Yohana 16:13 - Eriiraghano Eriihë

¹³ Amare Akörö e bhuhëënë, hano ekuucha ghokoonyu, nekobhakangata kobhumënya obhuhëënë bhoose. Teekobhugha kwo bhotoro bhooche ayeene, amare nekobhugha ghano yoghwire na kobhabhoorera ghano ghakuucha.

Yohana 16:13 Iomraidhean Croise

Yohana 12:49

Neekubha hangʼu gho kubha, ntesiikiire kwo bhotoro bhoone eni omwene, amare Taata uno antomiri, niwe ꞉andagheriiri ghano neghosiikëra, na kebhuno nekuucha ghughamba.

Yohana 14:17

Akörö iyo nekobhahunyurera abhaato obhuhëënë. Abhaato bhano bhakwanga Eryobha bhataaghotora ghosongʼaana Akörö iyo, gho kubha bhataakoyerighi, wiiki bhatayeeche. Amare inyu moyeeche Akörö iyo gho kubha neghwikara haghirohamu na niinyu, wiiki neekubha moose yaanyu.

Yohana 14:26

Amare Omotoorereri uyo, egheteemoro keeche n‑Akörö Ahörëëru, ino Taata akoyetoma ghokoonyu kwo riina reene, nekobheeghi na kobhahiiti ghoose ghano neere nebhabhooriire.

Yohana 14:6

Yesu akamugharokeri akabhugha, “Eni n‑anchëra, no obhuhëënë, no obhuhöru. Taanyi‑ho uno aghotora kuucha o‑Taata aribha atahetiire ghokoone.

Yohana 15:26

“Hano akuucha ghokoonyu Omotoorereri, uno nekomotoma ghokoonyu koru o‑Taata, niyo Akörö Ahörëëru e hëënë ino ekoru o‑Taata, neghungambëra obhuhëënë ighoro yaane.

Yohana 16:12

“Nekeere neenyi na amaaru gha kobhabhoorera, amare eriibhagha rino motaaghotora ghoghamënya.

Yohana 3:32

Iwe nakobhabhoorera ghano arooche na ghoghooghu, amare taanyi‑ho uno aghokumi kubha ghano aghosiikëra n‑gha mahëënë.

Yohana 8:38

Eni nekobhabhoorera ghano nerooche gho Taata, amare inyu moghuköra ghano ꞉mooghwire koru ghwi iso.”

Amaköri gha Bhatomu 11:28

Umu o bhayo, naare arabherekeru Aghabho, akiimeerera mo‑kiina, akaruusi obhurööti gho nchëra e Körö Ahörëëru kubha aghëëcha ihaari neghusöhërëra chaase choose. Aghëëcha iyo ꞉neerweriire hano Kayisaari Kirawutiyo are arakangata.

Amaköri gha Bhatomu 20:23

Kino nyeeche n‑kubha, mo‑moghya wowoose uno neekubha nerahetera, Akörö Ahörëëru nëkönyëërëki kubha nekubhöna ebhibhöhö, wiiki neekubha neranyaakibhu chwee.

Amaköri gha Bhatomu 27:24

akamboorera akabhugha, ‘Oo Bhawuro! Otatiina gho kubha nokohika Ruumi, wimeerere ambërë e Kayisaari. Wiiki umënyë kubha, bhoose bhano moonyi haghirohamu nabho mo‑rughëndö, Eryobha ndekobhatoori kwo ghareeya yaache motasireekerera.’

2 Abhatesaronike 2:12

Niho bhoose bhano bhataaghokumi obhuhëënë, na ghuchömëru na amasari, mbaghoteneru ekiina.

2 Abhatesaronike 2:3

Motiishereri omooto wowoose kobhangʼiina kwo ryoryose riire, gho kubha orosiko ruyo rotaakohika singa, mbagha chaasiko chiire abhaato bhaaru bhaakubha bharigharuriini Eryobha, wiiki eriibhagha riyo Omwigharurani wuure nakorighibhu. Uyo niwe eriibhagha re ntenero Omutëmi nakomosireekereri kimu.

Abheebhuraaniya 1:1

Hayo kare, Eryobha ꞉ndeesiikiire na bhasookoro bhiito gho kohetera abharööti mara kaaru na gho chanchëra haghare haghare.

1 Yohana 2:20

Amare inyu, Omutööbhiyu Yesu nabhaheere Akörö yaache, ibheere inyu bhoose mweche obhuhëënë.

1 Yohana 2:27

Inyu motakongʼiinu, gho kubha Kirisito nabhaheere Akörö Ahörëëru, ino eghwikara moose yaanyu. Iyo niyo ekobheeghi ghoose, ameeghi ghaache n‑gha mahëënë, ghataanyi gha bhuröngö. Gho ghayo, teekwëndëru kubha omooto abheeghi. Kinya bhuure Akörö ebheeghiri, ibheere mwëndërërë kubha no obhumu na Kirisito.

1 Yohana 4:6

Amare itu n‑abhaato bha Ryobha toonyi. Wowoose uno aryeche Eryobha, naghotutëghëërëra, amare uno ataanyi o Ryobha, taaghotutëghëërëra. Hangʼu niho tokumënya obhwahukani bho bhaato bhano bhaghukangatu na Akörö e hëënë, na bhano bhaghukangatu na akörö e bhuröngö.

1 Yohana 5:6

Mbe, Yesu Kirisito niwe ichiri kwo manche gha bhubhatiiso na kwo masaahë gha roko rooche. Taanyi kwo manche agheene, amare na kwo masaahë ghaache ghano ꞉ghiitëkiri mo‑musarabha.

Obhohunyurëru 1:1

Bhuno n‑obhohunyurëru bho Yesu Kirisito. ꞉Naahaabhuru obhohunyurëru bhuno ne Eryobha, kubha abhëërëki abhatamishi bhaache amangʼana ghano ghakwëndëru korwera ghano matiko. Yesu woose aghatoma marayika waache kurëëta obhohunyurëru bhuyo kwo mutamishi waache Yohana.

Obhohunyurëru 1:19

“Ibheere andëka amangʼana ghano orooche, ghano ghaghuköru ibheere, na ghano ghakuucha ghuköru eriibhagha rino re kuucha.