Yohana 4:41 - Eriiraghano Eriihë

⁴¹ Abhaato bhaaru chwee bhakamokumi Yesu gho ghiri e ghano are arasiikëra.

Yohana 4:41 Iomraidhean Croise

Ruuka 4:32

Ameeghi ghaache, ghakabharoghoori chwee, gho kubha ngaare no obhotoro.

Yohana 4:40

Niho Abhasamaariya bhaare bhakahika hano Yesu are, bhakamusabha chwee ikare haghirohamu nabho. Niho aghiikara mo‑moghya uyo chaasiko ibhere.

Yohana 4:42

Bhakamobhoorera omukari uyo bhakabhugha, “Mbagha ibheere ntomokumiri omooto uno taanyi gho ghiri e ghano ꞉otobhooriire agheene. Amare ibheere ntokomokumi gho kubha ntooghwire itu bheene ghano abhughiri. Wiiki ntumënyiri kubha, mahëënë niwe Omotoori o se.”

Yohana 6:63

Akörö e Ryobha niyo ekobhaha abhaato obhuhöru. Omooto taaghotora ghuköra ghyokyose gho changuru cheeche omwene. Amangʼana ghano nebhabhooriire n‑gha Akörö e Ryobha, nagho ngakoruusi obhuhöru.

Yohana 7:46

Abhaashirikare bhaare bhaghagharokeri bhakabhugha, “Totaamara tooghu omooto arasiikëra kinya omooto wuure.”

Amaköri gha Bhatomu 1:8

Amare, mokuhaabhu changuru hano Akörö Ahörëëru ekuucha ghokoonyu, mookubha abhiibhateri bhaane mo‑moghya o Yerusareemu na ahaghiro ahande hoose ha Yuteya, na Samaariya, mbagha mo‑se yoose.”

Amaköri gha Bhatomu 15:3

Mbe, niho abhaato bhayo bha mo‑kanisa e Antiyokiya bhakabharagha. Ibheere Bhawuro na abhaghëndi bhayo bhakaheta mo‑mikööwa ghe Bhoyinike na Samaariya, bhaakabha bharabhabhoorera kinya abhaato bha matöngö bhamokumiri Yesu. Angʼana iyo ekabhategheri chwee Abhakirisito abhaghëndi bhaabho bhoose bha iyo.

Amaköri gha Bhatomu 8:12

Amare hano Bhiiribho abheeghiri Angʼana Anchömu ighoro e bhutëmi bho Ryobha, ne eriina re Yesu Kirisito, bhaghakumi, abhasubhe na abhakari, bhakabhatiisu.

Amaköri gha Bhatomu 8:25

Hano Bheetero na Yohana ꞉bhaamariri kobhoorera abhaato ghano bharooche ighoro e Mutëmi Yesu, na kweghi angʼana e Ryobha mo‑bhaato bha moghya uyo, bhaghasëëma orughëndö roobho ro ghugharuka Yerusareemu. Hano bhaare mo‑rughëndö, bhaakabha bharasanchi Angʼana Anchömu mo‑bhyaro bhyaru bhe Samaariya.

Abheebhuraaniya 4:13

Wiiki ghetaanyi‑ho eghetyenyi ghyokyose kino kiibhisiri ambërë e Ryobha. Ebheghiro bhyose mbeenyi haheero ambërë yaache, iwe niwe tokomobhoorera emeremo ghiito ghyose ghino toore toraköra.