Ebeleo 13:21 - Le Nouveau Testament en Kikwango 1950

²¹ bika yandi lungisa beno mu mambu yonso ya mbote kusala luzolo ya yandi, bu yandi ikele kusala mu beno yina ya ikele mbote na luse ya yandi, mu Yesu Klisto; kwa yandi nkembo ya mvu ya mvu, Amen. Lom. 16:27; 2 Tes. 2:17

Ebeleo 13:21 Iomraidhean Croise

Matai 12:50

Kadi konsonani tasala luzolo ya Tata ya mono ya ikele mu zulu, yandi ikele mpangi ya mono ye mpangi nkento ya mono ye ngudi ya mono.

Matai 21:31

Na bau zole nani salaka luzolo ya tata ya yandi ? Bau tubaka: Ya ntete. Yesu tubaka kwa bau: Kieleka, mono tuba kwa beno: Bamfutisi ye bankwa bizumba takota mu kimfumu ya Nzambi nantwala na beno. Luk. 7:29

Matai 28:20

longa bau kukeba mambu yonso ya mono sikidikisaka beno. Tala, mono ikele na beno bilumbu yonso, ti nsuka ya ntangu.

Matai 6:13

twala beto mu mpukumunu ve, kansi vulusa beto na nkwa mbi. Kadi kimfumu ye ngolo ye nkembo ikele ya nge mvu ya mvu. Amen.

Matai 7:21

Ikele yonso ve ya tuba kwa mono, Mfumu, Mfumu, takota mu zulu. Kansi yandi ya sala lusolo ya Tata ya mono ya ikele mu zulu. Hos. 8:2; Luk. 6:46; Lom. 2:13; Yak. 1:22

Yoane 17:23

Mono mu bau, nge mu mono, na bau talungiswa mu mosi, na nsi lenda kuzaba, nge fidisaka mono, ye nge zola bau, bonso nge zola mono. 1 Yoa. 1:3; 3:24

Yoane 7:17

Kana muntu zola kusala luzolo ya yandi, yandi tazaba malongi, kana yo katuka na Nzambi, keti mono tuba mu mono kibeni.

Loma 11:36

Kadi ya yandi ye mu yandi ye kwa yandi bima yonso ikele. Nkembo kwa yandi mvu ya mvu. Amen. Lom. 16:27; 1 Kol. 8:6; Eb. 2:10

Loma 16:27

Kwa Nzambi yandi kaka ya ngangu, nkembo kwa yandi mu Yesu Klisto mvu ya mvu. Amen. Lom. 11:36; 1 Tim. 1:17

2 Kolinto 9:8

Nzambi lenda kulutisa nlemvo yonso kwa beno, na beno lenda kuluta mu bisalu yonso ya mbote, bu beno ikele ya lunga mu mambu yonso ntangu yonso, 1 Tim. 6:6; Fili. 4:11

Ngalata 1:5

Nkembo kwa yandi mvu ya mvu. Amen. Lom. 16:27

Efeso 2:10

Kadi beto ikele bisalu ya yandi, beto semwaka mu Klisto Yesu sambu na bisalu ya mbote, ya Nzambi yidikaka ntete na beto tatambula muna. Nk. 100:3; Kolo. 1:10; Tit. 2:14

Efeso 2:18

kadi mu Tata beto ye bau bakaka nkotolo ya beto mu mpeve mosi. Yoa. 14:16; Ef. 3:12; Lom. 5:2

Filipi 1:11

beno fuluka na mabundu ya lunungu, ya ikele mu Yesu Klisto mu nkembolo ye nsikulu ya Nzambi. Mat. 5:16; Yoa. 15:8; Ef. 1:12; 3:19; 5:9

Filipi 2:11

tudimi yonso tatuba kitemo, Yesu Klisto ikele Mfumu, ku nkembo ya Nzambi, Tata. Bis. 2:36

Filipi 2:13

Kadi Nzambi ikele kusala mu beno, luzolo ye bisalu, bonso luzolo ya yandi ya mbote. 2 Kol. 3:5; Eb. 13:21

Filipi 4:13

Mono lenda kusala mambu yonso mu yandi ya ikele kusiamisa mono. 1 Tim. 1:12; 2 Tim. 2:1

Filipi 4:18

Mono ikele na bima yonso ye bima ya lunga, mono imene kufuluka, bu mono bakaka bima na Epafolodito ya beno fidisaka mono, nsunga mbote, nkailu ya zikwa ya lunga ye zolakana kwa Nzambi. Ef. 5:2; Eb. 13:16

Kolosai 3:17

Mambu yonso ya beno ikele kusala mu ndinga keti mu kisalu, sala yau yonso mu nkumbu ya Mfumu Yesu, kupesa matondo kwa Nzambi, Tata, mu yandi. 1 Kol. 10:31; Ef. 5:20; 1 Tes. 5:18; Eb. 13:15

Kolosai 3:20

Bana, lemvuka kwa batata ye bangudi ya beno mu mambu yonso, kadi yai ikele kuzolakana mu Mfumu. Ef. 6:1

Kolosai 4:12

Epafala fidisa beno mbote, yandi ikele mosi ya beno, sielo ya Klisto Yesu, ya tula ngolo mu lombilu sambu na beno ntangu yonso, na beno lenda kutelema ya lunga ye zaba mbote luzolo yonso ya Nzambi.

1 Tesalonika 3:13

na yandi lenda kusikidika ntima ya beno ya konda mbi mu nlongo nantwala na Nzambi ye Tata ya beto, bu Mfumu ya beto Yesu kwiza ye banlongo yonso ya yandi. Fili. 1:10; 1 Tes. 5:23; 2 Tes. 1:7; 2:17

1 Tesalonika 4:3

Kadi yai ikele luzolo ya Nzambi ikele nlongo ya beno na beno bika bizumba, Ef. 5:3

1 Tesalonika 5:23

Bika Nzambi ya yenge, yandi kibeni sala beno nlongo yamvimba, bika mpeve ye mwela ye nitu ya beno yamvimba kebwa mu konda mbi, ti na Mfumu ya beto Yesu Klisto kwiza. 1 Kol. 1:8; 2 Tes. 3:13

2 Tesalonika 2:17

bika yandi bomba mintima ya beno; sikidika yau mu kisalu mbote yonso ye mambu. 1 Tes. 3:13

1 Timoteo 1:17

Kwa ntinu ya mvu ya mvu, ya lenda kufwa ve, ya ikele kumonika ve, Nzambi mosi kaka, kwa yandi nzitusu ye nkembo mvu ya mvu. Amen. Lom. 16:27; 1 Tim. 6:16

1 Timoteo 5:10

ye yandi ikele na kitemo ya kisalu ya mbote; kana yandi imene kusansa bana kana yandi sadisaka banzenza, kana yandi sukulaka makulu ya banlongo, kana yandi sadisaka bambevo, kana yandi imene kuvibidila mu bisalu yonso ya mbote. 1 Pet. 4:9

1 Timoteo 6:16

Yandi mosi kaka konda kufwa, yandi ikele kuvanda mu mwini, ya bantu lenda kwiza mfinama na yo ve, muntu imene kumona yo ve, ye lenda kumona yo ve, kwa yandi nzitusu ye ngolo ya mvu ya mvu. Amen 2 Mose 33:20; Yel. 1:18; 2 Tim. 4:18; 1 Yoa. 4:12, 20

2 Timoteo 3:17

na muntu ya Nzambi lenda kuvanda ya lunga, ye ya toma yidikwa mu bisalu yonso ya mbote. 2 Tim. 2:21

2 Timoteo 4:18

Mfumu tavulusa mono tuka bisalu yonso ya mbi, ye tavulusa mono ku kimfumu ya yandi ya zulu; kwa yandi nkembo ya mvu ya mvu. Amen. 2 Tim. 3:11

Ebeleo 10:36

Kadi beno ikele na nsatu ya mvibudulu, bu beno imene kusala luzolo ya Nzambi, beno lenda kubaka nsilulu.

Ebeleo 12:23

kwa dibundu ya bana ya mbuta ya sonikwa mu zulu, ye kwa mfundisi, ikele Nzambi ya bantu yonso, ye kwa bampeve ya lunungu ya imene kulunga,

Ebeleo 12:28

Mpilayai, sambu na beto ikele kubaka kimfumu ya lenda ve kunuka, bika beto pesa matondo, ye beto fwiti kusadila Nzambi, bonso yandi zola, mu luzitu yonso ye boma.

Ebeleo 13:16

Kansi vila ve kusala mbote ye kukaba, kadi Nzambi ikele kuzola nkailu ya mpilayai. Lom. 12:13; Fili. 4:18

1 Petelo 2:5

Beno mpe bonso matadi ya moyo ikele kutungwa mu nzo ya kimpeve kuvanda kinganga ya nlongo, ye kupesa nkailu ya zikwa ya kimpeve, ya solwa kwa Nzambi mu Yesu Klisto. Lom. 12:1; Ef. 2:21; Eb. 3:6; 13:15

1 Petelo 4:2

Buna beno tatambula diaka ve mu nsuni, mu luzolo ya kimuntu, kansi mu luzolo ya Nzambi. Lom. 12:2; 14:7; 2 Kol. 5:15; Ngal. 2:20; 1 Tes. 5:10; Eb. 9:14

2 Petelo 3:18

Kansi kula mu nlemvo ye nzailu ya Mfumu ya beto ye Mvulusi Yesu Klisto. Kwa yandi nkembo ntangu yai ye mvu ya mvu. Amen.

1 Yoane 2:17

Nsi tavila ye zola ya yau, kansi yandi ya sala luzolo ya Nzambi tavanda mvu ya mvu. Yes. 40:6; 1 Kol. 7:31

1 Yoane 3:22

Konsonki ya beto lomba, beto tabaka tuka yandi, sambu beto keba bansikudusu ya yandi ye sala mambu ya yangidisa yandi.

Yuda 1:25

kwa Nzambi kaka Mvulusi ya beto mu Yesu Klisto Mfumu ya beto, vanda nkembo, nene, luyalu ye ngolo, ntete ya ntangu yantikaka ye ntangu yai ye mvu ya mvu. Amen. 1 Tim. 1:17; 1 Pet. 4:11; 2 Pet. 3:18

Nzaikulu 4:6

Nantwala na kiti ya nkembo vandaka mbu bonso talatala bonso matadi ya moni-moni, nakati kiti ya nkembo, ye zunga kiti ya nkembo vandaka bambizi iya ya moyo ya fuluka na meso nantwala ye nanima. 2 Mose 24:16; Yeh. 1:5; Nzai. 15:2

Nzaikulu 5:13

Mono kuwaka mpe bisemwa yonso ya vandaka mu zulu ye va ntoto ye mu nsi ya ntoto ye va mbu ye bima yonso ya ikele mu yau, tubaka: Kwa yandi ya vanda va kiti ya nkembo ye kwa Mwana Dimeme vanda nsakumunu ye nzitusu ye nkembo ye luyalu mvu ya mvu. Yes. 6:1; Fili. 2:10; Nzai. 4:2; 5:3; 7:10

Nzaikulu 5:9

Bau yimbaka nkunga yampa, kutuba: Nge lunga kubaka nkanda ye kukangula bidimbu ya yo, sambu na bau imene kufwa nge ye nge sumbaka kwa Nzambi na menga ya nge, bantu ya makanda yonso ye bandinga ye bantu ye makanda yonso, Nk. 144:9; 1 Kol. 6:20; 1 Pet. 1:18; Nzai. 4:11; 14:2