Yohana 4:6 - Eriiraghano Eriihë

⁶ Ahaghiro hayo ꞉haare ne eghesima ke Yakobho. Yesu aghiikara rubhareka ro ghesima kiyo kubha aweere, gho kubha naare atamuru kwo rughëndö rure. Eriibhagha riyo neere kinya chaasa ishaasabhe che mwishe.

Yohana 4:6 Iomraidhean Croise

Mataayo 27:45

Hano eryobha rehikiri a‑mutu, ekengʼuuri gheghakundekeri mo‑se yoose mbagha mo‑chaasa kende.

Mataayo 4:2

Yesu akamara iyo chaasiko miröngö ene obhotiko no omwishe ataakurë egheghiro ghyokyose. Antenero, akooghu anchëra.

Mataayo 8:24

Hano bhahikiri ghateghate e nyancha, haakabha no obhukama bhuhaari chwee ne emekunda gheghasëëma ghokundekeri obhwato. Amare Yesu naare amisiri chandöörö.

Ruuka 2:7

Akiibhora omoona o kebhureni omutange waache, akamokundekeri changibho. Akamuraari mwitore, gho kubha, bhataabhwine omweya mo‑chanyumba che bhaghëni.

Ruuka 9:58

Yesu akamugharokeri akabhugha, “Chaambwe ncheenyi na chakoobho ne ebhinyönyi mbeenyi ne ebhenyumba. Amare eni uno neenyi Omoona o Mooto nteenyi koru na ha ghotoora omutu!”

Yohana 11:9

Yesu akabhagharokeri akabhugha, “Kana, omwishe taanyi amasa ikomi na abhere? Omooto araghënda omwishe, taaghotora ghwituuratuura oghoghoro kooche gho kubha nakorighi obhwero bho mo‑se ino.

Yohana 4:12

Sookoro wiito Yakobho niwe ꞉atoheere eghesima kino, woose naare aranyo amanche ghano haghirohamu na abhaana bhaache na chaatugho cheeche. Kana, nokwirighi iye m‑mokoro bhobhe komokera iwe?”

Yohana 4:5

Mbe, bhakahika mo‑moghya umu o Bhasamaariya okobherekeru Sikaari. Omoghya uyo noore haghuhe no omoghondo o Yakobho uno ꞉aheere aghabho Yusubhu mwërëëti waache.

Yohana 4:7

Niho omukari umu Omusamaariya akaacha ghutaha amanche mo‑ghesima kiyo. Hano Yesu amorooche, akamobhoorera akabhugha, “Omukari uno, neghusabha amanche gha kunyo.”

2 Abhakorinto 8:9

Ghokera ghayo, mweche kinya bhuno Omutëmi wiito Yesu Kirisito abhaheere aghareeya yaache. Nangabha are omwame, aghiiköri kubha muhabhe gho ghiri yaanyu, kubha gho nchëra e bhuhabhe bhooche, inyu mubhe abhaame.

Abheebhuraaniya 2:17

Gho ghiri iyo, ꞉niichiri anyi kinya bhuno abhahiiri bhaache toonyi mo‑ghoose, kubha abhe Omuchaama Omokoro uno anyi o bheghongi no omuhëënë mo‑meremo gheeche ambërë e Ryobha. Gho nchëra iyo ꞉niiruusiri amaruusi gha ghutëmëërani abhaato ne Eryobha, kubha Eryobha rebhaabhërë abhaato amasari ghaabho.

Abheebhuraaniya 4:15

Omuchaama Omokoro uyo niwe abhweche obhutöbhu bhwito, gho kubha woose Erishambu ꞉ndeemusakiri gho chanchëra haghare haghare kinya itu, amare iwe taaköriri amasari.