Yohana 17:5 - Eriiraghano Eriihë

⁵ Oo Taata, neghusabha wërëki obhokumi bhoone obhokoro, obhokumi obhokoro bhuno neere nabho eriibhagha toonyi haghirohamu, eriibhagha ore okeere ghutëëma ase.

Yohana 17:5 Iomraidhean Croise

Mataayo 25:34

“Niho eni uno neenyi Omutëmi nekobhabhoorera abhaato bhaare bhaanyi okubhökö koone gho kwiro nebhughe, ‘Muuche, inyu bhano Taata waane abhitabhiiri. Musöhë mo‑bhutëmi bhuno Eryobha rebhasëëmiire korwera ghutëëmu gho se ino.

Yohana 1:18

Taanyi‑ho omooto wowoose uno arerooche Eryobha. Amare n‑Omoona omwene chiri, uno anyi Eryobha, wiiki naanyi haghirohamu na Taata Waryobha, niwe atohunyuriire Eryobha kinya reenyi.

Yohana 10:30

Eni na Taata m‑bhamu toonyi.”

Yohana 14:9

Yesu akamugharokeri akabhugha, “Bhiiribho, nibheere haghirohamu na niinyu chaasiko chino choose, iye okeere kuumënya eni? Omooto wowoose uno andooche eni, namorooche Taata. Mbe, ngwake okomboori kubha, ‘Otwërëki Taata’?

Yohana 17:1

Hano Yesu amariri ghosiikëra ghayo ghoose, aghagharaamereri Mwishaaro, aghasabha akabhugha, “Oo Taata, eriibhagha reene ˆrekahika. Obhëërëki abhaato obhokumi bhoone obhokoro, eni Omoona waacho, kubha na neeni nëbhëërëki obhokumi bhoocho obhokoro kebhuno bhoonyi.

Yohana 17:24

“Oo Taata, nekwënda kubha bhano oheere bhabhe haghirohamu na neeni hano neekubha, kubha bhabhorighi obhokumi bhoone obhokoro bhuno oheere, gho kubha ꞉nuushamiri ghonsiigha koru ase ekeere ghutëëmu.

Yohana 3:13

Taanyi‑ho omooto wowoose uno ꞉atoriri ghuye Mwishaaro, nanyinga eni, uno neenyi Omoona o Mooto, niwe ꞉niichiri koru Mwishaaro.

Yohana 8:58

Yesu akabhagharokeri akabhugha, “Mahëënë ˆnekabhabhoorera, eriibhagha Abhurahamu akeere kwibhoru, Eni Niwe.”

Abhabhiribhi 2:6

Nangabha iwe naare arëngʼiine ne Eryobha, akarighi taanyi bhoheene asaaghe aghöötëriire riyo.

Abheebhuraaniya 1:10

Wiiki Eryobha ndeebhoriire Omoona waache kubha, “Omutëmi, niiye utëëmiri ase ino korwera hayo simoka, wiiki niiye utëëmiri erishaaro kwo mabhökö ghaacho.

Abheebhuraaniya 1:3

Omoona uyo nakurëngaari mo‑bhokumi obhokoro bho Ryobha na nakwërëki haheero kinya Eryobha reenyi. Wiiki gho kohetera ghokooche ebheghiro bhyose mbehaaghöötana haghirohamu kwo ngʼana yaache ino enyi no obhotoro. Iwe hano amariri kwiruusi kinya amaruusi gha koruuseri abhaato amasari, aghaye Mwishaaro, aghiikara eribhaara re kubhökö gho kwiro kwo Mutëmi Waryobha.

1 Bheetero 1:20

Korwera hano ase ere ekeere ghutëëmu, Eryobha ndeere rimariri komwahura gho ghiri iyo. Amare reghaghanya mbagha chaasiko chino che ntenero, niho rekamurëëta na komwërëkani haheero mo‑bhaato bhoose bha mo‑se. Ghayo ghoose ꞉ndiiköriri gho ghiri yaanyu.

1 Bheetero 1:21

Kohetera gho Kirisito, mokorekumi Eryobha, rino remoryokiri koru mo‑bhaku na komuha obhokumi obhokoro. Gho ghayo, mokomokumi na koriitëngʼëra Eryobha.

1 Yohana 1:2

Ibheere obhuhöru bhuyo mbohikeriine, itu tokabhorighi. Ibheere ntokobhabhoorera obhuhëënë na kobharaghaneri angʼana ighoro e uyo anyi obhuhöru bho miishe ghyose. Iwe naare o‑Taata Waryobha, akëërëkibhu ghokwito.

Obhohunyurëru 13:8

Abhaato bhoose ase ingima mbaghoghusëngëra oghotyenyi ghuyo, nanyinga abhaato bhano amariina ghaabho ghaandëkuru mo‑Ghitabhu ke Bhuhöru korwera hano ase ino ere ekeere ghutëëmu. Eghitabhu kino n‑ke Moona o Ngʼöndu uno ꞉asinchuru.

Obhohunyurëru 3:21

Omooto wowoose uno aghokinda amasaki, nekomwisherereri ghwikara na neeni mo‑ghetumbe keene ghe ghitëmi, kinya bhuure na neeni ꞉neekindiri, neghiikara na Taata mo‑ghetumbe keeche ghe ghitëmi.