Ebeleo 12:9 - Le Nouveau Testament en Kikwango 1950

⁹ Diaka: Batata ya beto ya nsuni pesaka beto ndongi, ye beto zitisaka bau, yo luta mbote kulemvuka kwa Tata ya bampeve ye vanda na moyo.

Ebeleo 12:9 Iomraidhean Croise

Luka 18:2

Yandi tubaka: Na mbanza mosi vandaka mfundisi ya vuminaka Nzambi ve, yandi konda kumona muntu nsoni.

Luka 18:4

Ntangu yina yandi zolaka ve; kansi kilumbu ya landa, yandi tubaka mu ntima ya yandi: Mono ikele kuvumina Nzambi ve, ye mono konda kumona muntu nsoni;

Yoane 3:6

Ya butuka mu nsuni, ikele nsuni, ye ya butuka mu Mpeve, ikele mpeve.

Bisalu Ya Bantumwa 2:30

Yandi vandaka mbikudi, ye yandi zabaka na Nzambi kudiaka ndefi, na mosi ya katuka na luketo ya yandi tavanda va kiti ya yandi. 2 Sam. 7:12; Nk. 89:3; 132:11

Loma 1:3

yai ikele Mwana ya yandi ya butukaka mu nsuni ya nkuna ya Davidi. Luk. 1:32

Loma 9:3

Kadi mono lenda kuzola na mono katuka na Klisto bonso mu ndola, sambu na bampangi ya mono, ikele bibutu ya mono mu nsuni. 2 Mose 32:32

Loma 9:5

batata ikele tuka baIsaeli ya basisaka Klisto mu nsuni, ya ikele va zulu ya bima yonso; Nzambi sakumunwa mvu ya mvu. Amen.

Yakobi 4:10

Beno dikulumusa nantwala na Mfumu, ye yandi tatombola beno. Luk. 4:11; 1 Pet. 5:6

Yakobi 4:7

Sambu na yai beno lemvuka kwa Nzambi, kansi buya diable, ye yandi tatina beno. 1 Pet. 5:9; 1 Yoa. 5:18

1 Petelo 5:6

Mpilayai, beno dikulumusa nansi na diboko ya ngolo ya Nzambi, na yandi lenda kutombola beno mu ntangu ya lunga. Luk. 1:52; 14:11; Yak. 4:10

Nzaikulu 22:6

Yandi tubaka kwa mono: Mambu yai ikele ya kwikama ye ya kieleka, ye Mfumu, Nzambi ya bampeve ya bambikudi fidisaka wanjo ya yandi kusonga basielo ya yandi mambu ya takwiza nswalu. Nzai. 1:1; 19:9; 21:5