Ebeleo 3:6 - Le Nouveau Testament en Kikwango 1950

⁶ kansi Klisto bonso Mwana vandaka na mawete mu nzo ya yandi yonso. Beto ikele nzo ya yandi, kana beto simba kikesa ya nkembo ya vuvu ya beto ti nsuka. Mat. 24:13; 1 Kol. 3:16; 1 Tim. 3:15; Eb. 3:14; 10:21

Ebeleo 3:6 Iomraidhean Croise

Matai 10:22

Bantu yonso tavanda na kimbeni kwa beno sambu na nkumbu ya mono, kansi konsonani ya vibidila ti nsuka tavuluswa. Luk. 21:17; Mat. 24:13; Mal. 13:13

Matai 16:18

Mono tuba mpe kwa nge, nge ikele Petelo, va ditadi yai, mono tatunga dibundu ya mono, mielo ya nsi ya bafwa taluta yo ngolo ve. Yoa. 1:42; Ef. 2:20

Matai 24:13

Kansi yandi ya vibidila ti na nsuka, tavuluswa.

Loma 11:22

Buna tala, mbote ye makasi ya Nzambi, makasi kwa bau ya kubwaka, kansi mbote ya Nzambi kwa nge, kana nge vanda mu mbote ya yandi, kana mpilayai ve nge mpe tazengwa. Yoa. 15:2; Eb. 3:14; 10:29

Loma 12:12

Yangalala mu vuvu, vanda na mvibudulu mu mpasi, ye tatamana mu lombilu. Mat. 10:22; Luk. 18:1; Bis. 1:14; Lom. 15:13; Kolo. 4:2; Ef. 6:18; 1 Tes. 5:16; 2 Tim. 2:12; Eb. 10:36; 12:1; Yak. 5:11; 1 Pet. 2:20

Loma 15:13

Bika Nzambi ya vuvu fulusa beno na kiese yonso ye yenge mu lukwikilu, na beno lenda kukula mu vuvu mu ngolo ya Mpeve Yanlongo.

Loma 5:2

yandi imene kusongaka beto nkotolo mu lukwikilu ku nlemvo yai mu yo beto telema ye beto yangalala mu vuvu ya nkembo ya Nzambi. Yoa. 14:6; Ef. 2:18; 3:12; 1 Pet. 5:12

1 Kolinto 3:16

Beno zaba ve na beno ikele tempelo ya Nzambi, ye Mpeve ya Nzambi ikele vanda mu beno ? 1 Kol. 6:19; 2 Kol. 6:16; Eb. 3:6

1 Kolinto 6:19

Keti beno zaba ve na nitu ya beno ikele tempelo ya Mpeve Yanlongo, ya ikele mu beno, ya beno imene kubaka tuka Nzambi, yo ikele nitu ya beno ve. 1 Kol. 3:16; 2 Kol. 6:16

2 Kolinto 6:16

Ye tempelo ya Nzambi ikele na kintuadi nki na biteki ? Kadi beno ikele tempelo ya Nzambi ya moyo, bonso Nzambi tubaka: Mono tavanda mu bau ye tambula mu bau. Mono tavanda Nzambi ya bau, ye bau tavanda bantu ya mono 3 Mose 26:11; 1 Kol. 3:16; 6:19; 10:14; Eb. 3:6; 8:10; 1 Pet. 2:5; Yeh. 37:27

Ngalata 6:10

Buna bonso beto ikele na ntangu, bika beto sala mbote kwa bantu yonso, kansi ya luta kwa bau ya ikele na kintuadi na beto mu lukwikilu.

Ngalata 6:9

Bika beto konda kikesa ve mu kisalu ya mbote, kadi mu ntangu ya lunga, beto tabuka, kana beto lembwa ve. 2 Kol. 4:16; 2 Tes. 2:13

Efeso 3:12

Mu yandi beto ikele na kikesa ye vuvu kwiza mfinama na Nzambi, mu lukwikilu. Lom. 5:2; 8:15; Ef. 2:18; 1 Pet. 3:18

Kolosai 1:23

kana beno vanda mu lukwikilu ya lunga ye vanda ngolo ya konda kukatulwa mu vuvu ya nsamu mbote ya beno kuwaka, ya samunwaka mu nsemono yonso nansi ya zulu, mu yo, mono Paulu kitulwa sielo. Lom. 10:18; Ef. 3:7

1 Tesalonika 5:16

Yangalala ntangu yonso. Lom. 12:12; Fili. 4:4

2 Tesalonika 2:16

Yandi kibeni, Mfumu ya beto Yesu Klisto, ye Nzambi Tata ya beto, ya zolaka beto mu nlemvo, ye pesaka beto mbombolo ya mvu ya mvu ye vuvu ya mbote,

1 Timoteo 3:15

kansi kana mono vingila ndambu mingi, buna nge lenda kuzaba mpila nki kusala mu nzo ya Nzambi, ya ikele dibundu ya Nzambi ya ikele na moyo, yo ikele dikunzi ye lufulu ya mambu ya kieleka.

Ebeleo 1:2

Mu bilumbu yai ya nsuka, yandi tubaka kwa beto mu Mwana ya yandi, ya yandi tulaka mvingidi ya difwa ya bima yonso. Mu yandi mpe yandi salaka bansi; 4 Mose 12:6; Yoa. 1:3; Lom. 8:17; Kolo. 1:15

Ebeleo 10:19

Mpilayai, beno bampangi, beto ikele na kikesa kukota mu kinlongo mu menga ya Yesu, Eb. 4:14; 9:7

Ebeleo 10:21

beto ikele na nganga nene yandi ikele kuyala nzo ya Nzambi,

Ebeleo 10:23

bika beto simba ngolo kitemo ya lukwikilu ya beto na yo vanda ntembe ve, kadi yandi ya tulaka nsilulu ikele ya kwikama

Ebeleo 10:35

Mpilayai, losa ve kikesa ya beno, yo ikele na mvutulu ya nsendo ya nene.

Ebeleo 11:1

Kansi lukwikilu ikele vuvu ya yina ya beto vingila, ye mpesulu ya bima ya konda kumonika,

Ebeleo 3:14

Kadi beto kitula bintwadi ya Klisto, kana beto simba vuvu ya beto ya ntete ngolo ti nsuka. Eb. 3:6

Ebeleo 4:11

Mpilayai, bika beto vibidila kukota mu luvundu yina, na muntu mosi kubwa ve mu nkolomono mutindu mosi ya bau.

Ebeleo 4:14

Buna sambu na beto ikele na nganga nene ya luta, ya lutaka mu mazulu, Yesu Mwana ya Nzambi, bika beto simba ngolo kitemo ya beto ya lukwikilu. 2 Tes. 2:15; Eb. 3:1; 7:26; 8:3; 9:11, 24; 10:23

Ebeleo 4:16

Mpilayai, beto kwenda na kikesa ku kiti ya nlemvo, na beto lenda kubaka nkenda ye mona nlemvo kusadisa beto mu ntangu ya nsatu.

Ebeleo 6:11

Beto tonda muntu na muntu mu beno tula ngolo ya mutindu mosi kukeba vuvu ya lunga ti nsuka.

Ebeleo 6:18

mu mambu zole ya ngolo, Nzambi lenda kutuba luvunu ve. Beto lenda kuvanda na mbombolo ya ngolo, beto ya imene kutinina ku mpulusu kusimba vuvu ya ikele nantwala na beto. 4 Mose 23:19; Tit. 1:2

Ebeleo 7:19

kadi nsiku lungisaka kima ve. Kansi na sika na yo, beto ikele kutulwa vuvu ya luta mbote, mu yo beto ikele kwiza mfinama kwa Nzambi. Bis. 13:38; Ef. 2:18; 3:11

1 Petelo 1:8

Beno monaka yandi ve; beno zola yandi ya beno mona ntangu yai ve, beno ikele kukwikila ye kuyangalala mingi na kiese ya kutuba ve ye fuluka na nkembo. 2 Kol. 5:7; Eb. 11:27

1 Petelo 2:5

Beno mpe bonso matadi ya moyo ikele kutungwa mu nzo ya kimpeve kuvanda kinganga ya nlongo, ye kupesa nkailu ya zikwa ya kimpeve, ya solwa kwa Nzambi mu Yesu Klisto. Lom. 12:1; Ef. 2:21; Eb. 3:6; 13:15

1 Petelo 4:17

Kadi ntangu imene kwiza ya mfundusu kuyantika mu nzo ya Nzambi, kansi kana yo yantika ntete mu beto, buna nki tavanda nsuka ya bau ya buya nsamu mbote ya Nzambi ?

Nzaikulu 2:18

Sonika kwa wanjo ya dibundu mu Tiatila: Mambu yai tubaka Mwana ya Nzambi, meso ya yandi ikele bonso nlemo ya tiya, ye makulu ya yandi bonso mitaku.

Nzaikulu 2:25

Kansi mambu ya ikele na beno, simba yau ngolo ti mono kwiza. Nzai. 3:11

Nzaikulu 2:26

Yandi ya nunga ye lunda bisalu ya mono ti nsuka, kwa yandi mono tapesa ngolo va zulu ya bapaien. Nk. 2:8; Nzai. 3:21

Nzaikulu 3:11

Mono ikele kwiza nswalu. Simba ngolo mambu ya ikele na nge, na muntu baka ve koloa ya nge. Nzai. 22:7, 12