Ebeleo 1:8 - Le Nouveau Testament en Kikwango 1950

⁸ Kansi sambu na Mwana yandi tuba: Kiti ya nge ya nkembo, O Nzambi, ikele kuvanda mvu ya mvu, ye nkawa ya kintinu ya nge ikele nkawa ya lunungu. Nk. 45:6

Ebeleo 1:8 Iomraidhean Croise

Matai 1:23

Tala, nkento ya imene kuzaba bakala ve tavanda na divumu ye tabuta mwana bakala; bau tabinga nkumbu ya yandi Emanueli, tendula ya yo ikele yai: Nzambi ikele na beto.

Luka 1:75

mu nlongo ye mu lunungu nantwala ya yandi mu bilumbu ya beto yonso. 1 Pet. 1:15

Yoane 10:30

Mono ye Tata ikele mosi. Yoa. 17:11, 22

Yoane 10:33

BaYuda vutulaka kwa yandi: Sambu na kisalu ya mbote, beto losa nge matadi ve, kansi sambu na kutuba mbi, ye sambu na nge ikele muntu, ya dikitula Nzambi.

Yoane 20:28

Toma vutulaka ye tubaka kwa yandi: Mfumu ya mono ye Nzambi ya mono.

Loma 9:5

batata ikele tuka baIsaeli ya basisaka Klisto mu nsuni, ya ikele va zulu ya bima yonso; Nzambi sakumunwa mvu ya mvu. Amen.

1 Kolinto 15:25

Kadi yandi fwiti kuyala ti yandi imene kutula bambeni yonso nansi ya bitambi ya yandi. Nk. 110:1; Mat. 22:44; Eb. 10:13

1 Timoteo 3:16

Kansi kondwa ntembe, vumi ya Nzambi ya kinsweki ikele nene: Nzambi monikaka mu nsuni, yandi nunguswaka mu mpeve, yandi monwaka kwa banjo, yandi samunwaka kwa bapaien, bantu ya nsi kwikilaka yandi, ye yandi bakwaka ku zulu mu nkembo.

2 Petelo 1:11

Kadi mpilayai, beno tapeswa nkotolo ya mbote mingi mu kimfumu ya mvu ya mvu ya Mfumu ya beto ye Mvulusi Yesu Klisto.

1 Yoane 5:20

Kansi beto zaba, Mwana ya Nzambi imene kwiza, ye pesaka beto ngangu, na beto zaba yandi ya ikele kieleka, ye beto ikele mu yandi ya ikele kieleka, mu Mwana ya yandi Yesu Klisto. Yandi ikele Nzambi ya kieleka ye moyo ya mvu ya mvu.