Ebeleo 12:2 - Le Nouveau Testament en Kikwango 1950

² beto tala kwa Yesu, mfumu ye mulungisi ya lukwikilu ya beto, sambu na kiese ya tulwaka nantwala na yandi, yandi vibidilaka kulunsi, yandi monaka yo nsoni ve, ye yandi imene kuvanda na diboko ya kibakala ya kiti ya Nzambi. Eb. 1:3; 2:10

Ebeleo 12:2 Iomraidhean Croise

Matai 16:21

Tuka ntangu yina, Yesu yantikaka kusonga banlonguki ya yandi, yandi fwiti kwenda ku Yelusalemi, ye moniswa mpasi mingi na bambuta ya bantu ye bambuta banganga ye bansoniki, ye takufwa ye tafulukiswa va kilumbu ya tatu. Mat. 20:17; Mal. 8:30; Luk. 9:21

Matai 20:28

Mpilayai Mwana ya muntu kwizaka ve sambu na bantu tasadila yandi, kansi kusadila bantu ye kupesa moyo ya yandi sambu na nkudulu ya bantu mingi. Yoa. 13:14; Ef. 1:7; Fili. 2:7; 1 Tim. 2:6; Tit. 2:14; 1 Pet. 1:19, 21

Malako 14:36

Yandi tubaka: Aba Tata; Mambu yonso lenda kwa nge, katula kopo yai na mono, kansi bonso mono zola ve, kansi bonso nge zola. Yoa. 6:38; Eb. 5:7

Malako 15:28

Yai manisaka masonukwa ya tubaka: Bau tangaka yandi sikamosi na bankwa mbi.

Malako 16:19

Buna bu Mfumu Yesu imene kutuba kwa bau, yandi bakwaka ku zulu, ye vandaka na diboko kibakala ya Nzambi. Luk. 24:50

Malako 9:12

Yandi tubaka kwa bau: Elia takwiza ntete kuvutula bima yonso ya vandaka ntete. Kansi mpila nki ya sonama sambu na Mwana ya muntu ? Yandi tamoniswa mpasi mingi, ye tasaulwa. Yes. 53:3; Dan. 9:26; Nk. 22:6

Malako 9:24

Buna tata ya mwana bokaka nswalu ye tubaka: Mono imene kukwikila, sadisa kondwa lukwikilu ya mono.

Luka 17:5

Bantumwa tubaka kwa yandi; Mfumu, tula lukwikilu ya beto kwiza nene.

Luka 23:11

Elode ye basoldat ya yandi saulaka yandi ye sekaka yandi, ye vwatisaka yandi mvwatu ya kenzima, ye vutulaka yandi kwa Pilatu.

Luka 24:26

Kadi na Klisto fwiti kumona mpasi yai ve ye kukota mu nkembo ya yandi ? Yes. 50:6; 53:1; Fili. 2:8; Eb. 12:2

Yoane 1:29

Kilumbu ya landa, Yoane monaka Yesu kwiza kwa yandi, yandi tubaka: Tala, Mwana Dimeme ya Nzambi ya ikele kukatula masumu ya nsi. 1 Pet. 1:19

Yoane 12:24

Kieleka, kieleka, mono tuba kwa beno: Kana nkeni ya ble kubwa va ntoto ye kufwa ve, yo vanda yo mosi, kansi kana yo kufwa, yo buta mabundu mingi.

Yoane 12:32

Ye mono, kana mono nangulwa tuka ntoto, tabenda bantu yonso kwa mono. Yoa. 3:14; 8:28

Yoane 13:3

Yesu zabaka na Tata imene kupesa bima yonso mu maboko ya yandi, ye yandi katukaka na Nzambi, ye ikele kwenda kwa Nzambi. Yoa. 3:35; 17:2; 1 Kol. 15:27

Yoane 6:40

Kadi yai ikele luzolo ya Tata, konsomuntu ya mona Mwana ye kwikila yandi, tavanda na moyo mvu ya mvu. Yoa. 3:15

Yoane 8:56

Abalahami tata ya beno, yangalalaka kumona kilumbu ya mono; yandi monaka yo, ye yangalalaka.

Bisalu Ya Bantumwa 2:36

Sambu na yai, bika nzo yamvimba ya Isaeli zaba kieleka na Yesu ya bau komaka va kulunsi, Nzambi imene kusalaka yandi Mfumu ye Klisto. Fili. 2:9; Eb. 2:9

Bisalu Ya Bantumwa 3:15

Beno kufwaka Mfumu ya moyo, kansi Nzambi fulukisaka yandi tuka bafwa, ye beto ikele bantemo ya yo. Bis. 2:24, 34; 4:10; 5:31; Ef. 1:20

Bisalu Ya Bantumwa 5:31

Nzambi kembisaka yandi na diboko kibakala ya yandi, kuvanda Mfumu ye Mvulusi, kupesa bana ya Isaeli nzila ya pindula mabanza ye mvidisilu ya masumu. Luk. 24:47; Bis. 2:33, 36

Bisalu Ya Bantumwa 5:41

Buna bau katukaka nantwala na bamfundisi, bau vandaka na kiese na bau lungaka kubaka mpasi ya nsoni sambu na nkumbu yai. Mat. 5:11

1 Kolinto 1:18

Kadi mambu ya kulunsi ikele kinzoba kwa bau ya vila, kansi kwa beto ya vuluswa, yo ikele ngolo ya Nzambi. Lom. 1:16; 1 Kol. 1:23; 2 Kol. 2:15; 4:3

1 Kolinto 1:23

kansi beto samuna Klisto ya komwa va kulunsi, kwa baYuda ikele nteso ya sakuba ye kwa bapaien ikele kinzoba,

Efeso 2:16

Ye yandi vutulaka bau zole mu nitu mosi kwa Nzambi, mu kulunsi, bu yandi kufwaka kimbeni va yo. Kolo. 1:20, 22

Efeso 5:2

Tambula mu zola, bonso Klisto mpe zolaka beno, ye dipesaka sambu na beto, nkailu ye nkailu ya yokwa ya nsunga ya mbote kwa Nzambi. Yoa. 13:34; Yoa. 15:12; 1 Tes. 4:9; 1 Yoa. 3:11; Ngal. 2:20; Eb. 8:3; 1 Pet. 3:18

Filipi 1:6

Sambu na mambu yai, mono ikele na vuvu ya kwikama, na yandi ya yantikaka kisalu ya mbote mu beno talungisa yo ti kilumbu ya Yesu Klisto. 1 Kol. 1:8

Filipi 3:20

Kadi kisi ya beto ikele mu zulu, tuka kuna beto ikele kuvingila Mvulusi, ikele Mfumu Yesu Klisto. 1 Kol. 1:7; Ef. 2:6; Kolo. 3:3; 1 Tes. 1:10; Eb. 13:14

2 Timoteo 4:8

Ntangu yai koloa ya lunungu ikele kulundwa sambu na mono, Mfumu, mfundisi ya lunungu tapesa yo kwa mono mu kilumbu yina, kwa mono kaka ve, kansi kwa bau yonso ya zola kuvutuka ya yandi. 1 Kol. 9:25; Yak. 1:12; 1 Pet. 5:4

Ebeleo 1:13

Kansi kwa nani ya banjo yandi tubaka konso ntangu: Vanda na diboko kibakala ya mono, ti mono tula bambeni ya nge mfiduku ya makulu ya nge ? Nk. 110:1; Mat. 22:44; Bis. 2:34; 1 Kol. 15:25; Eb. 10:12

Ebeleo 1:3

yandi ikele ntentina ya nkembo ya Nzambi, ye kifwani ya mutindu ya yandi, ye yandi simba bima yonso mu ndinga ya ngolo ya yandi. Buna, bu yandi manisaka kuvedisa masumu, yandi vandaka na diboko kibakala ya Nkwa nene mu zulu. Nk. 110:1; Eb. 8:1

Ebeleo 10:14

Kadi mu nkailu mosi kaka, yandi imene kulungisa mvu ya mvu bantu ya tulwa nlongo.

Ebeleo 10:33

bu beno tulwaka bonso kima ya kutala mu mafingu ya bampasi ya ngolo, ye beno vandaka na kintwadi na bau ya moniswaka mpasi mutindu mosi.

Ebeleo 11:36

Bankaka saulwaka, bau bulwaka fimbu, bau tulwaka mu minyololo ye mu boloko.

Ebeleo 12:3

Kadi banza sambu na yandi ya vibidilaka mu mbangika ya mpilayai ya bankwa masumu, na beno lembwa ve, ye konda kikesa ve mu mwela ya beno.

Ebeleo 13:13

Buna bika beto basika kwa yandi nanganda ya kikuminu, ye nata kusaula ya yandi.

Ebeleo 5:9

Bu yandi imene kulunga, yandi kitukaka mfumu ya mpulusu ya mvu ya mvu kwa bau yonso ya lemvuka yandi. Eb. 2:10

Ebeleo 7:19

kadi nsiku lungisaka kima ve. Kansi na sika na yo, beto ikele kutulwa vuvu ya luta mbote, mu yo beto ikele kwiza mfinama kwa Nzambi. Bis. 13:38; Ef. 2:18; 3:11

Ebeleo 8:1

Kansi mu mambu ya beto tuba, ya luta nene ikele yai: Beto ikele na nganga ya nene ya vandaka na diboko kibakala ya kiti ya Nyadi ya nene mu mazulu, Nk. 110:1; Ef. 1:20; Kolo. 3:1; Eb. 1:3; 12:2

Ebeleo 9:28

buna Klisto mpe, bu yandi peswaka va zikwa mbala mosi kunata masumu ya bantu mingi, yandi tamonika mbala ya zole mu kukatula ya masumu ve, kansi kuvulusa bau ya vingila yandi. Mat. 26:28; Lom. 5:6, 9; 1 Pet. 3:18

Yakobi 2:1

Bampangi ya mono, beno vanda na lukwikilu ya Mfumu ya beto Yesu Klisto, yandi ikele Mfumu ya nkembo, ye banza ve na muntu luta muntu yankaka mbote.

1 Petelo 1:11

Kusosa ntangu nki ye mutindu ya ntangu ya Mpeve ya Klisto ya vandaka mu bau songaka, bu yandi tubaka kitemo ntete, sambu na mpasi ya Klisto, ye sambu na nkembo ya talanda. 1 Mose 49:10; Yes. 53:3; Dan. 2:44; 9:24; Luk. 24:26; Fili. 2:7; Eb. 12:2

1 Petelo 3:18

Kadi Klisto mpe kufwaka mbala mosi sambu na masumu, nkwa lunungu sambu na bankwa kondwa lunungu, na yandi lenda kutwala beto kwa Nzambi, bau kufwaka yandi mu nsuni, kansi yandi ikele na moyo mu mpeve. Lom. 5:6; 2 Kol. 13:4; Eb. 9:15, 28

1 Petelo 3:22

yandi ikele na diboko kibakala ya Nzambi, bu yandi kwendaka ku zulu, banjo ye bankwa ngolo ye bangolo imene kutulwa na nsi ya ngolo ya yandi. Nk. 110:1; Ef. 1:20

Yuda 1:21

beno dikeba mu zola ya Nzambi ye vingila nkenda ya Mfumu ya beto Yesu Klisto, ku moyo ya mvu ya mvu.

Nzaikulu 1:11

kutuba: Mambu ya nge mona, sonika mu nkanda ye fidisa yau ku mabundu nsambwadi: ku Efeso, ku Smilina, ku Pelengamo, ku Tiatila, ku Salade, ku Filadelefia ye ku Laodikia.

Nzaikulu 1:17

Bu mono monaka yandi, mono kubwaka na makulu ya yandi bonso muntu ya kufwa, yandi tulaka diboko kibakala ya yandi va mono, kutuba: Tita ve, mono ikele ya ntete ye ya nsuka. Yes. 44:2, 6; 48:12; Dan. 8:18; 10:9, 10, 12

Nzaikulu 1:8

Mono ikele Alafa ye Omega, Mfumu Nzambi ikele kutuba, yandi ya ikele, ye ya vandaka, ye ya ikele kwiza, Nkwa ngolo yonso. Yes. 44:6; Amosi. 4:13; Nzai. 1:4; 21:6

Nzaikulu 2:8

Sonika kwa wanjo ya dibundu mu Smilina: Mambu yai tubaka yandi ya ikele ya ntete ye ya nsuka yandi ya kufwaka ye ikele na moyo diaka. Yes. 44:6; Nzai. 1:17