Yohana 15:5 - Eriiraghano Eriihë

⁵ “Eni n‑omusabhiibhu, na niinyu n‑ebhihaghe. Omooto uno aghwikara moose yaane, na neeni moose yaache, uyo naakubha arasönga amakorobhese maaru, gho kubha aribha taanyi eni motaaghotora ghuköra ngʼana yoyoose.

Yohana 15:5 Iomraidhean Croise

Mataayo 13:21

Amare gho kubha taanyi ne emerya moose yaache, angʼana iyo nekubhamu kwo riibhagha isuuhu. Aribha anyaako hamu anyööri eramubhöna gho ghiri e ngʼana iyo, hayo hayo ayetigha.

Yohana 12:24

Mahëënë ˆnekabhabhoorera, erabha ambusuro etarindiiru mwiröbhë na ghoku, teeghotora kumëra, amare erabha erindiiru eghaku, nekumëra na ghusönga amakorobhese maaru.

Yohana 15:16

Inyu motanyahwire eni, amare n‑eni nebhahwire inyu. Nebhahwire kubha, musöngë amakorobhese ghano ghataaghosira naabha. Moraköra hangʼu, ghyokyose kino morasabha kohetera eriina reene, Taata nakobhaha.

Yohana 5:19

Yesu akabhabhoorera abhakangati bhaare akabhugha, “Mahëënë ˆnekabhabhoorera, Omoona taaghotora ghuköra ghyokyose gho changuru cheeche. Naghotora ghuköra ghano arooche Ishe araghaköra, wiiki ghoose ghano Ishe aghuköra, nigho ghayo ghayo Omoona aghuköra.

Yohana 9:33

Aribha omooto uyo taruure kwo Waryobha, mbe, tangatoriri ghuköra ghayo.”

Amaköri gha Bhatomu 4:12

“Obhotoori mbokubhönëka kwo riina re Yesu Kirisito omwene chiri! Retaanyi‑ho eriina erende mo‑se ino rino rekwëndëru ghototoori itu, ne eriina re Yesu eryene chiri!”

Abharuumi 12:5

Hangʼu nibhu na niitu toonyi. Itu ntoonyi bhaaru, amare ntubheere omobhere umu gho ghughöötana kwito na Kirisito. Mo‑mobhere waache, omooto woose n‑ekyemo ke mughëndi waache.

Abharuumi 6:22

Ibheere Eryobha ndebharuusiri koru mo‑kibhöhö ke masari, kubha motabha abhasësë bha masari wiiki. Amare ndebhaköriri kubha abhasësë bhaache, na kurëngʼaana na ghayo mobhwine obhwëra. Obhwëra bhuyo n‑korihökëri Eryobha gho körö imu na antenero yaache n‑ghosongʼaana obhuhöru bho miishe ghyose.

Abharuumi 7:4

Abhahiiri bhaane, amangʼana ghayo nibhu ghaanyi na ghokoonyu. Koru inyu motaakubhöhu wiiki ne emeghiro ghe Musa, gho kubha mokuure haghirohamu na Kirisito mo‑musarabha. Ibheere inyu n‑abhaato bhaache moonyi, uno ꞉aryokiibhu koru mo‑bhaku, kubha eriimanya riito ribhe na amakorobhese amachömu gho ghiri e Ryobha.

1 Abhakorinto 10:16

Ibheere, eriibhagha re kiinyakurë ke Mutëmi, hano tokonywera eghisënchö gho ghiri e koriitabheri Eryobha, totahaabha torasanga haghirohamu mo‑masaahë gha Kirisito? Wiiki, eriibhagha toghosuura omughaate na kurë, totahaabha torasanga haghirohamu omobhere o Kirisito?

1 Abhakorinto 12:12

Mbe, omobhere o mooto noonyi ne ebhyemo bhyaru, amare ebhyemo bhyose bhiyo, n‑omobhere umu. Hangʼu keenyi kwo mobhere o Kirisito, niryo eriikanisa.

1 Abhakorinto 12:27

Mbe, inyu bhoose n‑omobhere o Kirisito moonyi, no omooto woose ghate yaanyu n‑ekyemo ke mobhere uyo.

2 Abhakorinto 13:8

Neghosiikëra hangʼu, gho kubha totaanyi na changuru che kuhööchërëra obhuhëënë, amare ntoonyi na changuru che kobhuhökëri obhuhëënë okwene.

2 Abhakorinto 9:10

Eryobha niryo rekomuha omooto ambusuro e kwemi ne ekiinyakurë. Hangʼu hangʼu, ndekobhaha inyu ambusuro e kwemi na köyëngërëërëri. Niko kobhugha kubha, ndekobhaha na köbhëëngërëërëri omukörö o kobhasakeri abhande.

Abhagharatiya 5:22

Amare aribha toghukangatu na Akörö Ahörëëru, ntookubha ne eriikorobhese re Körö Ahörëëru. Eriikorobhese riyo n‑obhosiighi, na ghuchömëru, no omurëmbë, no obhoghumereri, no obhuhöriicho, na ghughënëhi, no obhuhëënë,

Abhaebheeso 5:9

Ghano ghakwërëki kubha mumanyiri mo‑bhwero n‑ghuköra amangʼana amachömu, na ghano Eryobha rekwënda, na gha bhuhëënë.

Abhabhiribhi 1:11

Eriimanya reenyu ndeghwichora amangʼana gha hëënë ghano ghakubhönëka gho nchëra e Yesu Kirisito. Ghayo ghoose gharekumi na koreghongi Eryobha.

Abhabhiribhi 4:13

Neghotora ghuköra ghoose ghayo, gho kubha Kirisito niwe akuuha changuru.

Abhabhiribhi 4:17

Nteekobhugha hangʼu gho kubha nekwënda kubhöna ebheghiro koru ghokoonyu, tiyaanyi. Amare nesiighiri nerighi orubhango runo Eryobha rekobhaha kurëngʼaana no obhwero bho chaakörö cheenyu.

Abhakorosaayi 1:10

Niho moghotora kumanya kebhuno Omutëmi Yesu akwënda, na komotegheri mo‑mangʼana ghoose. Eriimanya reenyu ndekomotegheri kwo meremo gheenyu emichömu, wiiki moghwiköngʼi korimënya Eryobha.

Abhakorosaayi 1:6

Angʼana Anchömu ino ꞉ehikiri bhowaanyu, nisanchiri mo‑se ingima. Nekobhagharura abhaato kinya ꞉ebhagharwire inyu korwera orosiko runo ꞉mooghwire na kumënya aghareeya e Ryobha no obhuhëënë bho ghareeya yaache kebhuno enyi.

Yakobho 1:17

Mumënyë egheghiro kyose eghichömu kino tokuhaabhu, ngekoru Mwishaaro kwo Ryobha omutëëmi o mirëngaari. Iryo retaaghotora ghwigharura kinya ekiriiri kehiigharura.

1 Bheetero 2:4

Momutambane uno anyi eriibhohe erihöru re kwabhëkëra. Eriibhohe riyo, abhaato ꞉mbaaryangiri, amare Eryobha ꞉ndeeryahwire, wiiki n‑de riighori ikoro mo‑miisho ghaache.

2 Bheetero 3:18

Amare mwëndërërë ghokora mo‑ghareeya na gho komumënya Omutëmi no Omotoori wiito Yesu Kirisito. Aghongibhu, ibheere ne emiishe ghyose! Hawubhaabha.