Yohana 8:53 - Eriiraghano Eriihë

⁵³ Kana, noghwiköri kubha mokoro ghokera sookoro wiito Abhurahamu? Iwe ꞉naakuure. Abharööti bhoose ꞉mbaakuure. Kana, iye noghwiköri kubha n‑niwe?”

Yohana 8:53 Iomraidhean Croise

Mataayo 12:6

Amare ˆnekabhabhoorera inyu kubha hano naanyi‑ho uno anyi omokoro ghokera Erisëngërö.

Mataayo 3:9

Motabha moriihacha kubha mokwabhëru, gho kubha inyu m‑bha rwibhoro ro Abhurahamu moonyi. Mbe, ˆnekabhabhoorera, Eryobha ndeghotora komuha Abhurahamu abhaana koru mo‑mabhohe ghano!

Yohana 10:33

Abhayahuuti bhaghagharokeri bhakabhugha, “Totaakwënda ghokurasa na amabhohe gho ghiri e ghuköra amachömu, amare n‑gho kubha nokwirëngʼaani ne Eryobha. Iye n‑omooto hangʼu, amare noghwiköri kubha Eryobha!”

Yohana 12:34

Mbe, erikinda re bhaato bhakamugharokeri Yesu bhakabhugha, “Ntooghwire mo‑Mandëkö Amatööbhiyu kubha, Kirisito naakubha muhöru emiishe ghyose. Mbe, ngwake okobhugha abhaato mbakomotiiri Omoona o Mooto? Kana, Omoona o Mooto n‑niwe?”

Yohana 19:7

Abhayahuuti bhakamugharokeri bhakabhugha, “Itu ntoonyi no omoghiro, na kurëngʼaana no omoghiro uyo, nakwëndëru ghwitu, gho kubha naghwighamba kubha n‑Omoona o Ryobha.”

Yohana 4:12

Sookoro wiito Yakobho niwe ꞉atoheere eghesima kino, woose naare aranyo amanche ghano haghirohamu na abhaana bhaache na chaatugho cheeche. Kana, nokwirighi iye m‑mokoro bhobhe komokera iwe?”

Yohana 5:18

Gho ghayo, abhakangati bha Bhayahuuti bhaghasëëma ghutabhara anchëra e komwita Yesu. ꞉Mbaaköriri hangʼu gho kubha taasariri emeghiro ghe Riikane eryene, amare ꞉naabherekiire Eryobha kubha, n‑Ishe. Gho nchëra iyo naare ariitoora kubha, naanyi kebhuno Eryobha reenyi.

Yohana 8:58

Yesu akabhagharokeri akabhugha, “Mahëënë ˆnekabhabhoorera, eriibhagha Abhurahamu akeere kwibhoru, Eni Niwe.”

Abharuumi 9:5

Abhiisiraeri bhayo ꞉mbiibhwiru na bhasookoro bhaabho, Abhurahamu, na Isaka na Yakobho. Gho kohetera omobhere, koru Kirisito n‑Omwisiraeri. Kirisito, uno anyi Eryobha, Omokoro o bhyose, aghongibhu emiishe ghyose! Hawubhaabha.