Yohana 21:5 - Eriiraghano Eriihë

⁵ Mbe, Yesu akabhabherekera akabhabhoori akabhugha, “Inyu bhasaani bhaane, mobhwine ekereero?” Ibho bhakamugharokeri bhakabhugha, “Tiyaanyi.”

Yohana 21:5 Iomraidhean Croise

Mataayo 14:15

Eriibhagha re mughörööbha mo‑masikera gha ryobha, abhaanabheegha bhaache bhakaacha bhakamobhoorera Yesu bhakabhugha, “Hano toonyi m‑mwiteregho, na ˆbhookiira. Nobharaghe abhaato bhano bhaghëndë ghwighorera ebhiinyakurë mo‑bhyaro.”

Maariko 8:7

Wiiki, mbaare ne ebhesu bhesuuhu. Yesu akabhugha, “ˆOghachömi, Waryobha,” wiiki, akabhaha abhaanabheegha bhaache bhabhahööhi abhaato.

Abhabhiribhi 4:19

Mbe, Eryobha reene, ndekobhaha amënda ghaanyu ghoose kurëngʼaana no obhwame bhooche obhokoro. Ndeghuköra hangʼu gho nchëra e Kirisito Yesu.

Abheebhuraaniya 13:5

Motabha na atëëmö e ghosiigha chambiiri, amare muhaabhe na bhino moonyi nabhyo, gho kubha Eryobha eryene ꞉ndeebhughiri kubha, “Nteeghoghotigha koru nteeghoghosuuhera naabha.”

1 Yohana 2:13

Nabhaandëkiire bhataata, gho kubha momweche Yesu Kirisito, uno are‑ho korwera simoka. ˆNekabhaandëkëra abhabhureni, gho kubha morekindiri Erishambu. Nabhaandëkiire inyu abhaana, gho kubha momweche Taata Waryobha.

1 Yohana 2:18

Abhaana bhaane abhasiighani, eriibhagha re ntenero ndehikiri! Mooghwire kubha omobhisa o Kirisito nakuucha, na koru ibheere abhabhisa bhaaru bha Kirisito mbamariri kuucha. Kiyo nikyo gheghughëri toramënya kubha, ntoonyi mo‑riibhagha re ntenero.