Yohana 2:11 - Eriiraghano Eriihë

¹¹ Yesu ꞉naaköriri ekyërëkërëri kino mo‑moghya o Kana mo‑mukööwa o Ghariraaya. Ekyërëkërëri kiyo nikyo keere e kimbërë ghuköru kwërëki obhokumi bhooche obhokoro mo‑bhaato. Gho ghayo, abhaanabheegha bhaache bhakamokumi.

Yohana 2:11 Iomraidhean Croise

Yohana 1:14

Angʼana iyo ekabha omooto, aghiikara ghateghate yiito. Itu bhoose tokabhorighi obhokumi bhooche obhokoro, obhokumi bhooche obhokoro iwe uno anyi Omoona omwene chiri o Taata, niichwire aghareeya no obhuhëënë.

Yohana 1:17

Mbe, gho kubha Eryobha ꞉ndeeruusiri emeghiro gheeche gho nchëra e Musa, amare aghareeya no obhuhëënë mbiichiri gho nchëra e Yesu Kirisito.

Yohana 1:43

Atabhoori yaache, Yesu akëënda kobhooka ghuye mo‑mukööwa o Ghariraaya. Niho akamorighi Bhiiribho, akamobhoorera akabhugha, “Nuuche, untambane.”

Yohana 1:50

Yesu akamobhoori akabhugha, “Kana, noghokumi gho kubha ꞉neekobhooriire kubha nekorooche wikeere mo‑mokoowa? Noghogharighi aghande amakoro ghokera ghano!

Yohana 10:41

Abhaato bhaaru bhakamusëëta, bharabhugha, “Yohana taaköriri ekyërëkërëri koru kimu, amare amangʼana ghoose ghano Yohana ꞉asiikiire ighoro e Yesu ngaare gha hëënë.”

Yohana 11:15

Amare eni neghuchömëru kubha nteere‑ho eriibhagha Rasaaro aghoku, kubha inyu mubhönë ghonkumi. Ibheere ntughëndë ghokooche.”

Yohana 11:47

Mbe, abhakoro bha bhachaama na Amabharisaayo bhakabherekera ekiina ke riibharacha eriikoro bhakabhoorani bharabhugha, “Tukörë bhu? Omooto uno naghuköra ebhyërëkërëri bhyaru.

Yohana 12:18

Gho ghayo, abhaato bhaaru ꞉mbooghwire amangʼana gha kyërëkërëri kino ꞉aköriri, nikyo ꞉ghiighëriri abhaato bhaaru bhaaghaye komoturungʼanera Yesu.

Yohana 12:37

Koru nangabha Yesu ꞉aköriri ebhyërëkërëri bhyaru ambërë yaabho, abhaato bhaaru bhataamokumiri.

Yohana 12:41

Isaaya ꞉naabhughiri ghayo gho kubha ꞉naarooche gho kurë obhokumi obhokoro bho Yesu na kobhugha amangʼana ghaache.

Yohana 14:13

Aribha morasabha egheghiro ghyokyose kwo riina reene, eni neghuköra kebhuno moghusabha. Gho nchëra iyo, nekwërëki obhokumi obhokoro bho Taata kebhuno bhoonyi gho kohetera eni, Omoona.

Yohana 16:27

Taata omwene nabhasiighiri inyu, gho kubha inyu monsiighiri eni, wiiki moghokumi kubha neruure o‑Taata.

Yohana 16:30

Ibheere tokamënya kubha nogheeche ghoose, wiiki tookwënda omooto akobhoori ghyokyose. Gho ghayo, toghakumi kubha noruure kwo Waryobha.”

Yohana 2:1

Hano chaasiko ibhere chehetiri, ꞉niiköruru anyangi e riirugha mo‑moghya o Kana, mo‑mukööwa o Ghariraaya. Mwirugha riyo naare‑ho nyina Yesu.

Yohana 2:23

Hano Yesu are Yerusareemu mo‑nyangi e Bhaasaka, abhaato bhaaru bhaghasëëma komokumi, gho kubha ꞉mbaarooche ebhyërëkërëri bhino are araköra.

Yohana 3:2

Orosiko rumu obhotiko, aghaye o‑Yesu akamobhoorera akabhugha, “Oo Omweghi, ntweche kubha iye n‑Omweghi uno otomuru ne Eryobha, gho kubha taanyi‑ho omooto uno aghotora ghuköra ebhyërëkërëri bhino oghuköra, aribha Eryobha retaanyi haghirohamu nawe.”

Yohana 4:3

Eriibhagha Yesu ꞉oghwire kubha amangʼana ghayo ghaghasancha, aghatanura mo‑mukööwa o Yuteya haghirohamu na abhaanabheegha bhaache, aghaye mo‑mukööwa o Ghariraaya.

Yohana 4:46

Yesu aghaye wiiki mo‑moghya o Kana uno onyi Ghariraaya, hano agharwire amanche kubha adivaayi. Hayo, naare‑ho omukangati umu uno omoona waache o ghesubhe are mubhabharu iyo Kabherenawumu.

Yohana 4:54

Kiyo nkeere ekyërëkërëri ghe kabhere kino Yesu ꞉aköriri hano agharokiri Ghariraaya korwera Yuteya.

Yohana 5:23

Gho nchëra iyo, abhaato bhoose mbakomosooka Omoona kinya bhuno bhakomosooka Taata. Omooto wowoose uno ataakomosooka Omoona, mbe, taakomosooka Taata uno amotomiri.

Yohana 6:14

Hano abhaato bhayo bharooche ekyërëkërëri kiyo Yesu ꞉aköriri, bhakabhugha, “Mahëënë omooto uno n‑omurööti o Ryobha, niwe uno twitëngʼiire kubha nakuucha mo‑se.”

Yohana 6:2

Erikinda ikoro re bhaato rekamutambana Yesu, gho kubha mbaare bharooche ebhyërëkërëri bhino are araköra gho kobhahöri abhabhabharu.

Yohana 6:26

Yesu akabhagharokeri akabhugha, “Mahëënë ˆnekabhabhoorera, nyeeche moghuntabhara taanyi gho kubha morooche ebhyërëkërëri bhino ꞉niiköriri, amare n‑gho kubha ꞉neebhaheere emighaate, mokarë moghiighota.

Yohana 6:30

Bhakamobhoori bhakabhugha, “Kana, noghuköra ekyërëkërëri ke kubha torighi, na toghokumi? N‑gheghiro ke oghuköra?

Yohana 7:31

Mbe, abhaato bhaaru bhano ꞉bhaare hayo bhakamokumi Yesu. Mbaare bharabhugha kubha, “Aribha Kirisito nakuucha, kana, naghuköra ebhiraghe bhyaru ghokera bhino omooto uno aköriri?”

Yohana 9:16

Niho Amabharisaayo abhamu bhakabhugha, “Omooto uno taruure kwo Waryobha, gho kubha naghusari emeghiro ghe Riikane.” Amare abhande bhakabhugha, “Kana, nibhu ekubha kwo mooto o masari ghuköra ebhyërëkërëri kinya bhiyo?” Mbe, bhakaahukana abheene kwo bheene.

2 Abhakorinto 3:18

Ibheere itu bhoose bhano totaaghwikundekeri mo‑bhosho ne eghitambara, ntokwërëki obhokumi obhokoro bho Mutëmi kinya ekiröri. Omutëmi uno anyi Akörö, nahaatugharura totuubhaane nawe. Naakubha aratugharura koru obhokumi obhokoro mbagha kohika obhokumi obhokoro chwee.

2 Abhakorinto 4:17

Neghosiikëra hangʼu, gho kubha anyaako yiito n‑ihoho na n‑e riibhagha ighuhe hangʼu. Wiiki, neghotusëëmëra obhokumi obhokoro bho miishe ghyose. Obhokumi obhokoro bhuyo m‑bhokoro chwee, mboghotuköra korighi anyaako ino, n‑egheghiro ghesuuhu hangʼu.

2 Abhakorinto 4:6

Eryobha rino ꞉reebhughiri kubha, “Obhwero bhurëngaari mo‑kengʼuuri,” niryo riyo rirëngaariri mo‑metema ghiito, na ghotuköra tumënyë obhokumi bhooche obhokoro bhuno bhokurëngaari mo‑bhosho bho Yesu Kirisito.

1 Yohana 5:13

ˆNekabhaandëkëra amangʼana ghayo, inyu bhano moghokumi Omoona o Ryobha, kubha mumënyë moonyi no obhuhöru bho miishe ghyose.