Ebeleo 2:3 - Le Nouveau Testament en Kikwango 1950

³ mpila nki beto tatina kana beto konda kubaka mpulusu yai yanene ? Mfumu samunaka yo ntete, ye bau ya kuwaka yau sikidikisaka yau kwa beto. Eb. 12:25

Ebeleo 2:3 Iomraidhean Croise

Matai 23:33

Beno banioka, beno bana ya banioka mbi, mpila nki beno tatina mfundusu ya bilungi. Mat. 12:34

Matai 4:17

Tuka na ntangu yina, Yesu yantikaka kusamuna ye kutuba: Pindula mabanza, kadi kimfumu ya zulu ikele mfinama. Mat. 3:2; 10:7; Mal. 1:15

Malako 1:14

Bu Yoane imene kuyekulwa mu boloko, Yesu kwizaka mu Ngalili, kusamuna nsamu mbote ya Nzambi, kutuba: Mat. 4:12

Luka 1:2

mpilamosi bau pesaka yo kwa beto, bau ya vandaka bantemo ya monaka, ye basielo ya mambu tuka luyantiku.

Luka 1:69

yandi nangulaka mpoka ya mpulusu kwa beto mu nzo ya sielo ya yandi Davidi, Nk. 132:17

Luka 24:19

Yandi tubaka kwa bau: Nki mambu ? Bau tubaka kwa yandi: Mambu ya Yesu, mwisi Nazaleti, yandi vandaka mbikudi ngolo mu bisalu ye mu mambu nantwala ya Nzambi ye bantu yonso, Mat. 21:11; Luk. 7:16; Yoa. 6:14

Yoane 15:27

Kansi beno mpe tatuba kitemo, sambu na beno imene kuvanda na mono tuka mu luyantiku. Bis. 1:21; 5:32

Bisalu Ya Bantumwa 1:22

Tuka mbotika ya Yoane ti kilumbu ya Yesu katulwaka tuka beto, mosi ya bau fwiti kuvanda ntemo sikamosi na beto ya mfulukulu ya yandi.

Bisalu Ya Bantumwa 2:22

Beno babakala ya Isaeli, kuwa mambu yai: Yesu ya Nazaleti, muntu ya Nzambi songaka kitemo kwa beno mu bisalu ya ngolo ye nyitukulu ye bidimbu, ya Nzambi salaka mu yandi nakati na beno bonso beno kibeni zaba. Bis. 10:38

Bisalu Ya Bantumwa 4:12

Mpulusu ikele mu yankaka ve, kadi nkumbu yankaka ikele ve nansi ya zulu, ya peswa nakati na bantu ya fwiti kuvulusa beto. Mat. 1:21; Yoa. 3:16; Bis. 5:31; 10:43

Loma 11:14

kana mono lenda kutelemisa kimpala mu bau ya ikele nsuni ya mono, ye vulusa bankaka ya bau. Lom. 9:3; 1 Kol. 9:22; 1 Tim. 4:16

Loma 2:3

Kansi, nge muntu ya fundisa bantu ya sala mambu mpilayai, kansi nge sala yau mpe, nge banza nge tatina mfundusu ya Nzambi ?

1 Kolinto 1:21

Kadi bu nsi mu ngangu ya nsi zabaka Nzambi ve mu ngangu ya yandi, yo vandaka nzolakani ya Nzambi kuvulusa bau ya kwikila mu kinzoba ya nsamunu ya nsamu mbote. Mat. 11:25; Luk. 10:21

1 Tesalonika 5:3

Bu bau tuba: Yenge ye tita ve, buna mpasulu tabwila bau nswalu, bonso nsongo mu nkento ya ikele na divumu, ye bau lenda kutina ve.

1 Timoteo 1:15

Yai ikele ndinga ya kwikama, ye ya lunga kubaka, na Klisto Yesu kwizaka mu nsi, kuvulusa bankwa masumu, nakati na bau mono ikele ya ntete. Yel. 3:17; Mat. 9:13; Mal. 2:17; Luk. 5:32; 19:10

Tito 2:11

Kadi nlemvo ya Nzambi imene kumonika kupesa mpulusu kwa bantu yonso,

Ebeleo 1:1

Nzambi tubaka mu nsungi ya nkulu kwa batata ya beto mu bambikudi mu mambu mingi ye mu mutindu mpila ya mpila.

Ebeleo 1:14

Kadi bau yonso ikele bampeve ya kisielo ya fidiswa kusadila bau ya tavingila difwa ya mpulusu. Nk. 34:7; 91:11

Ebeleo 1:2

Mu bilumbu yai ya nsuka, yandi tubaka kwa beto mu Mwana ya yandi, ya yandi tulaka mvingidi ya difwa ya bima yonso. Mu yandi mpe yandi salaka bansi; 4 Mose 12:6; Yoa. 1:3; Lom. 8:17; Kolo. 1:15

Ebeleo 12:25

Tomatala, beno buya ve yandi ya tubaka: kadi kana bau lendaka ve kutina mfundusu, bu bau buyaka yandi ya longaka bau va ntoto, buna beto mpe lenda ve kutina, kana beto tula nima kwa yandi ya tubaka mambu tuka zulu.

Ebeleo 4:1

Mpilayai, sambu na beto ikele na nsilulu kukota mu luvundu ya yandi, bika beto keba na mosi ya beno konda ve kubaka yo.

Ebeleo 4:11

Mpilayai, bika beto vibidila kukota mu luvundu yina, na muntu mosi kubwa ve mu nkolomono mutindu mosi ya bau.

Ebeleo 5:9

Bu yandi imene kulunga, yandi kitukaka mfumu ya mpulusu ya mvu ya mvu kwa bau yonso ya lemvuka yandi. Eb. 2:10

Ebeleo 9:28

buna Klisto mpe, bu yandi peswaka va zikwa mbala mosi kunata masumu ya bantu mingi, yandi tamonika mbala ya zole mu kukatula ya masumu ve, kansi kuvulusa bau ya vingila yandi. Mat. 26:28; Lom. 5:6, 9; 1 Pet. 3:18

1 Yoane 1:1

Mambu ya vandaka tuka luyantiku ya beto kuwaka ya beto monaka na meso ya beto, ya beto talaka ye ya maboko ya beto simbaka, ikele Diambu ya moyo. Yoa. 1:1, 14; Luk. 1:2; 24:39; 2 Pet. 1:16

Yuda 1:17

Kansi beno, bazolwa, bambuka mambu ya tubwaka ntete mu bantumwa ya Mfumu ya beto Yesu Klisto; 2 Pet. 3:2

Nzaikulu 7:10

Bau bokaka na ndinga nene, kutuba: Mpulusu kwa Nzambi ya beto ya vanda va kiti ya nkembo ye kwa Mwana Dimeme. Yes. 6:1; Nzai. 5:13; 12:10; 19:1