Yohana 6:71 - Eriiraghano Eriihë

⁷¹ Hayo Yesu naare aramosiikërëra Yuuta mwërëëti o Simiyooni Isikariyoote. Uyo niwe ꞉ichiri komwigharurani Yesu, koru nangabha are umu mo‑bhaanabheegha bhaache ikomi na bhabhere.

Yohana 6:71 Iomraidhean Croise

Mataayo 10:2

Amariina gha bhatomu bhayo ikomi na bhabhere nigho ghano: O mumbërë n‑Simiyooni uno akobherekeru Bheetero, na Andereya omonyi waache, na Yakobho mwërëëti o Sebhetaayo, na Yohana omonyi waache,

Mataayo 10:4

na Simiyooni Omukananaayo na Yuuta Isikariyoote, uno amariri akamuhaana Yesu mo‑mabhökö gha bhabhisa.

Maariko 14:10

Niho Yuuta Isikariyoote, umu o bhaanabheegha bha Yesu bhaare ikomi na bhabhere, aghaye mo‑bhakoro bha bhachaama kubha amwigharurani Yesu, abhëërëki anchëra e komughööta.

Yohana 12:4

Amare umu o bhaanabheegha bhaache eriina reeche Yuuta Isikariyoote, uno akuucha komwigharurani Yesu, akabhugha,

Yohana 13:2

Yesu na abhaanabheegha bhaache bhaghiikara kurë ekiinyakurë ke mughörööbha. Eriibhagha riyo, Erishambu ndeere remotebhiritebhiri Yuuta, omoona o Simiyooni Isikariyoote, kubha amwigharurani Yesu.

Yohana 13:26

Yesu akamugharokeri akabhugha, “Niwe uno nekomuha egheteneka ke mughaate kino niköriri koru mo‑ghetibha.” Mbe, akiimoki egheteneka ke mughaate aghaköri mo‑ghetibha, akamuha Yuuta, mwërëëti o Simiyooni Isikariyoote.

Yohana 2:2

Yesu na abhaanabheegha bhaache bhoose mbaare bharaghiinu, mwirugha riyo.

Yohana 20:24

Mbe, umu mo‑bhaanabheegha ikomi na abhere bha Yesu, eriina reeche Tomaso, uno bhamobherekiire Eghisare, taare haghirohamu na abhaanabheegha abhande eriibhagha Yesu akobharwera.

Yohana 6:64

Amare mbaanyi‑ho abhande ghateghate yaanyu bhano bhakwanga ghonkumi.” Yesu ꞉naabhughiri hangʼu gho kubha ꞉naamënyiri koru simoka kubha m‑bhawe bhano bhakwanga komokumi, na kubha n‑niwe uno akuucha komwigharurani.

Yohana 6:70

Niho Yesu akabhabhoorera akabhugha, “Nebhahwire inyu ikomi na bhabhere kubha abhaanabheegha bhaane, amare umu ghate yaanyu n‑o Rishambu.”

Amaköri gha Bhatomu 2:23

Akamara Yesu uno akaruusibhu ghokoonyu, kinya Eryobha eryene reere ryeche na kurëngʼaana na amënda ghaache koru simoka. Wiiki inyu mokamwita mo‑musarabha, gho kohetera abhaato bha matöngö.

Yuuta 1:4

ˆNekabhaandëkëra anyaarubha ino, gho kubha mbaanyi‑ho abhaato nyarebhe bhano bhataakoresooka Eryobha, mbiisöhiri gho kebhisere ghate yaanyu na ghwisangerani na niinyu. Abhaato bhano mbakorumeeri angʼana e ghareeya e Ryobha riito, kubha abhaato bhakörë amangʼana gha chaasoni na komwanga Omutëmi wiito Yesu Kirisito, Omukangati wiito omwene chiri. Amare korwera kare ꞉yaandëkuru mo‑Mandëkö Amatööbhiyu kubha abhaato bhano mbaghoteneru ekiina.