Yohana 3:2 - Eriiraghano Eriihë

² Orosiko rumu obhotiko, aghaye o‑Yesu akamobhoorera akabhugha, “Oo Omweghi, ntweche kubha iye n‑Omweghi uno otomuru ne Eryobha, gho kubha taanyi‑ho omooto uno aghotora ghuköra ebhyërëkërëri bhino oghuköra, aribha Eryobha retaanyi haghirohamu nawe.”

Yohana 3:2 Iomraidhean Croise

Mataayo 22:16

Niho bhakabhatoma o‑Yesu abhaanabheegha bhaabho haghirohamu na abhaato bhano bhaghöötiine na abhaato bha mutëmi Herote, bhaaghaye, bhakamobhoori bhakabhugha, “Oo Omweghi, ntweche kubha iye n‑omooto o hëënë na kubha nokweghi ghano ghaanyi gha Ryobha kwo bhuhëënë. Wiiki, tooghotiina koru omooto uno anyi no omweya wi ighoro.

Mataayo 23:7

Wiiki, mbasiighiri chwee bhakëëribhu gho sooko mo‑mitëëra na bhabhe bharabhabherekera bharabhugha, ‘Oo omweghi.’

Mataayo 23:8

“Amare inyu motabha moriishereri bharabhabherekera bharabhugha, ‘Oo omweghi’, gho kubha moonyi no Omweghi umu hangʼu, inyu n‑abhaghëndi bhaache moonyi.

Maariko 12:14

Bhakamutambana Yesu, bhakamobhoorera bhakabhugha, “Omweghi, ntweche kubha ghoose ghano oghosiikëra n‑gha mahëënë. Iye tooghotereera omweya o mooto wowoose, koru taanyi gheghiro ghokoocho. Nokweghi anchëra e Ryobha kwo bhuhëënë. Ibheere, kurëngʼaana ne emeghiro ghe Musa, ntokwëndëru koreha erighööti gho Kayisaari ghasi tiyaanyi?”

Yohana 1:38

Mbe, Yesu aghiishoorori, akabharighi abhaanabheegha bhaare bharamutambana. Akabhabhoori akabhugha, “Kana, neke mokwënda?” Ibho bhakamugharokeri bhakabhugha, “Oo Raabhi, kana, hayi umanyiri?” Raabhi egheteemoro keeche n‑Omweghi.

Yohana 10:38

Amare aribha neghuköra emeremo ghino Taata aghoghiköra, koru nangabha motaaghonkumi eni, moghekumi emeremo ghiyo. Gho nchëra iyo, niho mokumënya kubha Taata naanyi moose yaane, na neeni neenyi moose yaache.”

Yohana 12:37

Koru nangabha Yesu ꞉aköriri ebhyërëkërëri bhyaru ambërë yaabho, abhaato bhaaru bhataamokumiri.

Yohana 14:10

Kana, toghokumi kubha eni neenyi moose e Taata, na Taata naanyi moose yaane? Amangʼana ghano nekobhabhoorera ghataakoru mo‑miihëëbhö ghaane, amare Taata, uno anyi moose yaane, naghuköra emeremo gheeche.

Yohana 15:24

Niköriri ebheroghooro bhekoro bhino bhetaamara bhiköru no omooto owonde. Erabha bhatangabherooche, mbangabheere bhataanyi na amasari. Amare ibheere, mbagharooche ghoose ghano ꞉niiköriri, koru hangʼu bhakeere bhandëghiri eni na Taata waane.

Yohana 2:11

Yesu ꞉naaköriri ekyërëkërëri kino mo‑moghya o Kana mo‑mukööwa o Ghariraaya. Ekyërëkërëri kiyo nikyo keere e kimbërë ghuköru kwërëki obhokumi bhooche obhokoro mo‑bhaato. Gho ghayo, abhaanabheegha bhaache bhakamokumi.

Yohana 20:16

Yesu akamobherekera akabhugha, “Iye Mariyamu!” Niho Mariyamu aghiishoorori wiiki, akamorighi Yesu, aghasiikëra gho Kebhuraaniya akabhugha, “Rabhooni!” Egheteemoro keeche “Omweghi.”

Yohana 3:26

Niho bhaaghaye o‑Yohana, bhakamobhoorera bhakabhugha, “Oo Omweghi, omooto uno ore nawe amwambuko e rooche ro Yorotaani, uno ꞉otobhooriire amangʼana ghaache, woose nakubhatiisa na abhaato bhoose mbakomutambana.”

Yohana 4:31

Hano abhaato bhaare ꞉bhaare bhakeere kohika, abhaanabheegha bhaache bhakamusabha bhakabhugha, “Oo Omweghi, nuraaghërë.”

Yohana 5:36

Amare eni neenyi no obhwibhateri bhokoro chwee ghokera bhuure bho Yohana. Gho ghayo, emeremo ghino Taata aheere ghuköra nighyo ghino gheghungambëra kubha Waryobha Taata niwe antomiri.

Yohana 6:2

Erikinda ikoro re bhaato rekamutambana Yesu, gho kubha mbaare bharooche ebhyërëkërëri bhino are araköra gho kobhahöri abhabhabharu.

Yohana 7:31

Mbe, abhaato bhaaru bhano ꞉bhaare hayo bhakamokumi Yesu. Mbaare bharabhugha kubha, “Aribha Kirisito nakuucha, kana, naghuköra ebhiraghe bhyaru ghokera bhino omooto uno aköriri?”

Yohana 9:16

Niho Amabharisaayo abhamu bhakabhugha, “Omooto uno taruure kwo Waryobha, gho kubha naghusari emeghiro ghe Riikane.” Amare abhande bhakabhugha, “Kana, nibhu ekubha kwo mooto o masari ghuköra ebhyërëkërëri kinya bhiyo?” Mbe, bhakaahukana abheene kwo bheene.

Amaköri gha Bhatomu 10:38

Mweche kubha, Eryobha ꞉ndeemwahwire Yesu o Nasareeti gho komuha Akörö Ahörëëru no obhotoro. Yesu ꞉naaghiire ino na ino, araköra amachömu na kuhöri bhoose bhano ꞉bhaare bharanyaakibhu na changuru che Rishambu, gho kubha Eryobha ndeere haghirohamu nawe.

Amaköri gha Bhatomu 2:22

Bheetero akëëndërëra kobhugha, “Inyu abhaato bha Isiraeri, muntëghëërërë bhoheene! Eryobha eryene ndëbhëërëkiri obhokoro bho Yesu o Nasareeti ghokoonyu, gho nchëra e bhiraghe, ne ebheroghooro, ne ebhyërëkërëri bhe manga maaru bhino Eryobha ꞉reemoheere ghuköra ghate yaanyu. Ghayo, inyu mogheeche bhoheene.

Abhabhiribhi 1:14

Haghirohamu na ghayo, nyeeche kubha okubhöhu koone ino, nkobhaköriri abhakumi bhaghëndi bhiito bhaaru bhaköngʼi chaakörö kwo Mutëmi Yesu, koru mbakobharaghaneri abhaato angʼana e Kirisito kwo bhosubhesubhe, koru bhataanyi na ahaho.