Yohana 16:7 - Eriiraghano Eriihë

⁷ “Nekobhabhoorera inyu obhuhëënë kubha, ngʼoni ghokoonyu eni neghi o‑Taata, neraanga ghuye, Omotoorereri wuure taaghotora kuucha ghokoonyu. Amare aribha neraghe, nekomotoma ghokoonyu.

Yohana 16:7 Iomraidhean Croise

Ruuka 24:49

“Mutëghëërërë! Nekobharëëtëra ighoro yaanyu eriiraghano re Taata waane, eriiraghano riyo n‑Akörö Ahörëëru. Amare, mughanye mo‑moghya uno o Yerusareemu, mbagha muhaabhu obhotoro koru Mwishaaro.”

Ruuka 4:25

“Kwo riibhagha re murööti Eriya, ambura titëëkiri emeeka etato ne emyëri esaasabhe. Aghëëcha ihaari eghasöhërëra ase yoose e Isiraeri. ˆNekabhabhoorera ino enyi hëënë kubha, mbaare‑ho abhasino bhaaru mo‑se kwo riibhagha riyo.

Ruuka 9:27

“Mbe, mahëënë ˆnekabhabhoorera, ghate e bhaato bhano bhiimeeriire hano, mbaanyi‑ho abhande bhano bhataaghoku, bhataamara bharighi obhutëmi bho Ryobha!”

Yohana 14:26

Amare Omotoorereri uyo, egheteemoro keeche n‑Akörö Ahörëëru, ino Taata akoyetoma ghokoonyu kwo riina reene, nekobheeghi na kobhahiiti ghoose ghano neere nebhabhooriire.

Yohana 14:28

Mooghwire ghano nebhabhooriire kubha, ‘Neeghuye, amare nekuucha wiiki ghokoonyu.’ Aribha mahëënë monsiighiri, mongabheere morachömëru kooghu kubha neeghuye o‑Taata, gho kubha Taata m‑mokoro ghonkera eni.

Yohana 14:3

Eriibhagha neeghuye na kobhasëëmëra obhwikari, nekuucha wiiki kobhiimoki kubha ahaghiro hano neekubha, na niinyu mubhe‑ho.

Yohana 15:26

“Hano akuucha ghokoonyu Omotoorereri, uno nekomotoma ghokoonyu koru o‑Taata, niyo Akörö Ahörëëru e hëënë ino ekoru o‑Taata, neghungambëra obhuhëënë ighoro yaane.

Yohana 16:8

Eriibhagha akuucha, naakubha arabhëërëki abhaato bhoose ighoro e masari ghaabho, no obhuhëënë bhoone, wiiki kubha Eryobha ndekobhatenera ekiina.

Yohana 7:39

Yesu naare arasiikërëra ighoro e Körö Ahörëëru, ino abhaato bhoose bhano bhakomokumi Yesu, mbakoyesongʼaana. Eriibhagha riyo, Eryobha ndeere rekeere ghotoma Akörö yaache ghokoobho, gho kubha Eryobha ndeere rekeere kwërëki haheero obhokumi obhokoro bho Yesu.

Amaköri gha Bhatomu 10:34

Mbe, Bheetero akabhabhoorera abhaato bhayo akabhugha, “Ibheere niho ˆnekamënya kubha, m‑mahëënë Eryobha retaghöötë obhwingʼaheri!

Amaköri gha Bhatomu 2:33

Eryobha riyo rekamoghongi na komuha omweya, niikeere eribhaara reeche re kwiro. Akamara Taata Waryobha akamuha Yesu Akörö Ahörëëru kinya bhuure are amuraghiri, Yesu woose aghatwikeri Akörö iyo. Ibheere ghano gharweriire, nigho ghano moghogharighi na ghoghooghu.

Abharuumi 8:28

Ntweche kubha, mo‑ghoose Eryobha ndehaabhakörëra amachömu abhaato bhoose bhano bharesiighiri, bhano rebhabherekiire kurëngʼaana na amënda ghaache.

2 Abhakorinto 4:17

Neghosiikëra hangʼu, gho kubha anyaako yiito n‑ihoho na n‑e riibhagha ighuhe hangʼu. Wiiki, neghotusëëmëra obhokumi obhokoro bho miishe ghyose. Obhokumi obhokoro bhuyo m‑bhokoro chwee, mboghotuköra korighi anyaako ino, n‑egheghiro ghesuuhu hangʼu.