Yohana 19:9 - Eriiraghano Eriihë

⁹ Mbe, aghasöha wiiki mo‑nyumba e ghitëmi, akamobhoori Yesu akabhugha, “Iye hayi orweriire?” Amare Yesu tamugharokiiri angʼana.

Yohana 19:9 Iomraidhean Croise

Mataayo 26:63

Amare Yesu tagharokiiri ghyokyose. Niho Omuchaama Omokoro uyo akamobhoorera wiiki akabhugha, “ˆNeghakoriishi ariingʼa kwo riina re Ryobha rino reenyi ihöru, notobhoorere aribha iye niiye Kirisito, Omoona o Ryobha.”

Mataayo 27:27

Niho abhaashirikare bha mukangati o Moruumi bhakamwimoki Yesu, bhaaghaye nawe mo‑nyumba e ghitëmi. Bhaghakoma erikinda re bhaashirikare, rekamwinaareri Yesu.

Ruuka 23:9

Herote akamobhoori Yesu kwo mabhoori maaru chwee. Amare Yesu tamugharokiiri ngʼana yoyoose.

Yohana 18:28

Mbe, hano bhookiire, abhakangati bha Bhayahuuti bhakamwimoki Yesu koru o‑Kayabha, bhaaghaye nawe mo‑nyumba e ghitëmi e mokoro o Bharuumi. Amare ibho bhataasöhiri mo‑nyumba iyo kubha bhatighonchi, kubha bhatore kurë ebhiinyakurë bhe nyangi e Bhaasaka.

Yohana 18:33

Mbe, Bhiraato aghasöha wiiki mo‑nyumba e ghitëmi, akahatëka kubha bhamurëëtë Yesu ghokooche, akamobhoori akabhugha, “Kana, iye niiye uno bhakobhugha, Omutëmi o Bhayahuuti?”

Yohana 18:34

Amare Yesu akamugharokeri akabhugha, “Kana, nombooriri hangʼu kwo miihëëbhö ghaacho iye mwene, ghasi na abhaato abhande bhakobhooriire amangʼana ghaane?”

Yohana 18:37

Mbe, Bhiraato akamobhoori akabhugha, “Kana, m‑mahëënë kubha iye n‑omutëmi?” Yesu akamugharokeri akabhugha, “N‑iye ˆokabhugha kubha eni n‑omutëmi. Eni niibhwiru mo‑se ino, wiiki niichiri kubha nebheeghi abhaato obhuhëënë. Omooto wowoose uno aghutambana obhuhëënë, naghoghooghu amangʼana ghaane.”

Yohana 19:10

Niho Bhiraato akamobhoorera akabhugha, “Ngwake otaaghungarokeri? Kana, tweche kubha neenyi no obhotoro bho ghoghotighooroka, wiiki na bho ghokumamba mo‑musarabha?”

Yohana 19:8

Hano Bhiraato oghwire amangʼana ghayo, akëëngëra ghotiina chwee.

Yohana 8:14

Yesu akabhagharokeri akabhugha, “Koru nangabha neghwighambera eni mwene ghano neghosiikëra n‑gha mahëënë, gho kubha nyeeche hano neruure, wiiki nyeeche hano neeghuye. Amare inyu moteeche hano neruure na hano neeghuye.

Abhabhiribhi 1:28

Wiiki nibhe nerooghu kubha, motaaghotiina koru hasuuhu abhaato bhano bhakobhakörëra anyaako. Kiyo nikyo ekyërëkërëri kubha ibho mbakwërëkëra ghosireekerera, amare inyu mokwërëkëra ghotooribhu. Ghiyo ghyose ne emeremo ghe Ryobha.