Ebeleo 13:5 - Le Nouveau Testament en Kikwango 1950

⁵ Beno vanda na zola ya mbongo ve, vanda matondo sambu na yina ya ikele na beno, kadi yandi kibeni tubaka: Mono lenda kubika nge ta mbala mosi ve, mono tabika nge mu kinsona ve. 1 Mose 28:15; 5 Mose 31:6; Yos. 1:5; Mat. 6:25, 34; 1 Tim. 6:6

Ebeleo 13:5 Iomraidhean Croise

Matai 6:19

Dibumbila bima ya ntalu va ntoto ve, sika ya banyama ye nkazu ikele kubivisa yau, ye bamwivi ikele kutima ye kuyiba; Bing. 23:4

Matai 6:25

Sambu na yai mono tuba kwa beno: Vanda na mbanza ve sambu na moyo ya beno, na beno takudia nki, keti beno takunwa nki, keti sambu na nitu ya beno, na beno tavwata nki. Moyo luta madia ve, ye nitu luta mvwatu ve ? Luk. 12:22; Fili. 4:6; 1 Tim. 6:8; Eb. 13:5; 1 Pet. 5:7

Matai 6:34

Sambu na yai, vanda na mabanza ve ya mbazi, kadi mbazi tavanda na mabanza ya yo mosi. Lumbu ye mbi na yo ikele kulunga.

Malako 7:22

Mambu ya kufwa makwela, zola ya bima, mambu ya mbi, luvunu, nsatu ya mambu ya mbi, kimpala, tuba ya mbi, lulendo, bunzoba.

Luka 3:14

Basoldat mpe yuvulaka yandi kutuba: Beto mpe fwiti kusala nki ? Yandi tubaka kwa bau: Beno baka kima ya muntu na ngolo ve, beno funda muntu ve mu mambu ya luvunu, bika kifutu ya beno lunga.

Luka 8:14

Ya kubwa mu matiti ya nsende, ikele bau ya imene kuwa, nanima bau kwenda na nzila ya bau, bau fietikiswa na mabanza ye kimvwama ye kiese ya luzingu yai, bau ikele kuyela ve kima ya lunga. 1 Tim. 6:9

Loma 1:29

Bau fuluka na konda ya lunungu yonso, bau sala mambu mbi, bau tonda bima, bau sala nsoki, bau fuluka na kimpala, bau kufwa bantu, ntembe, lukusu, bungubi, bitubatuba, 1 Kol. 6:9; 2 Kol. 12:20; Ngal. 5:19; Ef. 5:3

1 Kolinto 5:11

Kansi mono sonika kwa beno, kana muntu ya ikele kubingwa mpangi, ikele nkwa bizumba, keti muntu ya zola bima ya muntu, keti nsambidi ya biteki, keti mufingi, keti mukolwi, keti mwivi ya mbongo; beno kudia na muntu mpilayai ve. Bing. 23:20; 24:1; 2 Tes. 3:14; 1 Kol. 10:14; 1 Yoa. 5:21; Tit. 3:10; 2 Tim. 2:21

1 Kolinto 6:10

keti bamwivi, keti bankwa zola ya bima ya muntu, keti bakolwi, keti bafingi, keti babotodi ya bima mu nsoki, bau tabaka ve difwa ya kimfumu ya Nzambi.

2 Kolinto 4:9

bau zomaka beto kansi Nzambi bikaka beto ve, bau bulaka beto na ntoto, kansi beto kufwaka ve, Nk. 37:24

Efeso 5:3

Kansi bizumba ye nsumukunu yonso keti zola ya bima, bika yo vanda ta fioti ve nakati na beno, bonso yo lunga kwa banlongo, Mal. 7:21; Kolo. 3:5; Ngal. 5:19

Efeso 5:5

Kadi beno zaba yai mbote, muntu ya bizumba keti muntu ya sumuka keti nkwa zola ya bima, ya ikele musambidi ya kiteki, yandi lenda ve kubaka difwa mu kimfumu ya Klisto ye Nzambi.

Kolosai 3:5

Mpilayai kufwa biela ya beno va ntoto, bizumba, nsumukunu, nsatu ya mbi, zola ya mbi, zola ya bima, ya ikele nsambilu ya biteki. Lom. 8:13; Ef. 5:3

1 Timoteo 3:3

Munwi ya vinia ve, ye kunwana ve, kansi ya nlembami, ya makalele ve, ya zola mbongo ve, 2 Tim. 2:24

2 Petelo 2:14

Meso ya bau ikele kufuluka na bizumba ye bau lenda ve kubika masumu, ye ikele kukusa miela ya lebakana, mintima ya bau fuluka na zola ya bima. Bau ikele bana ya ndola.

2 Petelo 2:3

Mu zola ya bima, bau tabaka ndandu sambu na beno mu ndinga ya mayele, mfundusu ya bau tuka ntama tavingila ve, ye lufwa ya bau ikele kulala tulu ve.

Yuda 1:11

Ndola kwa bau, kadi bau kwenda mu nzila ya Kaini, ye kubwaka nswalu mu kuvila ya Balami kubaka ndandu, ye bau vilaka mu nkolomono ya Kola. 1 Mose 4:8; 2 Mose 22:1, 16; 2 Pet. 2:15