Yohana 17:6 - Eriiraghano Eriihë

⁶ “Oo Taata, nekohunywire kebhuno onyi iye mo‑bhaato bhano oheere mo‑se ino. Ibho mbaare bhabhaacho, iye okaaha eni. Wiiki mbaköriri ghoose ghano ore obharagheriiri.

Yohana 17:6 Iomraidhean Croise

Yohana 1:18

Taanyi‑ho omooto wowoose uno arerooche Eryobha. Amare n‑Omoona omwene chiri, uno anyi Eryobha, wiiki naanyi haghirohamu na Taata Waryobha, niwe atohunyuriire Eryobha kinya reenyi.

Yohana 12:28

Oo Taata Waryobha, wërëki obhotoro bhoocho kebhuno bhoonyi.” Niho hakarwera eriiraka koru Mwishaaro rerabhugha, “Oo Omoona waane, eni ꞉nyëërëkiri obhotoro bhoone na neghuköra hangʼu wiiki.”

Yohana 15:19

Aribha mongabheere abhaato bha mo‑se ino, bhayo mbangabheere bhabhasiighiri kinya bhuno ase esiighiri abhaato bhaache. Amare inyu motaanyi bha se ino, gho kubha nebhahwire koru mo‑se ino, nikyo gheghughëri abhaato bha mo‑se ino ˆbhakabharëgha.

Yohana 15:3

Inyu mumariri ghuköngööru, gho kubha moghokumi ameeghi ghaane.

Yohana 15:7

Aribha moghwikara moose yaane na amangʼana ghaane ghiikare moose yaanyu, mbe, musabhe Taata ghyokyose kino mokwënda, na niinyu mokuhaabhu.

Yohana 17:12

Eriibhagha nibheere haghirohamu nabho nebhachongiri kwo bhotoro bho riina reecho rino oheere. Nebhachongiri bhoheene kubha netamorumeeri koru umu mo‑bhaare, nanyinga wuure omorumeeri, kubha ghahikeerane ghano ghaandëkuru mo‑Mandëkö Amatööbhiyu.

Yohana 17:14

Nebhabhooriire abhaanabheegha bhaane amangʼana ghano oheere. Amare abhaato bha se ino mbabharëghiri, gho kubha ibho taanyi bha se ino, kinya bhuno eni netaanyi o mo‑se ino.

Yohana 17:16

Ibho taanyi bha se ino kinya bhuno eni netaanyi o mo‑se ino.

Yohana 17:2

Noheere obhotoro bho kobhakangata abhaato bhoose, kubha nebhahë abhaato bhano oheere obhuhöru bho miishe ghyose.

Yohana 17:24

“Oo Taata, nekwënda kubha bhano oheere bhabhe haghirohamu na neeni hano neekubha, kubha bhabhorighi obhokumi bhoone obhokoro bhuno oheere, gho kubha ꞉nuushamiri ghonsiigha koru ase ekeere ghutëëmu.

Yohana 17:26

Eni nebheeghiri kebhuno iye onyi, wiiki nekwëndërëra ghuköra hangʼu, kubha bhasiighane kinya bhuno onsiighiri eni, wiiki nibhe moose yaabho.”

Yohana 17:7

Mbe, mbamënyiri kubha ebheghiro bhyose bhino oheere, mberuure ghokoocho,

Yohana 18:9

Yesu ꞉naabhughiri hangʼu kubha ghahikeerane ghano ꞉asiikiire kubha, “Bhaare oheere nterumeeriri koru umu.”

Yohana 6:37

Abhaato bhoose bhano Taata aheere, mbakuucha ghokoone na ghonkumi. Wiiki nteekomwanga naabha koru umu uno akuucha ghokoone.

Yohana 6:39

Amiigha gha Taata uno antomiri nigho ghano, kubha netaacha komorumeeri koru umu mo‑bhaare aheere, amare nebharyoki mo‑rosiko ro ntenero.

Yohana 8:51

Mahëënë ˆnekabhabhoorera, omooto wowoose uno aghoghatambana ameeghi ghaane, taaghoku naabha.”

Yohana 8:52

Mbe, Abhayahuuti bhakamobhoorera Yesu bhakabhugha, “Ibheere ˆtokamënya kubha iye noonyi no omusambu! Abhurahamu ꞉naakuure, abharööti bhoose mbakuure, amare iye nokobhugha, ‘Omooto wowoose uno aghoghatambana ameeghi ghaane, taaghoku naabha.’

Amaköri gha Bhatomu 13:48

Hano abhaato bha matöngö bhooghwire amangʼana ghayo, bhaghasiighasiigha chwee, bhaghatöghösi Angʼana e Mutëmi. Bhoose bhano ꞉bhaare bhaahwiru kubhöna obhuhöru bho miishe ghyose, bhakamokumi Yesu.

Abharuumi 11:2

Eryobha retabhaangiri abhaato bhaache bhano ꞉ryaahwire korwera hano ase ere ekeere ghutëëmu. Ghasi moteeche kino Amandëkö Amatööbhiyu ghakobhugha ighoro e murööti Eriya? Eriibhagha rino ꞉asëmiri Abhiisiraeri ambërë e Ryobha, ꞉naabhughiri kubha,

2 Abhakorinto 4:6

Eryobha rino ꞉reebhughiri kubha, “Obhwero bhurëngaari mo‑kengʼuuri,” niryo riyo rirëngaariri mo‑metema ghiito, na ghotuköra tumënyë obhokumi bhooche obhokoro bhuno bhokurëngaari mo‑bhosho bho Yesu Kirisito.

Abhakorosaayi 3:16

Angʼana e Kirisito yiikare kwo bhwaru moose yaanyu. Mwegherani, na ghutöngërana mo‑mangʼiini ghoose. Moryembere Eryobha gho Sabhuri, na kwo myembo, na gho chatensi che mo‑metema. Hano mookubha moraryembera, mubhe morariitabheri mo‑metema gheenyu.

2 Timotewo 1:13

Ughöötë bhoheene ameeghi gha bhuhëënë ghano ꞉neekweghiri. Ogheeghi ghayo na usaaghe no obhokumi no obhosiighi bhuno bhokubhönëka gho komokumi Kirisito Yesu.

Abheebhuraaniya 2:12

Yesu ꞉naabhughiri kubha, “Oo Waryobha, neghoghasiikëra amaköri ghaacho amakoro kwo bhahiiri bhaane, nekwemba emyembo ghe ghoghoghongi iye ghateghate e rikinda reebho re bhakumi.”

Abheebhuraaniya 3:6

Amare Kirisito m‑muhëënë kinya Omoona uno akwimeererera abhaato bha mo‑nyumba e Ryobha. Na niitu n‑anyumba iyo, aribha tokwëndërëra ghwiköngʼi na kubha bhasubhesubhe na kwihachera mo‑ghaare toghwitëngʼëra.

1 Bheetero 1:1

Anyaarubha ino neyandëkiri eni Bheetero, omotomu o Yesu Kirisito. ˆNekabhaandëkëra inyu bhano mwahwiru ne Eryobha, bhano mumanyiri kinya abhaghëni na ghusancha mo‑mikööwa ghe Bhonto, na Gharatiya, na Kabhatokiya, na Asiya na Bhitiniya.

1 Yohana 5:20

Wiiki ntweche kubha Omoona o Ryobha namariri kuucha, natoheere obhongʼiini, kubha torimënyë Eryobha re hëënë. Ntoonyi no obhumu ne Eryobha re hëënë, gho nchëra e kubha no obhumu no Omoona waache Yesu Kirisito. Rino niryo Eryobha re hëënë, no obhuhöru bho emiishe ghyose.

Obhohunyurëru 2:13

Eni nyeeche hano moghwikara, n‑ahaghiro hano Erishambu reghukangata. Koru hangʼu, mokwëndërëra ghonkumi. Koru eriibhagha riire omwibhateri waane omuhëënë Antibha ituru mo‑moghya waanyu uno Erishambu reghwikara, motanyangiri kubha m‑bhaghëndi bhaane moonyi.

Obhohunyurëru 3:10

Ndekuucha eriibhagha re nyaako mo‑se ingima, na abhaato bhoose mbakurëngighu. Amare eriibhagha riyo, nekobhachonga inyu, gho kubha ꞉mooghumeriiri anyaako kinya ꞉neebharagheriiri.

Obhohunyurëru 3:8

Nyeeche amaköri ghaanyu. Mööhi! Eni nebhighoriire orwighe, koru taanyi‑ho omooto uno aghotora korwighara. Koru nangabha changuru cheenyu cheenyi insuuhu, amare mughöötiri ameeghi ghaane, motanyangiri kubha m‑bhaghëndi bhaane moonyi.