Ebeleo 12:16 - Le Nouveau Testament en Kikwango 1950

¹⁶ Tomatala na muntu vanda ve, nkwa bizumba keti muntu ya saula bonso Esau ya tekaka kimbuta ya yandi na ndambu ya madia. 1 Mose 25:31

Ebeleo 12:16 Iomraidhean Croise

Malako 7:21

Kadi nakati na ntima ya bantu ikele kubasika mabanza mbi, bizumba ya bantu makwela, bwivi, kufwa bantu. 1 Mose 6:5; 8:21; Yel. 17:9

Bisalu Ya Bantumwa 15:20

kansi beto tasonika kwa bau, na bau tatina bima ya bau pesa kwa biteki, ye bizumba ye mbizi ya kufwa na menga basika ve, ye menga. 1 Mose 9:4; 1 Tes. 4:3

Bisalu Ya Bantumwa 15:29

Beno tatina bima ya yokwa ku biteki, ye menga, ye mbizi ya kufwa na menga basika ve, ye bizumba. Kana beno dikeba na bima yai, yo tavanda mbote na beno. Bika mbote. Bis. 21:25

1 Kolinto 10:8

Bika beto sala bizumba ve bonso bankaka ya bau salaka, bau kubwaka lumbu mosi mafunda makumi zole ye tatu.

2 Kolinto 12:21

keti bu mono kwiza diaka, Nzambi ya mono takulumusa mono nantwala na beno, ye mono tavanda na ntantu sambu na bantu mingi ya salaka masumu ntete ye pindulaka mabanza ve tuka nsumukunu, ye zola ya masumu, ye bizumba ya bau salaka. 2 Kol. 13:2; 1 Kol. 5:1; Ef. 4:19

Efeso 5:3

Kansi bizumba ye nsumukunu yonso keti zola ya bima, bika yo vanda ta fioti ve nakati na beno, bonso yo lunga kwa banlongo, Mal. 7:21; Kolo. 3:5; Ngal. 5:19

Efeso 5:5

Kadi beno zaba yai mbote, muntu ya bizumba keti muntu ya sumuka keti nkwa zola ya bima, ya ikele musambidi ya kiteki, yandi lenda ve kubaka difwa mu kimfumu ya Klisto ye Nzambi.

Kolosai 3:5

Mpilayai kufwa biela ya beno va ntoto, bizumba, nsumukunu, nsatu ya mbi, zola ya mbi, zola ya bima, ya ikele nsambilu ya biteki. Lom. 8:13; Ef. 5:3

1 Timoteo 1:9

Beto zaba yai, nsiku tulwaka ve, sambu na muntu ya lunungu, kansi sambu na bantu ya buya nsiku, ye bakolami, ye bau ya konda kuvumina Nzambi, ye bankwa masumu, ye bantu ya sumuka, ye bafingi ya Nzambi, ye bafwi ya batata ye ya bangudi ye ya bantu Ngal. 3:19; 5:23

Ebeleo 13:4

Bika makwela kuzitiswa kwa bantu yonso, bika fulu ya makwela lundwa kukondwa kusumuka, kansi Nzambi tafundisa bankwa bizumba ye bafwi ya nlongo.

Nzaikulu 21:8

Kansi bau ya ikele na boma, ye ya konda lukwikilu, ye ya sala masumu, ye bafwi ya bantu, ye bankwa bizumba, ye bankwa kindoki, ye basambidi ya biteki, ye bankwa luvunu yonso, sika ya bau tavanda mu zanga ya lema, na tiya ye solofo, yai ikele lufwa ya zole. 1 Kol. 6:9; Ngal. 5:21; Ef. 5:6; Nzai. 20:10, 14; 22:15

Nzaikulu 22:15

Kansi nanganda ikele bambwa ye bankwa kindoki ye bankwa bizumba ye bafwi ya bantu ye bansambidi ya biteki ye yonso ya zola ye sala luvunu. Mat. 7:6; 1 Kol. 6:9; Fili. 3:2; Nzai. 21:8