Ebeleo 13:2 - Le Nouveau Testament en Kikwango 1950

² Beno vila ve kusonga zola kwa banzenza, kadi mu yo, bankaka imene kusadila banjo, bu bau kondaka kuzaba bau. 1 Mose 18:1; Lom. 12:13; 1 Pet. 4:9

Ebeleo 13:2 Iomraidhean Croise

Matai 25:35

Kadi mono vandaka na nzala, ye beno pesaka mono ya kudia; mono vandaka na kiwini, ye beno pesaka mono ya kunwa; mono vandaka nzenza ye beno bakaka mono; Yes. 58:7; Yeh. 18:7

Matai 25:40

Ntinu tavutula ye tuba kwa bau: Kieleka, mono tuba kwa beno: Mpilamosi beno salaka yo kwa mosi ya bampangi ya mono yai ya luta fioti, beno salaka yo kwa mono. Bing. 19:17; Eb. 6:10

Matai 25:43

mono vandaka nzenza ye beno bakaka mono ve; mono kondaka lele ye beno vwatisaka mono ve; mono vandaka na maladi ye mu boloko, ye beno kwizaka ve kutala mono.

Bisalu Ya Bantumwa 16:15

Bu yandi imene kubotikwa ye nzo ya yandi, yandi bombidilaka beto, kutuba: Kana beno banza mono imene kukwikila Mfumu ya kieleka, kota mu nzo ya mono ye vanda muna. Yandi kwikidisaka kwenda ku sika ya lombilu beto beto mingi.

Loma 12:13

Sadisa mu nsatu ya banlongo, landa kudikila banzenza. 1 Kol. 16:1; 1 Tim. 5:10; Tit. 1:8; Eb. 13:2; 1 Pet. 4:9

Loma 16:23

Ngayo nsadisi ya mono ye ya dibundu yamvimba fidisa beno mbote. Elasto mukebi ya mbongo ya mbanza ye Kwalato mpangi fidisa beno mbote.

1 Timoteo 3:2

Nkengi fwiti kuvanda ve na mambu ya mbi, ye vanda bakala ya nkento mosi kaka; kukolwa na malafu ve, kuvanda na bifu ya mbote, kuvanda na makalele ve, kuzola kusadisa banzenza, ye kuzaba kulonga, Tit. 1:6

1 Timoteo 5:10

ye yandi ikele na kitemo ya kisalu ya mbote; kana yandi imene kusansa bana kana yandi sadisaka banzenza, kana yandi sukulaka makulu ya banlongo, kana yandi sadisaka bambevo, kana yandi imene kuvibidila mu bisalu yonso ya mbote. 1 Pet. 4:9

Tito 1:8

kansi ya sadisa banzenza, ya zola mambu ya mbote, ya konda kusakana, ya lunungu, ya nlongo, ye ya lenda kudiyala,

1 Petelo 4:9

Beno vanda na zola ya banzenza ye sosa ve bau kuvutula yo.

3 Yoane 1:5

Zolwa, nge ikele kusala ya kwikama mu mambu yonso ya nge salaka kwa bampangi, ye kwa banzenza mpe.