Ebeleo 11:7 - Le Nouveau Testament en Kikwango 1950

⁷ Mu lukwikilu Nzambi luengisaka Noa sambu na bima ya monikaka ntete ve, ye yandi kwikilaka Nzambi, ye salaka nzaza kuvulusa nzo ya yandi, mu yo yandi bedisaka nsi, ye kitukaka mvingidi ya difwa ya lunungu yina, ya ikele mu lukwikilu. 1 Mose 6:8

Ebeleo 11:7 Iomraidhean Croise

Matai 2:12

Bu Nzambi imene kuluengisa bau mu ndozi kuvutuka kwa Elode ve, bau kwendaka nzila yankaka ku ntoto ya bau.

Matai 24:15

Buna, bu beno mona mbungulu ya kufwa, ya mbikudi Danieli bikulaka, ikele kutelema na sika ya nlongo (konsonani ya tanga, bika yandi zaba), Dan. 9:27; 12:11; Luk. 17:31

Matai 24:25

Tala, mono imene kutuba yo kwa beno.

Matai 24:38

Kadi bonso yo vandaka mu bilumbu yina, ntete nkuka kwizaka ve; bau vandaka kudia ye kunwa ye kukwela ye kukwedisa ti na kilumbu ya Noa kotaka mu nzaza. 1 Mose 6:2; 7:7

Matai 3:7

Kansi bu yandi monaka bafalisi ya basaduki mingi kwiza ku mbotika, yandi tubaka kwa bau: Beno bana ya banioka ya mbi, nani longaka beno kutina makasi ya ikele kwiza ? Mat. 12:34; 23:33; Luk. 3:7; Lom. 5:9; 1 Tes. 1:10

Luka 17:26

Bonso yo vandaka mu bilumbu ya Noa, yo tavanda mpilayai mpe mu bilumbu ya Mwana ya muntu. Mat. 24:37; 1 Pet. 3:20

Loma 1:17

kadi mu yina, lunungu ya Nzambi moniswa tuka lukwikilu ku lukwikilu, bonso yo ikele kusonama: Nkwa lunungu tavanda na moyo mu lukwikilu. Lom. 3:21; Eb. 10:38

Loma 10:6

Kansi lunungu ya katuka na lukwikilu ikele kutuba mpilayai: Tuba mu ntima ya nge ve: Nani tatomboka ku zulu ? Ikele mpilamosi kulumuna Klisto.

Loma 3:22

Yo ikele lunungu ya Nzambi mu lukwikilu ya Yesu Klisto kwa bau yonso ya kwikila, kadi diswaswana ikele ve; Lom. 10:12; Ngal. 3:28; Kolo. 3:11

Loma 4:11

Yandi bakaka kidimbu ya nzengolo bonso kidimbu ya lunungu mu lukwikilu ya yandi vandaka na yo, bu yandi konda nzengolo. Yandi sala yai sambu na kuvanda tata ya bantu yonso ya kwikila, bu bau ikele mu konda nzengolo, na lunungu lenda kutangwa kwa bau; Ngal. 3:7

Loma 4:13

Kadi mu nsiku ve, nsilulu peswaka kwa Abalahami keti kwa nkuna ya yandi, na yandi tavanda mvingidi ya difwa ya nsi, kansi yo peswa mu lunungu ya lukwikilu.

Loma 9:30

Buna nki beto tatuba ? Bapaien ya landaka lunungu ve imene kubaka lunungu, yo ikele lunungu ya lukwikilu,

Ngalata 5:5

Kadi mu Mpeve beto ikele kuvingila mu lukwikilu vuvu ya lunungu.

Filipi 3:9

ye monika mu yandi, na lunungu ya mono kibeni ve, ya ikele mu nsiku, kansi yina ya ikele mu lukwikilu mu Klisto, ikele lunungu tuka Nzambi mu lukwikilu, Lom. 1:17; 3:21; 10:3; Ngal. 2:16

Ebeleo 11:1

Kansi lukwikilu ikele vuvu ya yina ya beto vingila, ye mpesulu ya bima ya konda kumonika,

Ebeleo 12:25

Tomatala, beno buya ve yandi ya tubaka: kadi kana bau lendaka ve kutina mfundusu, bu bau buyaka yandi ya longaka bau va ntoto, buna beto mpe lenda ve kutina, kana beto tula nima kwa yandi ya tubaka mambu tuka zulu.

Ebeleo 5:7

Ikele yandi ya mu bilumbu ya nsuni ya yandi, pesaka lombilu ye bombidilu mu kuboka ya ngolo ye mu kudila kwa yandi ya vandaka ngolo kuvulusa yandi tuka lufwa, yandi wilwaka sambu na vuvu ya yandi mu Nzambi. Mat. 27:46, 50; Mal. 14:33; Luk. 22:42, 44

Ebeleo 8:5

bau ikele kusadila kifwani ye kini ya bima ya zulu, bonso Nzambi luengisaka Mose, bu yandi zolaka kutunga nzo ya lele, kadi yandi tubaka: Tala, nge tasala yonso bonso kifwami yina ya songwaka kwa nge kuna na mongo. 2 Mose 25:40; Bis. 7:44; Eb. 10:1

1 Petelo 3:20

Bau ya kolamaka ntama, bu mvibudulu ya Nzambi vingilaka mu bilumbu ya Noa, bu nzaza kuyidikwa, mu yo bantu ndambu vuluswaka tuka masa, yo ikele miela nana. 1 Mose 6:1

2 Petelo 1:1

Simoni Petelo, sielo ye ntumwa ya Yesu Klisto, Fidisa mbote kwa bau ya imene kubaka lukwikilu ya ntalu mutindu mosi na beto mu lunungu ya Nzambi ya beto ye Mvulusi Yesu Klisto.

2 Petelo 2:5

Ye vulusaka ve nsi ya vandaka ntama, kansi kebaka Noa, nsamuni ya lunungu, ye bantu nsambwadi yankaka, bu yandi fidisaka nkuka ya masa va nsi ya konda kuvumina Nzambi. 1 Mose 7:1; 1 Pet. 3:20

2 Petelo 3:6

Mu yau nsi ya vandaka ntangu yina fukwaka na masa ye kufwaka. 1 Mose 7:1