Yohana 16:2 - Eriiraghano Eriihë

² Abhaato mbakobhahëëbha mo‑masinaghooghi. Ndekuucha eriibhagha rino omooto aramwita umu ghate yaanyu, nakwihëëbha kubha, nakorihökëri Ryobha.

Yohana 16:2 Iomraidhean Croise

Mataayo 10:28

Motabhatiina bhano bhaghwita omobhere, amare bhataaghotora ghwita akörö. Mokwëndëru moretiine Eryobha eryene chiri rino reghotora ghosireekereri omobhere haghirohamu na akörö mo‑riiribha re mororo.

Mataayo 24:9

Kwo riibhagha riyo, abhaato mbaakubha bharabhanyaaki na kobhiita, na abhaato bha matöngö ghoose mbakobharëgha, gho kubha moghuntambana eni.

Ruuka 6:22

Ngʼoni inyu, bhano abhaato bhakobharëgha, gho ghiri yaane eni Omoona o Mooto, na kobhaahura, bharabhatoka, na kobhaghamba kubha inyu m-bhabhe moonyi.

Yohana 12:42

Koru hangʼu, abhakangati bhaaru bha Bhayahuuti ꞉mbaamokumiri Yesu, amare gho ghiri e Mabharisaayo, bhataamokumiri haheero, bhaghatiina kuhëëbhu mo‑risinaghooghi.

Yohana 16:25

“Nekobhabhoorera ghoose ghayo gho nchëra e bhetuubhaani. Eriibhagha ndekuucha rino ntaaghosiikëra na niinyu gho nchëra e bhetuubhaani, amare nekobhabhoorera haheero ighoro e Taata.

Yohana 16:32

Eriibhagha ˆreghatingʼi, wiiki ˆrekahika, hano moghusanchana, omooto woose naaghuye bhowaabho, na ghontigha eni omwene chiri. Amare nteekubha eni omwene chiri, gho kubha Taata naanyi haghirohamu na neeni.

Yohana 4:21

Yesu akamugharokeri akabhugha, “Oo omukari iye, onkumi, eriibhagha ndekuucha rino motaakomusëngëra Taata Waryobha mo‑gheghoro kino hamu mo‑Risëngërö re Yerusareemu.

Yohana 4:23

Eriibhagha ndekuucha, wiiki ˆrekahika, abhaato bhano bhakwënda korisëngëra Eryobha kwo bhuhëënë, mbakomusëngëra Taata mo‑körö no obhuhëënë. Taata Waryobha nakwënda abhaato bhano bhakomusëngëra gho nchëra iyo.

Yohana 9:22

Abhiibhori bhaache ꞉mbaabhughiri hangʼu gho kubha mbaare bharatiina abhakangati bhaare, gho kubha abhakangati ꞉mbiishereriini kubha, omooto wowoose uno aghwishereri kubha Yesu n‑Kirisito, mbakomuhëëbha mo‑risinaghooghi.

Yohana 9:34

Ibho bhakamugharokeri bhakabhugha, “Iye wibhwiru na kurëru kinya omuköri o masari. Kana, noonyi no obhotoro ke bho ghotweghi itu?” Mbe, bhakamuhëëbha aröbhökë anche.

Amaköri gha Bhatomu 5:33

Hano abhakoro bhayo bhooghwire ghayo, bhaghakarara chwee, mbaare bharëënda kobhiita abhatomu bhayo.

Amaköri gha Bhatomu 7:56

Hayo akabhugha, “Mumööhërëri! Nerooche erishaaro reriighoka, no Omoona o Mooto imeeriire eribhaara re kwiro re Ryobha!”

1 Abhakorinto 4:13

Hano bhaghotughamba kobhe, ntokobhagharokeri bhoheene. Koru ibheere, ntuköruru kinya abhuusa e se, na m‑bhaghonchu toonyi kwo mooto woose.

Abhabhiribhi 3:6

Wiiki ꞉niiköngʼiri chwee ghuköra ghano ꞉niituuriri kubha nigho Eryobha resiighiri. Kiyo nikyo ꞉ghiinköriri nekabharëëtëra Abhakirisito anyaako. Kwo mangʼana gha hëënë ighoro e meghiro, eni nteere ni isörö ryoryose.

Obhohunyurëru 6:9

Mbe, Omoona o Ngʼöndu akanaanura omohuuri o nyaghame o ghataano, nekarighi chaakörö che bhaato cheenyi mwirungu re haghiro ha koruuseri amaruusi. Bhayo n‑chaakörö chiire che bhaato bhano ꞉bhaanunguru emitu gho kuraghani angʼana e Ryobha na koruusi obhwibhateri ighoro e Yesu.