Yohana 8:44 - Eriiraghano Eriihë

⁴⁴ Inyu n‑abhaana bhi iso waanyu Erishambu, wiiki mokwënda ghuköra ghano taata waanyu aghwighomba. Erishambu n‑diiti korwera kare, wiiki retasiighiri kwimeerera mo‑bhuhëënë gho kubha, obhuhëënë bhotaanyi mo‑motema waache. Aribha Erishambu rekobhugha obhuröngö, iyo n‑atëëmö yaache gho kubha iryo n‑iröngö wiiki n‑taata o bharöngö bhoose.

Yohana 8:44 Iomraidhean Croise

Mataayo 12:34

Inyu orwibhoro ro nchöka! Nibhu moghotora ghosiikëra amangʼana amachömu eriibhagha inyu moonyi bhabhe? Gho kubha omooto naghosiikëra ghano ghiichwire mo‑motema waache.

Mataayo 13:15

Mbe, gho kubha emetema ghe bhaato bhano m‑miköngʼu, na amatu ghaabho ghataakooghu, na amiisho ghaabho ngahinderiiri. Aribha tengabheere hangʼu, na amiisho ghaabho ngangarooche, na mbangooghwire kwo matu ghaabho, ne emetema gheebho ngengamënyiri, mbagha mbangangarokiire, nebhahöri.’

Mataayo 13:38

Omoghondo wuure notuubhiine na ase, chambusuro inchömu chiire nchetuubhiine na abhaato bha bhutëmi bho Ryobha. Amare eghetoki kiire ngetuubhiine na abhaato bha mobhisa wuure.

Yohana 6:70

Niho Yesu akabhabhoorera akabhugha, “Nebhahwire inyu ikomi na bhabhere kubha abhaanabheegha bhaane, amare umu ghate yaanyu n‑o Rishambu.”

Yohana 7:17

Omooto wowoose uno akwënda ghuköra amiigha gha Ryobha, nakumënya kubha ameeghi ghano gharuure kwo Waryobha, na kubha nteeghosiikëra amangʼana ghaane eni omwene.

Yohana 8:38

Eni nekobhabhoorera ghano nerooche gho Taata, amare inyu moghuköra ghano ꞉mooghwire koru ghwi iso.”

Yohana 8:41

Inyu amaköri ghano moghuköra, ngakorwera ghwi iso owonde.” Abhayahuuti bhayo bhakamugharokeri bhakabhugha, “Itu totaanyi abhaana bhi ibhara, amare Eryobha eryene chiri niryo Taata wiito.”

Yohana 8:55

Inyu motaryeche Eryobha, amare eni neryeche. Erabha neghosiikëra kubha nteryeche Eryobha, mbe, neekubha muröngö kinya inyu. Amare eni neryeche Eryobha, wiiki ghano rekobhugha, neghoghatambana.

Amaköri gha Bhatomu 13:10

“Iye omoona o Rishambu! Iye n‑omobhisa o ghoose ghano ghaanyi gha hëënë ambërë e Ryobha! Wichwire obhuröngö, nubheere orangʼiina abhaato kwo bhongʼiini na totighiri kobhusa amangʼana gha Mutëmi gha hëënë kubha obhuröngö!

Amaköri gha Bhatomu 24:9

Amangʼana ghayo gha Terituro, Abhayahuuti bhayo bhaghiishererani nagho kubha, n‑gha hëënë.

Amaköri gha Bhatomu 5:3

Bheetero akamobhoorera, “Iye Ananiya! Kana Erishambu ndewusöhëriire omotema waacho, ekirëngërë ghe kobhoorera obhuröngö Akörö Ahörëëru. Nobhughiri chambiiri chino n‑choose, eriibhagha noobhisiri eribhaara re chambiiri chino obhwine gho ghoghori omoghondo waacho.

2 Abhakorinto 11:3

Amare ibheere neghotiina kubha, kinya bhuure Haawa angʼiinuru na anchöka yiire angʼiini, na niinyu motaacha kongʼiinu, motighe komosiigha Kirisito kwo bhughöröröku no obhwero.

1 Bheetero 5:8

Mwikabhaahe, wiiki mubhe miisho eriibhagha ryose, gho kubha omobhisa waanyu, Erishambu, ndehaghëndaghënda kinya aka ino eghwitima eratabhara omooto emure.

2 Bheetero 2:4

Hano bhamarayika bhaköriri amasari, Eryobha retabharoochiire changori, amare ꞉ndeebharëkiire nyaari, hano bhabhöhuru ne eminyörörö. Iyo mo‑kengʼuuri ke nyaari mbaghughanya orosiko ruure ro ghoteneru ekiina.

1 Yohana 1:8

Aribha tookobhugha kubha itu totaanyi na amasari, ntokwingʼiina itu bheene, toteeche obhuhëënë.

1 Yohana 2:21

Gho ghayo, ˆnekabhaandëkëra anyaarubha ino, teenyi gho kubha moteeche obhuhëënë, amare n‑gho kubha mobhweche. Wiiki mweche kubha obhuröngö bhobhoose bhuure bhotaakoru mo‑bhuhëënë.

1 Yohana 2:4

Wowoose uno akobhugha naanyi no obhumu ne Eryobha, ino taaghosooka emeghiro gheeche, m‑muröngö, tabhweche obhuhëënë.

1 Yohana 3:12

Totabha kinya Kaayini, iwe n‑omoona o Rishambu are, akamwita omonyi waache. Ngwake amwitiri? Namwitiri gho kubha amaköri gha Kaayini ngaare mabhe, amare gha monyi waache ngaare gha bhuhëënë.

1 Yohana 3:15

Wowoose uno amurëghiri mughëndi waache, n‑omwiti. Mweche kubha taanyi‑ho omwiti uno anyi no obhuhöru bho miishe ghyose moose yaache.

Yuuta 1:6

Wiiki, mohiite bhamarayika bhano bhatiishereriini ne emyeya gheebho, bhaghatigha obhwikari bhoobho. Eryobha ndebhabhöhiri mo‑kengʼuuri ne eminyörörö emiishe ghyose. Iyo mbaghughanya ghoteneru ekiina mo‑rosiko ruure orokoro.

Obhohunyurëru 12:9

Oghuchöka ghokarëkëru mo‑se. Ghuno nigho oghuchöka ghuure gho kare ghuno ghokobherekeru Ibhiriisi hamu Erishambu. Ngokongʼiina abhaato bhoose mo‑se. Mahëënë ngurëkiiru mo‑se haghirohamu na bhamarayika bhaache.

Obhohunyurëru 13:14

Kwo bhyërëkërëri bhino rihaabhuru ghuköra gho ghiri e ghotyenyi ghuure o ghumbërë, ghokabhangʼiina bhano bhataare bharakumi mo‑se. Ghokabhabhoorera abhaato bhabhaache asanaamu e ghosooka oghotyenyi ghuure o ghumbërë ghuno ghunyahaaruru ne ekinyamiino, amare ghökëëndërëra kubha ghuhöru.

Obhohunyurëru 2:10

Motatiina anyaako ino ekuucha ghokoonyu. Mumööhi! Erishambu ndekobhasaki gho kobhatoora abhamu ghate yaanyu mwighërëcha. Inyu mokunyaaka gho chaasiko ikomi. Amare mubhe abhahëënë ghokoone, mbagha ghoku, na neeni nekobhaha atuho e bhuhöru bho miishe ghyose.

Obhohunyurëru 21:8

Amare abhatiini, na bhano bhataakorekumi Eryobha, na bhano bhakorikarari Eryobha, na abhiiti, na abhataari, na abhaturutumbi, na abhasëngëri bha misambu, na abharöngö, bhayo bhoose ahaghiro haabho n‑anyancha e mororo muhaari chwee. Na ruyo niro oroko ro kabhere.”

Obhohunyurëru 22:15

Amare abhaturutumbi bhoose, na abhataari, na abhiiti, na bhano bhaghusëngëra emisambu na abhande bhoose bhano bhasiighiri ghosiikëra obhuröngö, mbaakubha anche e moghya uyo kinya chaseese.

Obhohunyurëru 9:11

Ncheere no omutëmi uno are marayika omokoro o rirooma re mashambu. Marayika uyo gho Kebhuraaniya nakobherekeru Abhatooni na gho Keyunaani nakobherekeru Abhoriyooni, egheteemoro keeche “n‑Omosireekereri.”