Yohana 16:3 - Eriiraghano Eriihë

³ Mbakobhakörëra hangʼu, gho kubha bhatamweche Taata, wiiki bhatanyeche eni.

Yohana 16:3 Iomraidhean Croise

Ruuka 10:22

Akamara akabhabhoorera, “Taata waane, namariri ghotoora ghoose mo‑mabhökö ghaane. Wiiki taanyi‑ho uno amweche Omoona, n‑Ishe omwene. Koru taanyi‑ho uno amweche Ishe, n‑Omoona omwene, na wowoose uno Omoona akwënda komohunyurera.”

Yohana 15:21

Amare mbakobhakörëra ghoose ghayo, gho ghiri e ghuntambana eni, gho kubha bhatamweche uno antomiri.

Yohana 15:23

Omooto wowoose uno andëghiri eni, namurëghiri na Taata waane.

Yohana 17:25

Oo Taata uno onyi no obhuhëënë, abhaato bha se ino bhatakweche. Amare eni nekweche, wiiki abhaanabheegha bhaane mbeeche kubha n‑iye ontomiri.

Yohana 17:3

Obhuhöru bho miishe ghyose nibho bhuno, abhaato bhakumënyë iye mwene uno onyi Eryobha re hëënë, wiiki bhamënyë eni Yesu Kirisito, uno ontomiri.

Yohana 8:19

Niho Amabharisaayo bhakamobhoori Yesu bhakabhugha, “Kana, Iso hayi anyi?” Yesu akabhagharokeri akabhugha, “Inyu motanyeche eni, koru Taata waane motamweche. Erabha mongamënyiri eni, mongamumënyiri na Taata waane woose.”

Yohana 8:55

Inyu motaryeche Eryobha, amare eni neryeche. Erabha neghosiikëra kubha nteryeche Eryobha, mbe, neekubha muröngö kinya inyu. Amare eni neryeche Eryobha, wiiki ghano rekobhugha, neghoghatambana.

Amaköri gha Bhatomu 3:17

“Ibheere bhahiiri bhaane, ghayo ghoose ꞉moomuköriire Yesu, inyu na abhakoro bhaanyu, nimënyiri kubha ꞉mooghaköriri gho kwanga kumënya koonyu.

1 Abhakorinto 2:8

Taanyi‑ho koru umu mo‑bhakangati bha se ino uno amënyiri amangʼiini ghayo, gho kubha mbangabheere bhaghamënyiri, bhatangamumambiri mo‑musarabha Omutëmi o bhokumi obhokoro.

2 Abhatesaronike 1:8

Yesu niwe akobharööna bhoose bhano bhakoryanga Eryobha na bhano bhataaghosooka Angʼana yaache Anchömu.

1 Timotewo 1:13

꞉Naaköriri hangʼu, nangabha ekimbërë hayo ꞉neemotokiri, na neere mutarighanu ghokooche, wiiki ꞉neebhanyaakiri abhaato bhaache. Amare, iwe ꞉naandoochiire changori, gho kubha neere neraköra ghayo kwo bhuraghaanu bhoone na gho kwanga kubha no obhokumi.

1 Yohana 2:23

Omooto uno akomwanga Omoona, tamweche Taata Waryobha. Amare uno akomokumi Omoona ambërë e bhaato, iwe naanyi no obhumu na Taata Waryobha.

1 Yohana 3:1

Mbe, morighi kebhuno Taata Waryobha atosiighiri chwee, kubha itu tobherekeru abhaana bhaache! Mahëënë hangʼu toonyi. Abhaato bhano bhataakoresooka Eryobha bhateeche kubha itu n‑abhaana bha Ryobha toonyi, gho kubha bhataryeche iryo.

1 Yohana 4:8

Amare wowoose uno atasiighiri mughëndi waache, taryeche Eryobha, gho kubha Eryobha n‑obhosiighi.

1 Yohana 5:20

Wiiki ntweche kubha Omoona o Ryobha namariri kuucha, natoheere obhongʼiini, kubha torimënyë Eryobha re hëënë. Ntoonyi no obhumu ne Eryobha re hëënë, gho nchëra e kubha no obhumu no Omoona waache Yesu Kirisito. Rino niryo Eryobha re hëënë, no obhuhöru bho emiishe ghyose.