu, bu yo tentina mu ngolo ya yandi. Yes. 49:2; Nzai. 3:1; 2:12, 16; 19:15, 21

Nzaikulu 19:15

Na munoko ya yandi basikaka mbele ya makasi, na yo yandi tabula makanda ya bantu. Yandi tayala bau na nkawa ya bisengu, yandi tadiata kamunu ya vinia ya makasi ya ngolo ya Nzambi, Nkwa Ngolo. Nk. 2:9; Yes. 63:3; Nzai. 1:16; 2:12, 27; 12:5; 14:19; 16:19

Nzaikulu 19:21

Bau ya bikaka kufwaka na mbele ya yandi ya vandaka va kavalu, mbele ya basikaka na munoko ya yandi; bandeke yonso yukutaka na nsuni ya bau.

Nzaikulu 2:16

Buna pindula mabanza, keti mono takwiza nswalu kwa nge ye kunwanina bau na mbele ya munoko ya mono. Nzai. 2:5; 3:3

Nzaikulu 2:23

Mono takufwa bana ya yandi na lufwa, ye mabundu yonso tazaba mono ikele yandi ya meka mabanza ye mintima, ye mono tapesa beno muntu na muntu bonso bisalu ya beno. Nk. 7:9; Yel. 11:20; Lom. 2:6

Nzaikulu 20:4

Mono monaka bakiti ya nkembo ye bau ya vandaka va yau, ye mfundusu peswaka kwa bau, ye mono monaka miela ya bau ya zengwa ntu sambu na kitemo ya Yesu ye sambu na mambu ya Nzambi, ye bau ya sambilaka mbizi ve keti kifwanusu ya yandi, ye bau ya bakaka ve kidimbu va mbunzu ya bau ye va maboko ya bau. Bau vandaka na moyo, ye yalaka sikamosi na Klisto mvu funda mosi. Dan. 7:9, 18, 22, 27; Nzai. 6:9; 13:15; 22:5