Yohana 7:12 - Eriiraghano Eriihë

¹² Abhaato bhaaru koru mo‑rikinda riire, bhaakabha bharahakaana ighoro e Yesu. Abhande bhakabhugha kubha n‑omooto omuhöriicho, amare abhande bhakabhugha kubha tiyaanyi, nakobhangʼiina abhaato.

Yohana 7:12 Iomraidhean Croise

Mataayo 10:25

Omoonamwegha nakwëndëru abhe kinya omweghi waache no omusësë woose abhe kinya omutëmi waache. Aribha akomobherekera omokoro o nyumba kubha m‑Bherisebhuuri, kana, taakobhabherekera abhaato bha mo‑nyumba yaache amariina amabhe ghokera ghayo?

Mataayo 21:46

Niho bhaghatabhara anchëra e komughööta, amare bhaghatiina erikinda re bhaato gho kubha ibho mbamënyiri Yesu kubha n‑omurööti.

Mataayo 27:63

Bhakamobhoorera bhakabhugha, “Oo omutëmi, tokahiita kubha omuröngö wuure hano are akeere muhöru, ꞉naasiikiire akabhugha, ‘Mo‑rosiko ro ghatato, nekoryoka koru mo‑bhaku.’

Ruuka 18:19

Yesu akamobhoorera, “Ngwake okomberekera eni omuhëënë? Taanyi‑ho omooto uno anyi omuhëënë, amare n‑Eryobha eryene chiri!

Ruuka 23:47

Omokoro o bhaashirikare bhayo, hano arooche ghayo, akareghongi Eryobha, arabhugha, “Oo! Hëënë, omooto uno m‑muhëënë are!”

Ruuka 23:50

Naare‑ho omooto umu, eriina reeche Yusubhu, o mo‑kyaro ke Arimataaya, mo‑mukööwa o Yuteya. Yusubhu uyo, naare umu o bhakoro bha Bhayahuuti.

Ruuka 6:45

“Hangʼu hangʼu omooto omuchömu, nokomumënya kwo maköri ghaache amachömu ghano ghahaaru mo‑motema waache omuchömu. Koru omooto omobhe bhuure bhuure, nahaaköra amabhe kurëngʼaana na amabhe ghano ghahaaru mo‑motema waache omobhe. Mbe, amangʼana ghano omooto aghosiikëra, n‑ghaare ghiichwire mo‑motema waache.

Ruuka 7:16

Abhaato bhayo bhoose, bhaghatiina chwee. Bhaghasëëma koreghongi Eryobha, bharabhugha, “Omurööti omokoro, akarwera ghate yiito!” Wiiki bhakabhugha, “Eryobha, ndiichiri ghotoori abhaato bhaache!”

Yohana 6:14

Hano abhaato bhayo bharooche ekyërëkërëri kiyo Yesu ꞉aköriri, bhakabhugha, “Mahëënë omooto uno n‑omurööti o Ryobha, niwe uno twitëngʼiire kubha nakuucha mo‑se.”

Yohana 7:32

Amabharisaayo bhakooghu erikinda re bhaato bharingʼunyera ighoro yaache, ibho haghirohamu na abhakoro bha bhachaama bhakabhatoma abhaashirikare kubha bhamughöötë Yesu.

Yohana 7:47

Amabharisaayo bhakabhabhoori bhakabhugha, “Kana, Yesu ˆakabhangʼiina koru inyu?

Yohana 7:52

Ibho bhakamugharokeri Nikoteemu bhakabhugha, “Kana, na niiye noruure Ghariraaya? Nooghi wisunche wiiki bhoheene Amandëkö Amatööbhiyu, mbe, na niiye nokumënya kubha taanyi‑ho omurööti uno aghotora koru Ghariraaya.”

Yohana 9:16

Niho Amabharisaayo abhamu bhakabhugha, “Omooto uno taruure kwo Waryobha, gho kubha naghusari emeghiro ghe Riikane.” Amare abhande bhakabhugha, “Kana, nibhu ekubha kwo mooto o masari ghuköra ebhyërëkërëri kinya bhiyo?” Mbe, bhakaahukana abheene kwo bheene.

Amaköri gha Bhatomu 11:24

Bharinaabha naare omooto omuhëënë uno ichoriibhu Akörö Ahörëëru no obhokumi. Ekirëngërë ghekoro ke bhaato kino ꞉keemokumiri Omutëmi Yesu ghëkëëngëra chwee.

Abharuumi 5:7

Mahëënë, n‑ghuköngʼu kwo mooto ghwishereri ghoku gho ghiri e bhaato bhano bhaanyi abhahëënë. Hamwabhe gho ghiri e mooto omuhöriicho, omooto naghotora akiiruuseri.

Abhabhiribhi 2:14

Amangʼana ghoose ghano moghuköra, moghakörë motaanyi ne erihakaana koru kwirereeri.