Ebeleo 2:9 - Le Nouveau Testament en Kikwango 1950

⁹ Kansi beto ikele kumona yandi ya salwa nansi ya banjo ntangu fioti, yandi ikele Yesu, yandi monaka mpasi ye lufwa, yandi tulwa koloa ya nkembo ye ya nzitusu, yandi salaka yai na yandi mekaka mpasi ya lufwa sambu na bantu yonso, mu nlemvo ya Nzambi.

Ebeleo 2:9 Iomraidhean Croise

Matai 16:28

Kieleka mono tuba kwa beno: Bankaka ya bau ya telema awa tameka lufwa ve, ti bau mona Mwana ya muntu kwiza mu kimfumu ya yandi.

Matai 6:28

Sambu ya nki beno vanda na mabanza sambu na mvwatu ? Tala, bintuntu ya nseke, bonso yau kula. Yau sala ve ye tunga bwanda ve.

Malako 9:1

Yandi tubaka kwa bau: Kieleka, mono tuba kwa beno: Bankaka ikele kutelema awa bau tameka lufwa ve ti bau mona kimfumu ya Nzambi kwiza mu ngolo.

Luka 9:27

Mono tuba kwa beno kieleka: Bankaka ya bau ya telema awa tameka lufwa ve, ti bau mona kimfumu ya Nzambi.

Yoane 1:29

Kilumbu ya landa, Yoane monaka Yesu kwiza kwa yandi, yandi tubaka: Tala, Mwana Dimeme ya Nzambi ya ikele kukatula masumu ya nsi. 1 Pet. 1:19

Yoane 10:17

Sambu na yai Tata zola mono, sambu na mono pesa moyo ya mono ye mono tabaka yo diaka.

Yoane 12:32

Ye mono, kana mono nangulwa tuka ntoto, tabenda bantu yonso kwa mono. Yoa. 3:14; 8:28

Yoane 3:16

Kadi Nzambi luta kuzola bantu ya nsi, yandi pesaka Mwana ya yandi mosi kaka, na konsonani kwikila yandi takufwa ve, kansi yandi ikele na moyo mvu ya mvu. Lom. 5:8; 1 Yoa. 4:9

Yoane 8:51

Kieleka, kieleka, mono tuba kwa beno: Kana muntu lunda ndinga ya mono, yandi tamona lufwa ve mvu ya mvu. Yoa. 5:24; 11:25

Yoane 8:52

BaYuda tubaka kwa yandi: Ntangu yai beto zaba, nke ikele na mpeve mbi; Abalahami kufwaka ye bambikudi; ye nge tuba: Kana muntu lunda mambu ya mono, yandi tamona lufwa ve mvu ya mvu.

Bisalu Ya Bantumwa 2:33

Buna sambu na yandi ikele kukembiswa na diboko ya kibakala ya Nzambi, ye yandi imene kubaka nsilulu ya Mpeve Yanlongo tuka Tata, yandi imene kufidisa yai ya beno ikele kutala ye kuwa.

Bisalu Ya Bantumwa 3:13

Nzambi ya Abalahami ye ya Isaki ye ya Yakobi, Nzambi ya batata ya beto imene kukembisa sielo ya yandi Yesu, ya beno yekulaka ye buyaka nantwala ya Pilatu, bu yandi zengaka mambu kukangula yandi. 1 Mose 3:6; Mat. 22:32; Mal. 12:26; Luk. 20:37

Loma 5:18

Buna bonso mbedoso kwizaka kwa bantu yonso sambu na masumu ya muntu mosi, buna ndungusu kwizaka ya pesa moyo kwa bantu yonso mu kisalu ya funungu mosi. Lom. 6:23

Loma 5:8

Kansi Nzambi songaka zola ya yandi kwa beto, kadi bu beto vandaka bankwa masumu Klisto fwilaka beto.

Loma 8:3

Kadi yina ya nsiku lenda ve kusala sambu na yo ikele lebakana mu nsuni, Nzambi salaka yo bu yandi fidisaka Mwana ya yandi mu kifwani ya nsuni ya masumu, ye sambu na masumu, yandi bedisaka masumu mu nsuni, Fili. 2:7

Loma 8:32

Yandi ya buyaka ve Mwana mosi ya yandi, kansi pesaka yandi sambu na beto yonso, yandi lenda ve mu yandi kupesa beto mpe bima yonso ya matabisi ? Yoa. 3:16; Lom. 4:25; 5:6, 9

2 Kolinto 5:15

yandi kufwilaka bantu yonso, na bau ya ikele na moyo tavenda na moyo kwa bau kibeni ve, kansi kwa yandi ya kufwilaka bau ye fulukiswaka diaka sambu na bau. Lom. 6:11; Ngal. 2:20; 1 Pet. 4:2

2 Kolinto 5:21

Yandi ya zabaka masumu ve, Nzambi kitulaka yandi masumu na sika ya beto, na beto lenda kuvanda lunungu ya Nzambi sambu na yandi. Yes. 53:1; 1 Pet. 2:22; Lom. 5:19; 8:3; Ngal. 3:13; 1 Yoa. 3:5

Ngalata 4:4

Bu ntangu ya lunga kwizaka, Nzambi fidisaka Mwana ya yandi, ya butuka na nkento ya butuka nansi ya nsiku. Ef. 1:10

1 Timoteo 2:6

yandi dipesaka lufutu kuvulusa bantu yonso, kitemo ya mambu yai tazabakana mu nsungi ya yau. Mat. 20:28; Tit. 2:14

Ebeleo 1:9

Nge zola lunungu, kansi kimpumbulu nge kuwa kimbeni, mpilayai Nzambi, Nzambi ya nge, imene kusita nge mafuta mingi ya kiese, ye bau ya kuvanda na nge ndambu.

Ebeleo 10:5

Sambu na yai, bu yandi kwizaka mu nsi, yandi tubaka: Nkailu ye nkailu ya yokwa nge tondaka ve, kansi nge yidikilaka mono nitu. Nk. 40:6; 51:16

Ebeleo 11:5

Mu lukwikilu Hanoki katulwaka, na yandi tamona lufwa ve, yandi vandaka ve, sambu na Nzambi katulaka yandi, kadi ntete yandi katulwaka ve, kitemo tubwaka sambu na yandi, na Nzambi zolaka yandi.

Ebeleo 12:2

beto tala kwa Yesu, mfumu ye mulungisi ya lukwikilu ya beto, sambu na kiese ya tulwaka nantwala na yandi, yandi vibidilaka kulunsi, yandi monaka yo nsoni ve, ye yandi imene kuvanda na diboko ya kibakala ya kiti ya Nzambi. Eb. 1:3; 2:10

Ebeleo 2:7

Nge tulaka yandi nansi ya banjo ntangu fioti, nge pesaka yandi koloa ya nkembo ye ya nzitusu, ye tulaka yandi va zulu ya bisalu ya maboko ya nge. Nk. 8:5

Ebeleo 7:25

mpilayai, yandi lenda kuvulusa bau ya kwiza mfinama kwa Nzambi mu yandi, kadi yandi ikele na moyo ntangu yonso ma kutubila bau. Yoa. 14:6

Ebeleo 8:3

Kadi nganga nene yonso ikele kutulwa kupesa bamatabisi ye bankailu, mpilayai yandi mpe fwiti kupesa nkailu. Eb. 5:1

1 Petelo 1:21

Mu yandi beno ikele bakwikidi mu Nzambi, ya fulukisaka yandi tuka bafwa ye pesaka yandi nkembo, na lukwikilu ye vuvu ya beno lenda kuvanda mu Nzambi. Lom. 6:4; Fili. 2:9

1 Yoane 2:2

Yandi ikele nkailu ya vidisa masumu ya beto, ye ya beto kaka ve, kansi masumu ya nsi yamvimba. 2 Kol. 5:18; Kolo. 1:20

Nzaikulu 19:12

Meso ya yandi vandaka bonso nlemo ya tiya, va ntu ya yandi vandaka koloa mingi ya kimfumu, yandi vandaka na nkumbu ya sonama ya muntu zaba ve, kansi yandi kibeni kaka. Nzai. 12:3; 2:17

Nzaikulu 5:9

Bau yimbaka nkunga yampa, kutuba: Nge lunga kubaka nkanda ye kukangula bidimbu ya yo, sambu na bau imene kufwa nge ye nge sumbaka kwa Nzambi na menga ya nge, bantu ya makanda yonso ye bandinga ye bantu ye makanda yonso, Nk. 144:9; 1 Kol. 6:20; 1 Pet. 1:18; Nzai. 4:11; 14:2