Yohana 6:7 - Eriiraghano Eriihë

⁷ Bhiiribho akamugharokeri akabhugha, “Koru nangabha tongaghoriri ebhiinyakurë kubha omooto woose abhönë ghasuuhu ghasuuhu, chatinaari amaghana abhere chetangatoriri kobhiisha.”

Yohana 6:7 Iomraidhean Croise

Mataayo 18:28

“Hano omutamishi uyo ahorokiri anche, aghatëmëërana no omutamishi omughëndi waache uno are amoheere asiire e chatinaari eriighana rimu. Hayo hayo akamughööta mo‑kemero akamobhoorera akabhugha, ‘Reha asiire yaacho!’

Maariko 6:37

Amare, Yesu akabhagharokeri akabhugha, “Mobhahë inyu ebhiinyakurë.” Bhakamobhoori bhakabhugha, “Nokwënda itu tughëndë tobhaghorere emighaate ghe chatinaari amaghana abhere kubha tobhahë bhari?”

Yohana 1:43

Atabhoori yaache, Yesu akëënda kobhooka ghuye mo‑mukööwa o Ghariraaya. Niho akamorighi Bhiiribho, akamobhoorera akabhugha, “Nuuche, untambane.”

Yohana 1:44

Bhiiribho naare omooto o moghya o Bhetisaayita, hano Andereya na Bheetero bhoose ꞉bhaare bhamanyiri.

Yohana 1:45

Mbe, Bhiiribho akamubhöna Natanaheri, akamobhoorera akabhugha, “Ntomorooche omooto uno Musa andëkiri amangʼana ghaache mo‑ghitabhu ke Meghiro, wiiki uno abharööti ꞉bhaandëkiri amangʼana ghaache. Eriina reeche n‑Yesu o Nasareeti, mwërëëti o Yusubhu.”

Yohana 1:46

Amare Natanaheri akamobhoori akabhugha, “N‑gheghiro ke ghichömu gheghotora koru mo‑moghya omosuuhu o Nasareeti?” Bhiiribho akamugharokeri arabhugha, “Nuuche, orighi.”

Yohana 1:48

Natanaheri akamobhoori Yesu akabhugha, “Oo Omutëmi, nibhu uköriri okaamënya?” Yesu akamugharokeri akabhugha, “Koru hano Bhiiribho are akeere ghokobherekera, eni nekorooche wikeere haase e mokoowa.”

Yohana 12:5

“Ngwake amaghuta ghayo ghataaghoruru chatinaari amaghana atato na kobhaha abhahabhe?”