Ebeleo 2:11 - Le Nouveau Testament en Kikwango 1950

¹¹ Kadi yandi ya tula nlongo ye bau ya tulwa nlongo, yonso basikaka mu mosi; sambu na mambu yai, yandi kuwa nsoni ve kubinga bau bampangi, kutuba:

Ebeleo 2:11 Iomraidhean Croise

Matai 25:40

Ntinu tavutula ye tuba kwa bau: Kieleka, mono tuba kwa beno: Mpilamosi beno salaka yo kwa mosi ya bampangi ya mono yai ya luta fioti, beno salaka yo kwa mono. Bing. 19:17; Eb. 6:10

Matai 28:10

Buna Yesu tubaka kwa bau: Vanda na boma ve, kwenda kutuba kwa bampangi ya mono, bau takwenda ku Ngalili, kuna bau tamona mono. Yoa. 20:17; Bis. 1:3; 13:31; 1 Kol. 15:5

Malako 3:34

Bu yandi talaka bau ya vandaka ye zungaka yandi, yandi tubaka: Tala, ngudi ya mono ye bampangi ya mono!

Malako 8:38

Konsonani ya kuwa nsoni sambu na mambu ya mono mu mbandu yai ya bizumba ye masumu, Mwana ya muntu tawila yandi nsoni bu yandi kwiza mu nkembo ya Tata ya yandi na banjo ya nlongo. Zak. 14:5; Mat. 25:31; 26:65; Lom. 1:15; 2 Tim. 1:8, 12

Luka 9:26

Kadi konsonani ya kuwa nsoni sambu na mono ye mambu ya mono, Mwana ya muntu takuwila yandi nsoni, bu yandi kwiza mu nkembo ya yandi ye ya Tata ya yandi ye ya banjo ya nlongo. Mat. 10:33; Luk. 12:9; 2 Tim. 2:12; Lom. 1:16

Yoane 17:19

Sambu na mambu ya bau, mono ditula nlongo, na bau mpe lenda kutulwa nlongo mu kieleka. Eb. 2:11

Yoane 17:21

mpilayina bau yonso tavanda mosi, bonso nge Tata mu mono ye mono mu nge, na bau mpe vanda mu beto, na nsi lenda kukwikila na nge fidisaka mono. Yoa. 10:38; 14:11

Yoane 20:17

Yesu tuba kwa yandi: Valakana mono ve; sambu na mono imene kutomboka ntete kwa Tata ve, kansi kwenda kwa bampangi ya mono ye tuba kwa bau: Mono tatomboka kwa Tata ya mono, ye Tata ya beno, ye Nzambi ya mono ye Nzambi ya beno.

Bisalu Ya Bantumwa 17:26

Yandi salaka makanda yonso ya bantu katuka na tata mosi, sambu na kuvanda na ntoto yonso, yandi songaka nsungi ya zengwa, ye kitezo ya ntoto ya bau tavanda. 1 Mose 1:27; 5 Mose 32:8

Bisalu Ya Bantumwa 17:28

Kadi mu yandi beto ikele na moyo, ye tambula, ye vanda; bonso bansoniki yankaka ya beno ya bankunga tubaka: Kadi beto ikele bana ya yandi.

Loma 8:29

Kadi bau ya yandi zabaka ntete, yandi mpe solaka bau na kuvanda kifwani ya Mwana ya yandi, na yandi lenda kuvanda mwana ya ntete nakati bampangi mingi.

Ngalata 4:4

Bu ntangu ya lunga kwizaka, Nzambi fidisaka Mwana ya yandi, ya butuka na nkento ya butuka nansi ya nsiku. Ef. 1:10

Ebeleo 10:10

Mu luzolo yina beto imene kutulwa nlongo mu peswa ya nitu ya Yesu Klisto mbala mosi. Kolo. 1:22; 1 Pet. 2:24

Ebeleo 10:14

Kadi mu nkailu mosi kaka, yandi imene kulungisa mvu ya mvu bantu ya tulwa nlongo.

Ebeleo 11:16

Kansi ntangu yai bau ikele kusosa ntoto ya luta mbote, yo ikele, yina ya zulu. Mpilayai Nzambi ikele kuwa nsoni ve kubingwa Nzambi ya bau, sambu na yandi imene kuyidikila bau mbanza. 2 Mose 3:6

Ebeleo 13:12

Mpilayai Yesu mpe moniswaka mpasi nanganda ya mwelo ya bwala, sambu na kutula beto nlongo mu menga ya yandi. 3 Mose 4:12; 24:14; Mat. 27:32; Yoa. 19:17

Ebeleo 2:14

Buna, bu bana ikele bintwadi mu menga ye nsuni, buna yandi mpe bakaka mutindu mosi, buna mu lufwa yandi lenda kubevisa yandi ya vandaka na ngolo ya lufwa, yandi ikele diable. Yoa. 1:14; 1 Kol. 15:26, 54; 2 Tim. 1:10

Ebeleo 3:1

Sambu na yai, bampangi ya nlongo, bintwadi mu mbokolo ya zulu, beno tala Ntumwa ye Nganga nene ya kitemo ya lukwikilu ya beto, yandi ikele Yesu.