Yohana 5:15 - Eriiraghano Eriihë

¹⁵ Hayo hayo, omooto wuure akamotigha Yesu, aghagharuka wiiki kobhabhoorera abhakangati bha Bhayahuuti kubha n‑Yesu niwe amuhöriri.

Yohana 5:15 Iomraidhean Croise

Maariko 1:45

Amare, omooto uyo aghatanura hayo, aghasëëma kuraghani haghiro hoose amangʼana gha kuhöru kooche. Gho ghayo, Yesu taatoriri wiiki ghusöha haheero mo‑meghya ghyoghyose ghiire. Akabha ariikara anche e moghya hano abhaato bhataanyi, koru hangʼu abhaato mbaare bharamutambana koru chambaara choose.

Yohana 1:19

Orosiko rumu, abhakangati bha Bhayahuuti ꞉mbaabhatomiri abhachaama na Abharaawi koru Yerusareemu, bhamobhoori Yohana kubha n‑niwe. Bhuno nibho obhwibhateri bhooche,

Yohana 4:29

“Tughëndë momorighi omooto uno ambooriire ghoose ghano ꞉niishamiri ghuköra. Kana, neghotora kubha iwe niwe Kirisito?”

Yohana 5:10

Gho ghayo, abhakangati bha Bhayahuuti bhakamobhoorera omooto uyo ꞉ahöruru bhakabhugha, “Reero n‑orosiko ro Riikane, emeghiro ngeghokurëki ghughëgha erishëërö reecho.”

Yohana 5:12

Niho abhakangati bhaare bhakamobhoori bhakabhugha, “Kana, n‑niwe uno akobhooriire ughëghë erishëërö reecho utanure?”

Yohana 5:16

Niho abhakangati bha Bhayahuuti bhaghasëëma komwirighori Yesu gho kubha naare arahöri abhaato orosiko ro Riikane.

Yohana 5:18

Gho ghayo, abhakangati bha Bhayahuuti bhaghasëëma ghutabhara anchëra e komwita Yesu. ꞉Mbaaköriri hangʼu gho kubha taasariri emeghiro ghe Riikane eryene, amare ꞉naabherekiire Eryobha kubha, n‑Ishe. Gho nchëra iyo naare ariitoora kubha, naanyi kebhuno Eryobha reenyi.

Yohana 9:15

Mbe, Amabharisaayo bhoose bhakamobhoori omooto uyo bhakabhugha, “Nibhu uköriri okarighi?” Akabhagharokeri akabhugha, “Omooto umu ꞉naahakiri eriitötö mo‑miisho ghaane, neeghaye neghishaabha obhosho, ibheere nekorighi.”

Yohana 9:25

Iwe akabhagharokeri akabhugha, “Eni ntyeche aribha omooto uyo n‑omuköri o masari, amare nyeeche egheghiro kimu hangʼu, kubha n‑omohuku neere, amare ibheere nekorighi.”

Yohana 9:30

Akabhagharokeri akabhugha, “Eni ˆnekaroghoora chwee! Inyu moteeche hano aruure, amare iwe nahöriri amiisho ghaane!

Yohana 9:34

Ibho bhakamugharokeri bhakabhugha, “Iye wibhwiru na kurëru kinya omuköri o masari. Kana, noonyi no obhotoro ke bho ghotweghi itu?” Mbe, bhakamuhëëbha aröbhökë anche.