1 Kolinto 1:1 - Le Nouveau Testament en Kikwango 1950

¹ Paulu ya bingwa kuvanda ntumwa ya Klisto Yesu mu luzolo ya Nzambi, ye Sostene mpangi ya beto, 2 Kol. 1:1

1 Kolinto 1:1 Iomraidhean Croise

Luka 6:13

Bu kuma kia, yandi bingaka banlonguki ya yandi ye solaka kumi ye zole ye pesaka bau nkumbu bantumwa mpe.

Yoane 15:16

Beno solaka mono ve, kansi mono solaka beno; Mono sikidikisa beno, na beno takwenda ye buta mabundu, na mabundu ya beno tavanda; na konsokima ya beno lomba kwa Tata mu nkumbu ya mono, yandi tapesa beno yo. Mat. 28:19; Yoa. 14:13

Yoane 20:21

Buna Yesu tubaka kwa bau diaka: Yenge kwa beno; bonso Tata fidisaka mono buna mono fidisa beno mpe. Yoa. 17:18

Bisalu Ya Bantumwa 1:15

Mu bilumbu yina Petelo telemaka nakati na bampangi, ntalu ya bau ya kutakanaka vandaka mfinama nkama mosi ye makumi zole, yandi tubaka:

Bisalu Ya Bantumwa 1:2

Ti kilumbu yandi bakwaka ku zulu, nanima yandi imene kupesa nsikudukusu mu Mpeve Yanlongo kwa bantumwa ya yandi imene kusola.

Bisalu Ya Bantumwa 18:17

Bau yonso bwilaka Sostene nkuluntu ya nzo ya sambilu, ye bulaka yandi nantwala na kiti ya mfundisi, kansi Ngalio banzaka sambu na mambu yai ve.

Bisalu Ya Bantumwa 22:21

Yandi tubaka kwa mono: Kwenda, sambu na mono tafidisa nge ntama kwa bapaien. Bis. 9:15; 13:2; 26:17; Ngal. 1:15; 2:8; Ef. 3:8

Loma 1:1

Mono Paulu, mpika ya Yesu Klisto, ya bingwa kuvanda ntumwa ye solwa kusamuna nsamu ya mbote ya Nzambi, Bis. 13:2; 1 Kol. 1:1

Loma 1:10

Mono lomba, ntangu yonso, kana yo ikele luzolo ya Nzambi, mono lenda kwiza kwa beno. Ef. 1:16

Loma 1:5

Mu yandi beto bakaka nlemvo ye kintumwa, kutwala bansi ya bantu yonso ku lemvuka ya lukwikilu sambu na nkumbu ya yandi. Lom. 12:3; 15:15; 16:26; 1 Kol. 15:10; Ef. 3:8

1 Kolinto 15:9

Kadi mono luta fioti na bantumwa, mono lunga ve bingwa ntumwa, sambu na mono zomaka dibundu ya Nzambi. Bis. 9:1; Ngal. 1:13; Ef. 3:8; 1 Tim. 1:13

1 Kolinto 3:9

Kadi beto ikele basadi sikamosi na Nzambi, beno ikele dilanga ya Nzambi, ye ntungulu ya Nzambi. 2 Kol. 6:1

2 Kolinto 1:1

Paulu, ntumwa ya Yesu Klisto mu luzolo ya Nzambi, ye Timoteo, mpangi ya beto, fidisa mbote kwa dibundu ya Nzambi ya ikele mu Kolinto ye kwa banlongo yonso ya ikele mu Akaya yamvimba. 1 Kol. 1:1

2 Kolinto 11:5

Kadi mono banza mu mambu tafioti ve, mono bika nanima na bantumwa yanene. 1 Kol. 12:11

2 Kolinto 12:12

Kieleka, kidimbu ya bantumwa salwaka nakati na beno, mu mvibudulu yonso, mu bidimbu ye mambu ya kuyituka ye bisalu ya ngolo. 1 Kol. 9:2; 2 Kol. 6:4

2 Kolinto 8:5

bau pesaka ve bonso beto banzaka, kansi bau dipesaka ntete kwa Mfumu, nanima kwa beto, mu luzolo ya Nzambi.

Ngalata 1:1

Paulu, ntumwa tuka bantu ve, ye mu bantu ve, kansi mu Yesu Klisto ye Nzambi, Tata, ya fulukisaka yandi tuka bafwa,

Efeso 1:1

Paulu, ntumwa ya Klisto Yesu mu luzolo ya Nzambi, fidisa mbote kwa banlongo ya ikele mu Efeso, ye ya kwikama mu Klisto Yesu.

Efeso 4:11

Yandi pesaka bankaka kuvanda bantumwa, bankaka bambikudi, bankaka bansamuni ya nsamu mbote, bankaka bamvungi ye banlongi, 1 Kol. 12:18

Kolosai 1:1

Paulu, ntumwa ya Klisto Yesu mu luzolo ya Nzambi, ye Timoteo mpangi ya beto,

1 Timoteo 1:1

Paulu, ntumwa ya Klisto Yesu, bonso nsikudukusu ya Nzambi, Mvulusi ya beto, ye Klisto Yesu, vuvu ya beto, Bis. 9:15; Ngal. 1:1; Tit. 1:1

1 Timoteo 2:7

Sambu na yai, mono tulwaka nsamuni ye ntumwa—mono ikele kutuba kieleka mu Klisto, mono ikele kukusa ve — ye nlongi ya bapaien, mu lukwikilu ye mambu ya kieleka. Bis. 9:15; 13:2; 22:21; Lom. 9:1; 11:13; 15:16; Ngal. 1:15, 16; 2:7; Ef. 3:8; 2 Tim. 1:11

2 Timoteo 1:1

Paulu, ntumwa ya Yesu Klisto, mu luzolo ya Nzambi, bonso nsilulu ya moyo ya ikele mu Klisto Yesu, 2 Kol. 1:1