Ebeleo 12:3 - Le Nouveau Testament en Kikwango 1950

³ Kadi banza sambu na yandi ya vibidilaka mu mbangika ya mpilayai ya bankwa masumu, na beno lembwa ve, ye konda kikesa ve mu mwela ya beno.

Ebeleo 12:3 Iomraidhean Croise

Matai 11:19

Mwana ya muntu imene kwiza kudia ye kunwa, ye bau tuba: Tala, muntu ya kudia mingi ye munwi ya vinia, nduku ya bamfutisi ye bankwa masumu. Ngangu ikele kununguswa mu bisalu ya yandi.

Matai 12:24

Kansi bu bafalisi kuwaka yo, bau tubaka: Yo ikele mu Belesebuli kaka, nkuluntu ya bampeve mbi ya yandi ikele kubasisa bampeve mbi. Mat. 9:34; Mal. 3:22; Luk. 11:15

Matai 15:2

Sambu na nki banlonguki ya nge ikele kufwa nsiku ya nkulu ya bambuta ? Sambu na bau sukula ve maboko bu bau kudia, Mal. 7:1

Matai 21:23

Bu yandi kotaka mu tempelo, bambuta banganga ye bambuta ya bantu kwizaka kwa yandi bu yandi vandaka kulonga, ye tubaka: Mu ngolo nki nge ikele kusala mambu yai, ye nani pesaka nge ngolo yai ? Mal. 11:27; Luk. 20:1; Bis. 4:7; 7:27

Matai 21:46

Bu bau sosaka kusimba yandi, bau titaka bibuka, kadi bau tangaka yandi bonso mbikudi.

Matai 22:15

Buna bafalisi kwendaka kutubana mpila nki bau lenda kubwisa yandi mu ndinga ya yandi. Mal. 12:13; Luk. 20:20

Luka 14:1

Yo vandaka bu yandi kotaka mu nzo ya nkuluntu mosi ya bafalisi, mu kilumbu ya luvundu na kudia, bau langidilaka yandi.

Luka 15:2

Bafalisi ye bansoniki baminaka kutuba: Muntu yai ikele kubaka bankwa masumu, ye kudia na bau.

Luka 16:14

Bafalisi ya vandaka bantu ya zola mbongo kuwaka mambu yai yonso ye bau fingaka yandi.

Luka 2:34

Simeoni sakumunaka bau, ye tubaka kwa Malia, ngudi ya yandi: Tala mwana yai ikele kutulwa sambu na kubwa ye kutelemisa ya bantu mingi mu Isaeli ye kidimbu ya bau tatuba mbi sambu na yo. Yes. 28:16; Mat. 21:44; Bis. 28:22

Luka 5:21

Ye bansoniki ye bafalisi yantikaka kubanza ye kutuba: Yandi ya tuba mbi yai ikele nani ? Nani lenda kuvidisa masumu, kansi Nzambi kaka ? Yes. 43:26

Yoane 10:20

Mingi ya bau tubaka: Yandi ikele na mpeve mbi, yandi imene kulauka. Sambu na nki beno ikele kuwa yandi ? Yoa. 7:20; 8:48, 52

Yoane 18:22

Bu yandi imene kutuba mambu yai, mosi mu bapolisi ya telemaka mfinama bulaka Yesu mbata, kutuba; nge vutula kwa nganga yanene mpilayai ?

Yoane 5:16

Sambu na mambu yai, baYuda zomaka Yesu, sambu na yandi salaka mambu yai na kilumbu ya luvundu.

Yoane 7:12

Ye bamina mingi vandaka nakati kibuka, sambu na yandi. Bankaka tubaka: Yandi ikele muntu ya mbote; bankaka tubaka: Ve, yandi ikele kuvengumisa bantu.

Yoane 8:13

Buna bafalisi tubaka kwa yandi: Nge tuba kitemo sambu na nge mosi, kitemo ya nge ikele kieleka ve.

Yoane 8:52

BaYuda tubaka kwa yandi: Ntangu yai beto zaba, nke ikele na mpeve mbi; Abalahami kufwaka ye bambikudi; ye nge tuba: Kana muntu lunda mambu ya mono, yandi tamona lufwa ve mvu ya mvu.

Yoane 8:59

Buna bau bakaka matadi kulosa yandi. Kansi Yesu swamaka, yandi basikaka na tempelo. Yoa. 10:31

Yoane 9:40

Bafalisi yankaka ya vandaka na yandi kuwaka ndinga yai, ye tubaka kwa yandi: Beto mpe ikele mpofo ?

1 Kolinto 15:58

Mpilayai, bampangi ya mono ya zolwa, vibidila, ye nikuka ve, luta kuvanda ngolo ntangu yonso mu kisalu ya Mfumu, sambu na beno zaba kisalu ya beno ikele mpamba ve mu Mfumu.

2 Kolinto 4:1

Mpilayai, sambu na beto ikele na kisielo yai, mu nkenda ya beto bakaka, beto lenda kulembwa ve. 2 Kol. 3:6

2 Kolinto 4:16

Sambu na yai beto lembwa ve, kansi kana muntu ya beto ya nganda ikele kufwa, kansi muntu ya beto ya kati ikele kukituka yampa kilumbu na kilumbu.

Ngalata 6:9

Bika beto konda kikesa ve mu kisalu ya mbote, kadi mu ntangu ya lunga, beto tabuka, kana beto lembwa ve. 2 Kol. 4:16; 2 Tes. 2:13

2 Tesalonika 3:13

Beno, bampangi, lembwa ve mu kisalu ya mbote. Ngal. 6:9

Ebeleo 12:2

beto tala kwa Yesu, mfumu ye mulungisi ya lukwikilu ya beto, sambu na kiese ya tulwaka nantwala na yandi, yandi vibidilaka kulunsi, yandi monaka yo nsoni ve, ye yandi imene kuvanda na diboko ya kibakala ya kiti ya Nzambi. Eb. 1:3; 2:10

Ebeleo 12:5

Beno vilaka malongi ya tubaka kwa beno bonso bana: Mwana ya mono, buya malongi ya Mfumu ve, ye lembwa ve bu yandi monisa nge mpasi. Bing. 3:11; Yak. 5:17; Nzai. 3:19

Ebeleo 3:1

Sambu na yai, bampangi ya nlongo, bintwadi mu mbokolo ya zulu, beno tala Ntumwa ye Nganga nene ya kitemo ya lukwikilu ya beto, yandi ikele Yesu.

1 Petelo 2:23

bu yandi fingwaka, yandi vutulaka mafingu ve, bu yandi moniswaka mpasi yandi vutulaka ndinga ve, kansi yandi dipesaka kwa yandi ya fundisa mu lunungu. Mat. 27:39; Yoa. 8:48

Nzaikulu 2:3

Nge ikele na mvibidulu ye vibidilaka sambu na nkumbu ya mono, ye nge lembwaka ve.