Yohana 3:11 - Eriiraghano Eriihë

¹¹ Mahëënë ˆneghakobhoorera, itu ntogheeche ghano toghughamba, wiiki ntogharooche ghano toghughambera. Amare inyu motaaghwishereri amangʼana ghiito.

Yohana 3:11 Iomraidhean Croise

Mataayo 11:27

Yesu akëëndërëra kweghi abhaato bhayo arabhugha, “Taata waane, namariri ghotoora ghoose mo‑mabhökö ghaane. Wiiki taanyi‑ho uno amweche Omoona, n‑Ishe omwene. Koru taanyi‑ho uno amweche Ishe, n‑Omoona omwene, na wowoose uno Omoona akwënda komohunyurera.

Mataayo 23:37

Niho Yesu akabhugha, “Inyu abhaato bha Yerusareemu! Inyu abhaato bha Yerusareemu! Mokobhiita abharööti na kobharasa amabhohe abhaato bhano Eryobha ꞉reetomiri. Kwo riibhagha ryaru nyëndiri kobhakoma inyu, kinya angökö ehaakoma ebhechuri bheeche mo‑mabhabha ghaache, amare mötëëndiri!

Ruuka 10:22

Akamara akabhabhoorera, “Taata waane, namariri ghotoora ghoose mo‑mabhökö ghaane. Wiiki taanyi‑ho uno amweche Omoona, n‑Ishe omwene. Koru taanyi‑ho uno amweche Ishe, n‑Omoona omwene, na wowoose uno Omoona akwënda komohunyurera.”

Yohana 1:11

꞉Niichiri kwo bhaato bhaache, amare ibho bhataamosongʼaaniri.

Yohana 1:18

Taanyi‑ho omooto wowoose uno arerooche Eryobha. Amare n‑Omoona omwene chiri, uno anyi Eryobha, wiiki naanyi haghirohamu na Taata Waryobha, niwe atohunyuriire Eryobha kinya reenyi.

Yohana 12:49

Neekubha hangʼu gho kubha, ntesiikiire kwo bhotoro bhoone eni omwene, amare Taata uno antomiri, niwe ꞉andagheriiri ghano neghosiikëra, na kebhuno nekuucha ghughamba.

Yohana 14:24

Amare omooto wowoose uno atansiighiri, taaghughööta amangʼana ghaane. Wiiki, angʼana ino mokooghu taanyi yaane, amare n‑e Taata uno antomiri ghokoonyu.

Yohana 3:12

Nebhabhooriire ghano ghaghuköru mo‑se, amare inyu motaaghokumi. Mbe, nibhu moghotora ghonkumi hano nekobhabhoorera ghano ghaghuköru Mwishaaro?

Yohana 3:13

Taanyi‑ho omooto wowoose uno ꞉atoriri ghuye Mwishaaro, nanyinga eni, uno neenyi Omoona o Mooto, niwe ꞉niichiri koru Mwishaaro.

Yohana 3:3

Yesu akamugharokeri akabhugha, “Mahëënë ˆneghakobhoorera, taanyi‑ho omooto uno aghotora ghusöha mo‑bhutëmi bho Ryobha aribha atibhwiru mara e kabhere.”

Yohana 3:5

Yesu akamugharokeri akabhugha, “Mahëënë ˆneghakobhoorera, taanyi‑ho omooto uno aghotora ghusöha mo‑bhutëmi bho Ryobha aribha atibhwiru kwo manche na gho Akörö e Ryobha.

Yohana 5:43

Eni niichiri kwo riina re Taata, na mwangiri ghonsongʼaana. Amare omooto owonde araacha kwo riina reeche omwene, iwe mokomokumi na komosongʼaana.

Yohana 7:16

Niho Yesu akabhabhoorera akabhugha, “Ameeghi ghano nekweghi taanyi ghaane, amare n‑gha uno antomiri ghokoonyu.

Yohana 8:14

Yesu akabhagharokeri akabhugha, “Koru nangabha neghwighambera eni mwene ghano neghosiikëra n‑gha mahëënë, gho kubha nyeeche hano neruure, wiiki nyeeche hano neeghuye. Amare inyu moteeche hano neruure na hano neeghuye.

Yohana 8:26

Nighöötë maaru ghano nengatoriri ghosiikëra na kobhatenera ekiina inyu, amare nteeghuköra hangʼu. Eni nekobhabhoorera abhaato bhoose amangʼana ghaare nekooghu koru gho Taata. Iwe uno antomiri naghosiikëra obhuhëënë.”

Yohana 8:38

Eni nekobhabhoorera ghano nerooche gho Taata, amare inyu moghuköra ghano ꞉mooghwire koru ghwi iso.”

Amaköri gha Bhatomu 22:18

Mo‑marighi ghayo, nekarighi Omutëmi aramboorera arabhugha, ‘Ukörë bhwango oru Yerusareemu, gho kubha obhwibhateri bhuno okubha oraruusi ighoro yaane, abhaato bha moghya uno bhataakobhokumi.’

2 Abhakorinto 4:4

Angʼana Anchömu timënyuru mo‑bhaato bhano gho kubha, Erishambu rino reenyi omutëmi o se ino, ndehunyiri obhongo bho bhano bhataakomokumi Yesu. ꞉Ndiiköriri hangʼu kubha bhakindu korighi obhwero bho Angʼana Anchömu e bhokumi obhokoro bho Kirisito, uno anyi eghetuubhaani ke Ryobha.

Obhohunyurëru 1:5

na koru kwo Yesu Kirisito, ghibhe haghirohamu na niinyu. Uyo niwe omwibhateri omuhëënë. Niwe o mumbërë koryoka koru mo‑bhaku, kubha abhe omukangati o bhatëmi bhoose mo‑se. Yesu niwe atosiighiri aghatusaasura koru mo‑masari ghiito gho nchëra e masaahë ghaache.

Obhohunyurëru 3:14

Omooto uyo kinya Omoona o Mooto akëëndërëra kobhugha, “Omwandëkërë marayika o riikanisa re Rawotikiya, no omobhoorere obhughe, ‘Eni neeni nekobherekeru Hawubhaabha, gho kubha nekuhëënëhi obhuhëënë bho Ryobha kwo mahëënë. Eni neeni omutange o bhetyenyi bhyose bhino ꞉bhiitëëmuru ne Eryobha. Mutëghëërërë ghano nekobhabhoorera!