Yohana 8:12 - Eriiraghano Eriihë

¹² Mbe, Yesu akëëndërëra ghosiikëra wiiki ne erikinda riire akabhugha, “Eni neeni obhwero bho se. Omooto wowoose uno aghuntambana eni, taaghughënda mo‑kengʼuuri naabha, amare naakubha no obhwero bhuno bhokomukangata mo‑bhuhöru bho miishe ghyose.”

Yohana 8:12 Iomraidhean Croise

Mataayo 5:14

“Inyu n‑emirëngaari ghe se moonyi. Omoghya uno wabhëkuru a‑gheghoro, toghotora kwibhisa.

Ruuka 2:32

Obhotoori bhuyo n‑emirëngaari ghe ghokwërëkërëri anchëra yaacho mo‑bhaato bha matöngö, na asooko mo‑bhaato bhaacho Abhiisiraeri.”

Yohana 12:35

Yesu akabhabhoorera akabhugha, “Obhwero mboonyi haghirohamu na niinyu kwo riibhagha ighuhe hangʼu. Mughëndë mo‑bhwero bhuyo eriibhagha bhokeere bhoonyi‑ho, kubha ekengʼuuri ghetaacha kobhakinda. Omooto uno aghughënda mo‑kengʼuuri teeche hano aghuye.

Yohana 12:36

Motoore amiitëngʼërö ghaanyu mo‑bhwero bhuyo kubha mubhe abhaana bha bhwero.” Hano abhughiri ghayo, akaretigha erikinda riire, aghaye kwibhisa bhatamorighi.

Yohana 12:46

Eni niichiri mo‑se ino kinya obhwero, kubha omooto woose uno aghonkumi atighe kubha mo‑kengʼuuri.

Yohana 14:6

Yesu akamugharokeri akabhugha, “Eni n‑anchëra, no obhuhëënë, no obhuhöru. Taanyi‑ho uno aghotora kuucha o‑Taata aribha atahetiire ghokoone.

Yohana 3:19

Ghoteneru ekiina niko kuno, obhwero mbwichiri mo‑se, amare abhaato bhaaru mbasiighiri kubha mo‑kengʼuuri ghokera kubha mo‑bhwero, gho kubha amaköri ghaabho m‑mabhe.

Yohana 7:17

Omooto wowoose uno akwënda ghuköra amiigha gha Ryobha, nakumënya kubha ameeghi ghano gharuure kwo Waryobha, na kubha nteeghosiikëra amangʼana ghaane eni omwene.

Yohana 9:5

Eriibhagha nekeere neenyi mo‑se ino, eni n‑obhwero bho se.”

Amaköri gha Bhatomu 13:47

Mbe, gho kubha Omutëmi natoheere amëërëkërëri kubha, ‘Nebhatooriri mubhe obhwero kwo bhaato bha matöngö, kubha abhaato bhabhönë ghotooribhu mo‑se yoose.’”

Amaköri gha Bhatomu 26:23

Ibho ꞉mbaabhughiri kubha, Kirisito nakwëndëru anyaakibhu, wiiki abhe niwe o mumbërë koryoka koru mo‑bhaku, gho ghiri araghani kubha, obhwero bho bhotoori ˆbhokabharëngaareri abhaato bhoose, Abhayahuuti na abhaato bha matöngö.”

2 Bheetero 2:17

Abhaato bhayo n‑kinya ebhesima bhino bhyomiri, n‑kinya amashaaro ghano ghakohiru no obhukama. Ahaghiro hano haanyi ne ekengʼuuri ghe kuruu hatindekuru gho ghiri yaabho.

2 Bheetero 2:4

Hano bhamarayika bhaköriri amasari, Eryobha retabharoochiire changori, amare ꞉ndeebharëkiire nyaari, hano bhabhöhuru ne eminyörörö. Iyo mo‑kengʼuuri ke nyaari mbaghughanya orosiko ruure ro ghoteneru ekiina.

1 Yohana 1:6

Aribha tookobhugha kubha ntoonyi no obhumu ne Eryobha, ino törëëndërëra ghwikara mo‑kengʼuuri, ntoghosiikëra obhuröngö. Wiiki totaaghuköra ghano ghaanyi gha hëënë.

Yuuta 1:13

Bhataaghotora kwihööchërëra kinya emekunda emihaari ghe mo‑nyancha, na amaköri ghaabho gha chaasoni ngaghusancha kinya eriihuru re mekunda. Mbanga kinya chanchöta chino cheeghuye ino na ino na kobhora. Eryobha ndebhatooriire ahaghiro hano haanyi ne ekengʼuuri ghe kuruu bhiikare‑mu emiishe ghyose.

Yuuta 1:6

Wiiki, mohiite bhamarayika bhano bhatiishereriini ne emyeya gheebho, bhaghatigha obhwikari bhoobho. Eryobha ndebhabhöhiri mo‑kengʼuuri ne eminyörörö emiishe ghyose. Iyo mbaghughanya ghoteneru ekiina mo‑rosiko ruure orokoro.

Obhohunyurëru 21:24

Abhaato bha matöngö ghoose mbakumanya mo‑bhwero bho moghya uyo, na abhatëmi bha se mbaghusöha‑mu kohira ebheghiro bheebho bhe riighori.