Yohana 5:22 - Eriiraghano Eriihë

²² Taata tahamotenera ekiina omooto wowoose wuure, amare namoheere Omoona obhotoro bho kobhatenera ekiina abhaato bhoose.

Yohana 5:22 Iomraidhean Croise

Mataayo 11:27

Yesu akëëndërëra kweghi abhaato bhayo arabhugha, “Taata waane, namariri ghotoora ghoose mo‑mabhökö ghaane. Wiiki taanyi‑ho uno amweche Omoona, n‑Ishe omwene. Koru taanyi‑ho uno amweche Ishe, n‑Omoona omwene, na wowoose uno Omoona akwënda komohunyurera.

Mataayo 16:27

Eni uno neenyi Omoona o Mooto nekuucha haghirohamu na bhamarayika bhaane mo‑bhokumi obhokoro bho Taata waane. Niho nekomoreha omooto wowoose kurëngʼaana ne emeremo gheeche.

Mataayo 28:18

Yesu akaacha ghokoobho, aghasiikëra nabho, akabhabhoorera akabhugha, “Eryobha ndeheere obhotoro bhoose bho Mwishaaro na mo‑se.

Yohana 17:2

Noheere obhotoro bho kobhakangata abhaato bhoose, kubha nebhahë abhaato bhano oheere obhuhöru bho miishe ghyose.

Yohana 3:35

Taata Waryobha namosiighiri Omoona waache, wiiki namoheere obhotoro ighoro e bheghiro bhyose.

Yohana 5:27

Wiiki, namoheere Omoona obhotoro bho kobhatenera ekiina abhaato, gho kubha iwe n‑Omoona o Mooto.

Yohana 9:39

Niho Yesu akabhugha, “Eni niichiri mo‑se hano ghotena ekiina, kubha abhahuku bharighi, wiiki bhano bhakorighi, bhabhe abhahuku.”

Amaköri gha Bhatomu 10:42

Iwe aghaturaghereri kobheeghi abhaato Angʼana Anchömu, na kobhabhoorera abhaato kubha iwe niwe atooruru ne Eryobha, abhatenere ekiina abhaato abhahöru na bhano bhakuure.

Amaköri gha Bhatomu 17:31

Gho ghayo, natooriri orosiko runo akobhatenera ekiina abhaato bhoose kwo meghiro na kwo bhuhëënë, gho nchëra e mooto uno ahwire. ꞉Naabhëërëkiri abhaato bhoose obhuhëënë bho mooto uno ahwire gho komoryoki koru mo‑bhaku.”

Abharuumi 2:16

Hangʼu nibhu ekubha orosiko ro ghoteneru ekiina. Eryobha ndekobhatenera ekiina abhaato kohetera Kirisito Yesu, koru kwo mangʼana ghaabho gha kebhisere, kinya ekobhugha Angʼana Anchömu ino nebharaghaniiri.

2 Abhakorinto 5:10

Hangʼu keenyi, gho kubha itu bhoose ntokwimeerera ambërë e ghetumbe ghe Kirisito ghe ghotenera ekiina. Gho ghayo, omooto woose naghosongʼaana amareho kurëngʼaana na ghano aghuköra mo‑se ino, ghabhe amachömu hamu ghabhe amabhe.

2 Timotewo 4:1

ˆNeghakuraghereri ghano ambërë e Ryobha na ambërë e Kirisito Yesu, uno aghotenera ekiina abhaato abhahöru na bhano bhakuure. Kirisito Yesu niwe akuucha ghukangata ase ino anyi Omutëmi.

1 Bheetero 4:5

Amare, abheene mbakwëndëru ghwitachura ambërë e Ryobha rino riisëëmiri ghotenera ekiina abhaato bhoose, bhano bhaanyi abhahöru na bhano bhakuure.