Yohana 9:16 - Eriiraghano Eriihë

¹⁶ Niho Amabharisaayo abhamu bhakabhugha, “Omooto uno taruure kwo Waryobha, gho kubha naghusari emeghiro ghe Riikane.” Amare abhande bhakabhugha, “Kana, nibhu ekubha kwo mooto o masari ghuköra ebhyërëkërëri kinya bhiyo?” Mbe, bhakaahukana abheene kwo bheene.

Yohana 9:16 Iomraidhean Croise

Mataayo 12:10

Mo‑risinaghooghi riyo, naare‑mu omooto umu uno are akuure okubhökö. Mbaare‑mu na Amabharisaayo bhano ꞉bhaare bharëënda komusaki Yesu kubha bhamusëmë. Bhakamobhoori bhakabhugha, “Kana, emeghiro ngeghwishereri komuhöri omooto orosiko ro Riikane?”

Mataayo 12:2

Amare Amabharisaayo hano bhagharooche ghayo, bhakamobhoorera Yesu bhakabhugha, “Mööhi, abhaanabheegha bhaacho mbaghuköra emeremo orosiko ro Riikane, na ghano ghataakwëndëru ghuköru orosiko ruyo!”

Ruuka 13:14

Orosiko runo Yesu ahöriri omooto uyo, ndoore orosiko ro Riikane, eghaghëri omukangati o risinaghooghi aghakarara chwee. Akabhabhoorera abhaato akabhugha, “Ncheenyi‑ho, chaasiko ishaasabhe che kuhöki emeremo. Mbe, muuche muhöru mo‑chaasiko chiyo, amare motaacha orosiko ro Riikane!”

Yohana 10:19

Hano bhooghwire amangʼana ghayo, Abhayahuuti bhakaheteerana wiiki mo‑maghamba.

Yohana 14:11

Mokumi ghano neghosiikëra kubha neenyi moose e Taata, na kubha iwe naanyi moose yaane. Amare erabha inyu motaaghokumi ghano neghosiikëra, mokumi gho ghiri e meremo ghino neghuköra.

Yohana 15:24

Niköriri ebheroghooro bhekoro bhino bhetaamara bhiköru no omooto owonde. Erabha bhatangabherooche, mbangabheere bhataanyi na amasari. Amare ibheere, mbagharooche ghoose ghano ꞉niiköriri, koru hangʼu bhakeere bhandëghiri eni na Taata waane.

Yohana 2:11

Yesu ꞉naaköriri ekyërëkërëri kino mo‑moghya o Kana mo‑mukööwa o Ghariraaya. Ekyërëkërëri kiyo nikyo keere e kimbërë ghuköru kwërëki obhokumi bhooche obhokoro mo‑bhaato. Gho ghayo, abhaanabheegha bhaache bhakamokumi.

Yohana 3:2

Orosiko rumu obhotiko, aghaye o‑Yesu akamobhoorera akabhugha, “Oo Omweghi, ntweche kubha iye n‑Omweghi uno otomuru ne Eryobha, gho kubha taanyi‑ho omooto uno aghotora ghuköra ebhyërëkërëri bhino oghuköra, aribha Eryobha retaanyi haghirohamu nawe.”

Yohana 5:10

Gho ghayo, abhakangati bha Bhayahuuti bhakamobhoorera omooto uyo ꞉ahöruru bhakabhugha, “Reero n‑orosiko ro Riikane, emeghiro ngeghokurëki ghughëgha erishëërö reecho.”

Yohana 5:36

Amare eni neenyi no obhwibhateri bhokoro chwee ghokera bhuure bho Yohana. Gho ghayo, emeremo ghino Taata aheere ghuköra nighyo ghino gheghungambëra kubha Waryobha Taata niwe antomiri.

Yohana 6:52

Mbe, Abhayahuuti bhaghasëëma ghushangʼaana na kobhoorani bharabhugha, “Omooto uno nibhu aghotora ghotuha omobhere waache, kubha towurë?”

Yohana 7:12

Abhaato bhaaru koru mo‑rikinda riire, bhaakabha bharahakaana ighoro e Yesu. Abhande bhakabhugha kubha n‑omooto omuhöriicho, amare abhande bhakabhugha kubha tiyaanyi, nakobhangʼiina abhaato.

Yohana 7:23

Erabha omooto nahaasaaru koru mo‑rosiko ro Riikane kubha motasari emeghiro ghe Musa, mbe, ngwake moghunkararera, komuhöri omooto orosiko ro Riikane?

Yohana 7:43

Mbe, abhaato bhakaahukana gho ghiri e Yesu.

Yohana 9:24

Gho ghayo, abhakangati bha Bhayahuuti bhakamobherekera mara e kabhere omooto uno are omohuku, bhakamobhoorera bhakabhugha, “Noobhughe obhuhëënë ambërë e Ryobha! Itu ntweche kubha omooto uyo akuhöriri, n‑omuköri o masari.”

Amaköri gha Bhatomu 14:4

Amare abhaato bha moghya uyo bhakaahukana amakinda abhere. Abhamu bhaghiishererani na Abhayahuuti, na abhande bhaakabha eribhaara re bhatomu.