Yohana 3:10 - Eriiraghano Eriihë

¹⁰ Yesu akamugharokeri akabhugha, “Iye n‑omweghi omosooku o Abhiisiraeri, iye woose togheeche amangʼana ghano?

Yohana 3:10 Iomraidhean Croise

Mataayo 11:25

Eriibhagha riyo Yesu aghasabha, “Oo Taata, ˆoghachömi, iye Omutëmi o Mwishaaro na ase yoose, gho kubha, amangʼana ghano, nobhabhisiri bhano bhaanyi na amangʼiini na abhasömi, amare okabhahunyurera abhaato bhano bhakwinyööhi ghokoocho kinya abhaana abhasuuhu.

Mataayo 15:14

Mobhatighe, gho kubha bhayo n‑abhakangati abhahuku bha bhahuku! Aribha omohuku arakangata omohuku mughëndi waache, bhombe mbakwihööngörëra mwiribha!”

Mataayo 22:29

Yesu akabhagharokeri akabhugha, “Morumeeriri gho kubha moteeche ghano ghaandëkuru mo‑Mandëkö Amatööbhiyu, wiiki moteeche obhotoro bho Ryobha kebhuno bhoonyi.

Ruuka 2:46

Orosiko ro ghatato, bhakamubhöna Mwisëngërö, ikeere ghateghate e bheeghi. Naare arabhatëghëërëra, arabhabhoori amabhoori.

Ruuka 5:17

Orosiko rumu, Yesu naare areeghi abhaato. Ghate yaabho, mbaare‑mu Amabharisaayo na abheeghi bha meghiro. Abhaato bhayo ꞉mbaaruure mo‑bhyaro bhe Ghariraaya, na Yuteya, na mo‑moghya o Yerusareemu. Yesu naare no obhotoro bho Ryobha bho kuhöri.

Yohana 3:9

Nikoteemu akamobhoori akabhugha, “Kana, omooto nibhu aghotora kwibhoru na Akörö e Ryobha?”

Amaköri gha Bhatomu 5:34

Hayo mo‑riibharacha riyo, naare‑ho Omubharisaayo umu, eriina reeche Ghamariyeeri. Ghamariyeeri uyo, naare omweghi o meghiro ghe Musa, wiiki nasookuru na abhaato bhoose. Ibheere akiimeerera, akahatëka kubha abhatomu bhayo bhabhahoroki anche kwo riibhagha ighuhe.

Abharuumi 2:28

Mbe, mumënyë kubha, taanyi omooto woose uno ibhwiru no Omuyahuuti naakubha Omuyahuuti o hëënë. Omooto taaghotora kubha Omuyahuuti o hëënë gho nchëra e ghusaaru mo‑mobhere okwene.

Abhabhiribhi 3:3

Mööhi itu niitu abhaato bhano tusaaruru hëënë ne Eryobha, taanyi ibho, gho kubha Akörö e Ryobha neghototoori ghusëngëra Eryobha. Itu ntokwihachera Kirisito Yesu na komwitëngʼëra. Itu totaaghwitëngʼëra amaköri ghiito gha mebhere kubhöna obhotoori.

Abhakorosaayi 2:11

Ibheere gho kubha moonyi no obhumu na Kirisito, ꞉naabhasaariri gho ghotooru kurë na simoka e masari. ꞉Naabhasaariri taanyi kwo mabhökö gha bhaato, amare gho nchëra yaache omwene.