Yohana 7:19 - Eriiraghano Eriihë

¹⁹ Yesu akëëndërëra kobhugha, “Mweche kubha Musa naare abhaheere emeghiro ghe Ryobha. Amare taanyi‑ho omooto koru umu uno aghoghitambana emeghiro ghiyo. Mbe, ngwake mokwënda koonyita?”

Yohana 7:19 Iomraidhean Croise

Mataayo 12:14

Amare Amabharisaayo bhayo bhakahoroka anche na korwacha bhuno bhangamwitiri Yesu.

Mataayo 21:38

Amare hano abharemi bhaare bhamorooche omoona uyo, bhaghiisiikërëra bhakabhugha, ‘Uno, niwe omughabhi. Ibheere ntomwite, aghabho yaache ibhe ghokwito.’

Maariko 11:18

Hano abhakoro bha bhachaama na abheeghi bha meghiro bhooghwire ghayo, bhaghasëëma ghutabhara anchëra e komwita, gho kubha, mbaare bharamotiina, abhaato bhoose mbaare bhararoghooru na ameeghi ghaache.

Maariko 3:4

Niho Yesu akabhabhoori akabhugha, “Mbe, orosiko ro Riikane, emeghiro ngeghotobhoorera ghuköra ke? Ghuköra amachömu ghasi amabhe, kuhöri ghasi ghwita?” Amare ibho bhaghakira kiri.

Maariko 3:6

Niho Amabharisaayo bhayo bhakahoroka anche, bhaghatëmëërana na korwacha na abhatoorereri bha mutëmi Herote Antibha, bharatabhara anchëra e komwita Yesu.

Yohana 1:17

Mbe, gho kubha Eryobha ꞉ndeeruusiri emeghiro gheeche gho nchëra e Musa, amare aghareeya no obhuhëënë mbiichiri gho nchëra e Yesu Kirisito.

Yohana 10:39

Niho Abhayahuuti abhande hano bhooghwire ghayo, bhaghatabhara wiiki komughööta Yesu, amare akabhatabhaabhuka mo‑mabhökö ghaabho.

Yohana 11:53

Korwera orosiko ruyo, abhakangati bha Bhayahuuti bhaghasëëma obhorwachi bho komwita Yesu.

Yohana 5:16

Niho abhakangati bha Bhayahuuti bhaghasëëma komwirighori Yesu gho kubha naare arahöri abhaato orosiko ro Riikane.

Yohana 5:18

Gho ghayo, abhakangati bha Bhayahuuti bhaghasëëma ghutabhara anchëra e komwita Yesu. ꞉Mbaaköriri hangʼu gho kubha taasariri emeghiro ghe Riikane eryene, amare ꞉naabherekiire Eryobha kubha, n‑Ishe. Gho nchëra iyo naare ariitoora kubha, naanyi kebhuno Eryobha reenyi.

Yohana 5:45

“Motabha moriihëëbha kubha eni nekobhasëma o‑Taata, tiyaanyi! Musa niwe akobhasëma, gho kubha niwe moghwitëngʼëra.

Yohana 7:1

Ghaache koheta ghayo, Yesu aghasëëma kwinaara mo‑meghya ghe Ghariraaya. Tëëndiri kwinaara Yuteya, gho kubha abhakangati bha Bhayahuuti mbaare bharatabhara komwita.

Yohana 7:25

Mbe, abhaato abhande bha Yerusareemu bhaakabha bharabhoorani bharabhugha, “Kana, omooto uno taanyi uno abhakangati bhaghutabhara komwita?

Amaköri gha Bhatomu 7:38

Musa uyo, naare ariikara haghirohamu na bhasookoro bhiito mwibhara. Niwe uno ꞉asiikiire na marayika mo‑gheghoro ghe Sinaayi. Akahaabhu amangʼana gha bhuhöru, aghaturëëtëra itu.

Abhagharatiya 3:19

Ibheere, emeghiro ngeenyi ne emeremo ke? Emeghiro ngyengiiru gho ghiri e kwërëki amasari gha bhaato, mbagha eriibhagha rino akuucha omwibhoru o Abhurahamu, uno Eryobha ꞉reemuraghiire kubha nakuucha. Emeghiro ghiyo, Eryobha ꞉ndeemoheere Musa kohetera kwo bhamarayika, na Musa akabha omorwachi ghate e Ryobha na abhaato bhaache.

Abhagharatiya 6:13

Bhano bhasaaruru, koru ibho bhataaghughööta emeghiro ghyose. Egheghiro kino bhakwënda n‑kubha inyu musaaru, kubha bhiihachere oghusaaru koonyu.