41 Eni nteeghutabhara ghoghongibhu na abhaato.
Abhakangati bhayo ꞉mbaasiighiri chwee ghoghongibhu na abhaato, ghokera ghoghongibhu ne Eryobha.
Eni nteeghwitëngʼëra nighamberu na abhaato, amare nekobhabhoorera ghoose ghayo kubha motooribhu.
Amare inyu motaakwënda kuucha ghokoone, kubha mubhönë obhuhöru bho miishe ghyose.
Amare eni nebheeche inyu kebhuno moonyi, kubha motaresiighiri Eryobha mo‑metema gheenyu.
Mosiighiri ghoghongibhu na abhaghëndi bhaanyu, amare motaaghwiköngʼi ghutabhara asooko ino ekoru kwo Ryobha eryene chiri. Mbe, nibhu moghotora ghokumi?
Yesu akamënya kubha abhaato bhaare ꞉mbëëndiri komughööta, na komotoora gho changuru kubha omutëmi waabho. Amare iwe aghatanura, aghaye wiiki a‑gheghoro omwene chiri.
Omooto wowoose uno aghosiikëra ghaghaache omwene, naghwitabharera obhokumi bhooche obhokoro omwene. Amare uno aghutabhara obhokumi obhokoro bho wuure amotomiri, naghosiikëra gha hëënë, taanyi gha bhuröngö.”
Eni nteeghwitabharera obhokumi bhoone obhokoro eni omwene, amare naanyi‑ho uno aghutabhara obhokumi bhoone obhokoro, wiiki niwe akubha omoteni o kiina o mahëënë.
Yesu akabhagharokeri akabhugha, “Erabha nekwihacha eni mwene, kwihacha koone ghotaghöötë ekebhune ghyokyose. Amare Taata, uno inyu mokobhugha n‑Eryobha reenyu, niwe uno aghuntöghösi eni.
Wiiki totaare törëënda kubha abhaato bhatoghongi, koru inyu, koru na abhaato abhande bhoose. Mbe, gho kubha itu n‑abhatomu bha Kirisito toonyi, ntongatoriri kwënda ebheghiro nyarebhe koru ghokoonyu, amare totaaköriri hangʼu.
Eryobha ndebhabherekiire kwo bhoghumereri bhuyo, gho kubha koru Kirisito omwene nanyaakiru gho ghiri yaanyu. Gho ghuköra hangʼu, akabhatighera eghetuubhaani, kubha mubhe moramwegha.
Itu ntoore‑ho eriibhagha ahaabhuru asooko no obhokumi obhokoro koru o‑Taata Waryobha. Eriibhagha riyo, eriiraka rekaru kwo Waryobha uno anyi Obhokumi Obhokoro, rerabhugha, “Uno n‑Omoona waane omosiighani, uno neghuchömëru nawe.”
