Yohana 5:42 - Eriiraghano Eriihë

⁴² Amare eni nebheeche inyu kebhuno moonyi, kubha motaresiighiri Eryobha mo‑metema gheenyu.

Yohana 5:42 Iomraidhean Croise

Ruuka 16:15

Yesu akabhabhoorera akabhugha, “Inyu, moghwiköri moonyi no obhuhëënë ambërë e bhaato. Eryobha ndyeche amangʼana ghano ghaanyi mo‑metema gheenyu. Wiiki amangʼana ghano abhaato bhasiighiri, ngahaabha amabhe ambërë e Ryobha!

Yohana 2:25

Wiiki tëëndiri omooto wowoose wuure komobhoorera ghano abhaato bhaghwituuri, gho kubha ꞉naamënyiri ghoose ghano ghaanyi mo‑metema ghe bhaato bhoose.

Yohana 21:17

Akamobhoori mara e ghatato akabhugha, “Simiyooni, omoona o Yohana, kana nonsiighiri?” Mbe, Bheetero akabha na amacheeche gho kubha ꞉naamobhooriri mara e ghatato kubha, “Kana, nonsiighiri?” Akamugharokeri akabhugha, “Oo Omutëmi, nogheeche ghoose. Weeche kubha neghosiighiri.” Yesu akamobhoorera akabhugha, “Oriishi changʼöndu cheene.

Yohana 5:41

Eni nteeghutabhara ghoghongibhu na abhaato.

Yohana 5:43

Eni niichiri kwo riina re Taata, na mwangiri ghonsongʼaana. Amare omooto owonde araacha kwo riina reeche omwene, iwe mokomokumi na komosongʼaana.

Yohana 5:44

Mosiighiri ghoghongibhu na abhaghëndi bhaanyu, amare motaaghwiköngʼi ghutabhara asooko ino ekoru kwo Ryobha eryene chiri. Mbe, nibhu moghotora ghokumi?

Yohana 8:42

Yesu akabhagharokeri akabhugha, “Aribha Eryobha rengabheere Taata waanyu, mbe, mongabheere moransiigha, gho kubha neeni neruure kwo Waryobha ni ibheere hano neenyi. Eni ntiichiri gho changuru cheene, amare n‑Eryobha niryo rentomiri.

Yohana 8:47

Uno anyi o Ryobha nahaatëghëërëra amangʼana ghaache. Inyu motaaghutëghëërëra ghano Eryobha rekobhugha gho kubha inyu taanyi abhaato bha Ryobha moonyi.”

Yohana 8:55

Inyu motaryeche Eryobha, amare eni neryeche. Erabha neghosiikëra kubha nteryeche Eryobha, mbe, neekubha muröngö kinya inyu. Amare eni neryeche Eryobha, wiiki ghano rekobhugha, neghoghatambana.

Abharuumi 8:7

Abhaato bhano bhaghukangatu na simoka yaabho e masari, bhayo n‑abhabhisa bha Ryobha. Bhataaghughööta emeghiro gheeche, bhataaghotora ghoghighööta.

1 Yohana 2:15

Gho ghayo, motasiigha amangʼana amabhe kinya abhaato bhano bhataakoresooka Eryobha. ˆNeghagharukera wiiki, motasiigha amabhe ghano ghaanyi mo‑se. Aribha omooto wowoose asiighiri amabhe gha mo‑se ino, tamosiighiri Taata Waryobha.

1 Yohana 3:17

Omooto wowoose uno anyi no obhwame bho mo‑se ino, aramara amorighi mughëndi waache uno anyi na amënda, amare ange komorigheri changori komotoori, nibhu aghotora kobhugha kubha naanyi no obhosiighi bho Ryobha moose yaache?

1 Yohana 4:20

Aribha omooto wowoose aghosiikëra kubha nasiighiri Eryobha ino amurëghiri mughëndi waache, m‑mobhiihi. Ntweche m‑mobhiihi gho kubha, omooto uno atasiighiri mughëndi waache uno akomorighi kwo miisho, taaghotora koresiigha Eryobha rino ataakorerighi.

Obhohunyurëru 2:23

Wiiki, mahëënë nekobhiita kimu abhaghëndi bhaache. Niho abhaato bha makanisa ghoose bhakumënya kubha eni nekumööhërëri akörö na amiihëëbhö gha mooto woose. Wiiki nekoreha omooto woose ghate yaanyu kurëngʼaana na amaköri ghaache.