Ebeleo 1:9 - Le Nouveau Testament en Kikwango 1950

⁹ Nge zola lunungu, kansi kimpumbulu nge kuwa kimbeni, mpilayai Nzambi, Nzambi ya nge, imene kusita nge mafuta mingi ya kiese, ye bau ya kuvanda na nge ndambu.

Ebeleo 1:9 Iomraidhean Croise

Luka 4:18

Mpeve ya Mfumu ikele va mono, kadi yandi imene kusita mono, kusamuna nsamu mbote kwa bansukami, yandi imene kufidisa mono kusamuna mpulusu kwa bampika; ye kumona kwa bampofo, ye kupesa nzila kwa bau ya lwadiswa,

Yoane 1:41

Yandi sosaka ntete mpangi ya yandi, Simoni, yandi tubaka kwa yandi: Beto imene kumona Mesia, tendula yai ikele Klisto.

Yoane 10:17

Sambu na yai Tata zola mono, sambu na mono pesa moyo ya mono ye mono tabaka yo diaka.

Yoane 20:17

Yesu tuba kwa yandi: Valakana mono ve; sambu na mono imene kutomboka ntete kwa Tata ve, kansi kwenda kwa bampangi ya mono ye tuba kwa bau: Mono tatomboka kwa Tata ya mono, ye Tata ya beno, ye Nzambi ya mono ye Nzambi ya beno.

Yoane 3:34

Kadi yandi ya fidiswa kwa Nzambi ikele kutuba ndinga ya Nzambi, kadi yandi pesa ve Mpeve mu kitezo. Yes. 11:2; Bis. 10:38; Ef. 4:7

Bisalu Ya Bantumwa 10:38

Ikele Yesu ya Nazaleti, ya Nzambi sitaka na Mpeve Yanlongo ye na ngolo, yandi zietaka ye salaka mbote ye belulaka bau yonso ya moniswa mpasi ya diable, kadi Nzambi vandaka na yandi.

Bisalu Ya Bantumwa 4:26

Bantinu ya ntoto telemaka na ndonga ye bakuluntu yonso kutakanaka sikamosi kutelemina Mfumu ye Klisto ya yandi.

Bisalu Ya Bantumwa 4:27

Kadi kieleka mu mbanza yai Elode ye Pontio Pilatu ye bapaien ye bantu ya Isaeli kutakanaka sikamosi kutelemina Yesu, Sielo ya nge ya nlongo, ya nge sitaka,

Loma 12:9

Bika zola konda luvunu. Tina mambu ya mbi, tatamana na mambu mbote. Nk. 34:14; 37:27; 97:10; Amosi. 5:15

Loma 15:13

Bika Nzambi ya vuvu fulusa beno na kiese yonso ye yenge mu lukwikilu, na beno lenda kukula mu vuvu mu ngolo ya Mpeve Yanlongo.

1 Kolinto 1:9

Nzambi ikele kukwikama. Mu yandi beno imene kubingwa kuvanda mu kintuadi ya Mwana ya-yandi Yesu Klisto, Mfumu ya beto. 1 Kol. 10:13; Fili. 1:6; 1 Tes. 5:24; 2 Tes. 3:3; 1 Yoa. 1:3

2 Kolinto 11:31

Nzambi ye Tata ya Mfumu ya beto Yesu Klisto, yandi ya sakumunwa mvu ya mvu, yandi zaba mono ikele kutuba luvunu ve. Lom. 1:26; 9:5; Ngal. 1:20

Ngalata 5:22

Kansi mabundu ya Mpeve ikele zola, kiese, yenge, mvibudulu, nlembami, mbote, kwikama, Ef. 5:9; Yak. 1:19

Efeso 1:3

Bika Nzambi ye Tata ya Mfumu ya beto Yesu Klisto peswa matondo, ya sakumunaka beto na nsakumunu yonso ya kimpeve tuka zulu mu Klisto. Lom. 9:5; 2 Kol. 1:3; Luk. 1:68; 1 Pet. 1:3

Filipi 2:9

Mpilayai mpe Nzambi tombolaka yandi mingi, ye pesaka yandi nkumbu ya luta bankumbu yonso, Nk. 110:1; Yoa. 17:1; Bis. 2:33; Ef. 1:20; Lom. 3:17; 2 Tim. 2:12; Eb. 2:9

Ebeleo 2:11

Kadi yandi ya tula nlongo ye bau ya tulwa nlongo, yonso basikaka mu mosi; sambu na mambu yai, yandi kuwa nsoni ve kubinga bau bampangi, kutuba:

Ebeleo 2:9

Kansi beto ikele kumona yandi ya salwa nansi ya banjo ntangu fioti, yandi ikele Yesu, yandi monaka mpasi ye lufwa, yandi tulwa koloa ya nkembo ye ya nzitusu, yandi salaka yai na yandi mekaka mpasi ya lufwa sambu na bantu yonso, mu nlemvo ya Nzambi.

Ebeleo 7:26

Kadi nganga nene ya mpilayai lunga kwa beto, yandi ikele ya nlongo, ya konda mbi, ya konda kusumunwa, ya kutanaka na bankwa masumu ve, ye ya tombolwaka va zulu ya bimba yonso, Eb. 4:14

1 Petelo 1:3

Bika Nzambi ya Tata ya Mfumu ya beto Yesu Klisto sakumunwa, mu nkenda ya yandi ya nene yandi butaka beto mbutulu yampa, ku vuvu ya moyo mu mfulukulu ya Yesu Klisto tuka bafwa, Ef. 1:3; Tit. 3:5

1 Yoane 1:3

Mambu ya beto monaka ye ya beto kuwaka, beto ikele kutuba yau kwa beno mpe, na beno mpe lenda kuvanda kintuadi na beto; ye kintuadi ya beto ikele na Tata ye Mwana ya yandi Yesu Klisto. Yoa. 17:21; 1 Kol. 1:9

Nzaikulu 2:15

Buna nge mpe ikele na bankaka ya simba malongi ya bankwa Nikolau mpilamosi. Nzai. 2:6