Yohana 8:24 - Eriiraghano Eriihë

²⁴ Nikyo ghighëriri ˆnekabhabhoorera kubha mooghoku gho ghiri e masari ghaanyu. Mbe, moraanga ghokumi kubha ‘Eni Niwe’, mooghoku mo‑masari ghaanyu.”

Yohana 8:24 Iomraidhean Croise

Yohana 3:36

Omooto wowoose uno akomokumi Omoona o Ryobha naanyi no obhuhöru bho miishe ghyose. Amare omooto wowoose uno akomwanga taanyi no obhuhöru, gho kubha ghukarara kwo Waryobha ngokwëndërëra kubha ighoro yaache.

Yohana 3:18

Eryobha retaakomotenera ekiina omooto uno akorekumi, amare omooto uno ataakorekumi namariri ghoteneru ekiina gho kubha, taamokumiri Omoona waache omwene chiri.

Maariko 16:16

Omooto wowoose uno aghokumi na kubhatiisu, naghotooribhu. Amare, omooto wowoose uno akwanga ghokumi, naghoteneru ekiina.

Abheebhuraaniya 12:25

Mbe, mukabhaahe motaacha kwanga komutëghëërëra uno aghosiikëra na niinyu. Aribha Abhiisiraeri bhataatooriibhu hano bhaangiri komutëghëërëra wuure are arabhatöngëra hano mo‑se, itu ntoghotora bhu ghotooribhu aribha toraanga komutëghëërëra uno aghotutöngëra koru Mwishaaro?

Yohana 13:19

ˆNekabhabhoorera ghoose ghano ghakeere korwera, kubha eriibhagha ghakuucha korwera, moghokumi kubha ‘Eni Niwe.’

Yohana 4:26

Niho Yesu akamugharokeri akabhugha, “Eni, uno neghosiikëra na niiye, niwe uno iye oghosiikërëra.”

Abheebhuraaniya 2:3

Aribha ꞉ghaaköruru hangʼu ghokoobho, kana, itu ntoghotora bhu kuhöna ghoteneru ekiina aribha totaaghotereera obhotoori obhokoro kinya bhuno? Omutëmi Yesu niwe uno asëëmiri kuraghani obhotoori bhuyo na abhaato bhano ꞉bhooghwire, ꞉mbaahëënëhiri ghokwito kubha m‑mahëënë.

Yohana 8:21

Mbe, Yesu akabhabhoorera wiiki Amabharisaayo bhayo akabhugha, “Eni ˆneeghaye, inyu moghuntabhara, amare inyu mooghoku gho ghiri e masari ghaanyu. Hano neeghuye, inyu motaaghotora kuucha.”

Amaköri gha Bhatomu 4:12

“Obhotoori mbokubhönëka kwo riina re Yesu Kirisito omwene chiri! Retaanyi‑ho eriina erende mo‑se ino rino rekwëndëru ghototoori itu, ne eriina re Yesu eryene chiri!”

Maariko 13:6

Abhaato bhaaru mbakuucha kwo riina reene, bharabhugha kubha, ‘Eni neeni Kirisito,’ na mbakobhangʼiina abhaato bhaaru.

Ruuka 21:8

Akabhagharokeri akabhugha, “Ibheere mubhe miisho, motaacha kongʼiinu. Abhaato bhaaru mbakuucha kwo riina reene bharabhugha, ‘N‑eni wuure wuure.’ Wiiki, mbakobhugha, ‘Eriibhagha riire, ˆreghatingʼi.’ Abhaato bhayo, motabhatambana!

Mataayo 24:5

Abhaato bhaaru mbakuucha kwo riina reene, bharabhugha, ‘Eni neeni Kirisito!’ Nabho mbakobhangʼiina bhaaru.

Yohana 8:25

Mbe, bhakamobhoori Yesu bhakabhugha, “Notobhoorere iye n‑niwe?” Yesu akabhagharokeri akabhugha, “Eni niwe wuure uno ꞉neebhabhooriire korwera ekimbërë hano neere kweghi.

Yohana 8:28

Mbe, Yesu akabhabhoorera akabhugha, “Hano mookubha momotiiriri Omoona o Mooto kubha momwite, niho mokuucha kumënya kubha ‘Eni Neeni.’ Wiiki mokuucha kumënya kubha ghoose ghano neghuköra, nteeghuköra gho changuru cheene, amare neghoghasiikëra ghano Taata anyeeghiri.

Yohana 8:58

Yesu akabhagharokeri akabhugha, “Mahëënë ˆnekabhabhoorera, eriibhagha Abhurahamu akeere kwibhoru, Eni Niwe.”