Yohana 15:16 - Eriiraghano Eriihë

¹⁶ Inyu motanyahwire eni, amare n‑eni nebhahwire inyu. Nebhahwire kubha, musöngë amakorobhese ghano ghataaghosira naabha. Moraköra hangʼu, ghyokyose kino morasabha kohetera eriina reene, Taata nakobhaha.

Yohana 15:16 Iomraidhean Croise

Mataayo 21:22

Aribha moonyi no obhokumi, ghyokyose kino moghusabha Eryobha, ndekobhaha.”

Mataayo 7:7

“Musabhe Eryobha na niinyu mokuhaabhu. Mutabhare na niinyu mokubhöna, moraköngʼööta eghisëku moghwighoreru,

Ruuka 6:13

Hano bhookiire, akabhabherekera abhaanabheegha bhaache. Mo‑bhayo akaahura ikomi na bhabhere, bhano abhabherekiire abhatomu. Abhatomu bhayo nibho bhano:

Yohana 13:18

“Nteeghosiikëra ghano gho ghiri yaanyu bhoose. Nebheeche abhaato bhano nebhahwire kubha abhaanabheegha bhaane. Amare ngakwëndëru ghahikeerane Amandëkö Amatööbhiyu ghano ghakobhugha kubha, ‘Musaani waane uno are araraaghëra haghirohamu na neeni, aghiigharura kubha omobhisa waane.’

Yohana 15:19

Aribha mongabheere abhaato bha mo‑se ino, bhayo mbangabheere bhabhasiighiri kinya bhuno ase esiighiri abhaato bhaache. Amare inyu motaanyi bha se ino, gho kubha nebhahwire koru mo‑se ino, nikyo gheghughëri abhaato bha mo‑se ino ˆbhakabharëgha.

Yohana 15:5

“Eni n‑omusabhiibhu, na niinyu n‑ebhihaghe. Omooto uno aghwikara moose yaane, na neeni moose yaache, uyo naakubha arasönga amakorobhese maaru, gho kubha aribha taanyi eni motaaghotora ghuköra ngʼana yoyoose.

Yohana 6:70

Niho Yesu akabhabhoorera akabhugha, “Nebhahwire inyu ikomi na bhabhere kubha abhaanabheegha bhaane, amare umu ghate yaanyu n‑o Rishambu.”

Amaköri gha Bhatomu 1:24

Hano bhamariri, bhakarisabha Eryobha bharabhugha, “Omutëmi, iye niiye oghyeche emetema ghe bhaato bhoose. Ibheere, ntoghusabha otwërëki n‑niwe ghate e bhano bhabhere uno wahwire.

Amaköri gha Bhatomu 1:8

Amare, mokuhaabhu changuru hano Akörö Ahörëëru ekuucha ghokoonyu, mookubha abhiibhateri bhaane mo‑moghya o Yerusareemu na ahaghiro ahande hoose ha Yuteya, na Samaariya, mbagha mo‑se yoose.”

Amaköri gha Bhatomu 10:41

Tarighiibhu kwo bhaato bhoose, amare Eryobha rekaahura abhiibhateri komorighi. Abhiibhateri bhayo, nibho itu, ꞉ntoomorooche, ꞉ntuuraghiire na kunyo haghirohamu nawe hano amariri koryoka.

Amaköri gha Bhatomu 22:14

“Akamboorera, ‘Eryobha re bhasookoro bhiito ndekwahwire, gho ghiri umënyë amiigha ghaache, na wirigheri Yesu uno anyi omuhëënë ambërë yaache, na koritëghëërëra eriiraka reeche omwene.

Amaköri gha Bhatomu 9:15

Omutëmi akamobhoorera akabhugha, “Nooghi! Omooto uyo, nemwahwire abhe omutamishi waane, kubha ariraghani eriina reene kwo bhaato bha matöngö, na kwo bhatëmi bhaabho, koru na kwo Bhayahuuti abheene.

Abharuumi 1:13

Abhahiiri bhaane, nekwënda mumënyë kubha, mara kaaru neere nërëënda kuucha bhowaanyu, amare mbagha ibheere nihööchëriiru. Nekwënda niiche bhowaanyu, kubha nerute abhaato bha bhowaanyu hayo bhatambane Omutëmi Yesu, kinya bhuno ꞉niiköriri kwo bhaato abhande bha matöngö.

Abharuumi 1:5

Gho kohetera ghokooche Eryobha ndeheere aghareeya e kubha omotomu o Mutëmi Yesu, kubha nebharaghaneri Angʼana Anchömu abhaato bhoose bha matöngö, bhabhönë komokumi na komosooka.

Abharuumi 15:4

Ghoose ghano ꞉ghaandëkuru kare mo‑Mandëkö Amatööbhiyu, ꞉ngaandëkuru gho ghiri e ghotweghi itu. Amandëkö ghayo ngaghotusakeri ghoghumereri mo‑nyaako yiito na ghotughambisani, kubha tubhe na amiitëngʼërö.

Abharuumi 9:21

Taanyi kubha omobhombi o chanyongo naanyi no obhotoro bho kuhökëri eriiröbhë kinya bhuno akwënda? Naghotora kobhomba chanyongo ibhere koru mo‑riiröbhë rimu, na anyongo imu ibhe gho ghiri e mahöki gha sooko, na ayende ibhe gho ghiri e mahöki gha chaasiko choose.

1 Abhakorinto 10:11

Mbe, amangʼana ghayo ꞉ghaabhabhwine ibho, ngaandëkuru kubha ghabhe eghetuubhaani ghe ghotushaangʼi itu bhano tumanyiri mo‑chaasiko chino che ntenero.

Abhagharatiya 1:15

Amare Eryobha, ꞉ndeenyahwire eriibhagha nekeere kwibhoru, rekamberekera gho ghareeya yaache, reghiishereri

Abhaebheeso 2:10

Itu ne emeremo ghe mabhökö gha Ryobha toonyi. ꞉Ndeetobhombiri bhuhë gho ghotughöötani na Kirisito Yesu kubha tukörë amaköri amachömu, ghano ꞉reetusëëmiire tubhe toraköra.

Abhakorosaayi 1:23

Amare mokwëndëru kwëndërëra koyekumi Angʼana Anchömu, mubhe muköngʼiiri na kubha na changuru. Motiishereri ghotigha eriitëngʼërö rino ꞉moobhwine hano mooghwire Ngʼana Anchömu. Angʼana Anchömu iyo eni Bhawuro nibheere omutamishi waache, wiiki ꞉niiraghiinu mo‑bhaato bhoose bha hano mo‑se.

Abhakorosaayi 1:6

Angʼana Anchömu ino ꞉ehikiri bhowaanyu, nisanchiri mo‑se ingima. Nekobhagharura abhaato kinya ꞉ebhagharwire inyu korwera orosiko runo ꞉mooghwire na kumënya aghareeya e Ryobha no obhuhëënë bho ghareeya yaache kebhuno enyi.

1 Timotewo 2:7

Gho ghayo, eni netooruru kubha omotomu no omuraghani o Ngʼana Anchömu e hëënë e Yesu Kirisito mo‑bhaato bha matöngö, nebhahirere amangʼana ghayo na nebheeghi ighoro e ngʼana ino e bhokumi ne e bhuhëënë. Amangʼana ghano neghosiikëra n‑gha hëënë, nteekobhangʼiina.

2 Timotewo 1:11

Gho ghiri e Ngʼana Anchömu iyo, nyahwiru kubha omuraghani, no omotomu no omweghi.

2 Timotewo 2:2

Nooghwire ameeghi ghano ꞉nyeeghiri ambërë e bhiibhateri bhaaru. Ibheere iye obhahë abhaato abhahëënë, bhano bhaghotora kweghi abhande.

Tiito 1:5

Hano neruure mo‑gheghinga ke nyancha iyo Kireete, ꞉neeghotighiri iye kubha otoore bhoheene amangʼana ghano ghasaaghiri, haghirohamu na kwahura abhagharuka bha riikanisa mo‑meghya ghyose, kinya neere nekwërëkëriiri.

Abheebhuraaniya 11:4

Obhokumi ꞉mbuuköriri Abheeri akareruuseri Eryobha amaruusi amachömu ghokera ghano Kaayini ꞉aruusiri. Kwo bhokumi bhuyo Eryobha ꞉ndeemubhariire Abheeri kubha omuhëënë gho ghosongʼaana amaruusi ghaache. Nangabha Abheeri akuure, amare obhokumi bhooche mbokwëndërëra kubha eghetuubhaani ghichömu ghokwito koru reero.

Yakobho 3:18

Abhaato bha murëmbë, bhareemi chaatëtërë che murëmbë, mbaghughësa obhuhëënë.

1 Bheetero 3:15

Mubhe mwisëëmiri eriibhagha ryose ghugharokeri wowoose uno akobhabhoori kino moghwitëngʼëra. Mukörë hangʼu kwo bhuhörëëru na asooko,

1 Bheetero 3:2

gho kubha mbakorighi eriimanya reenyu kinya reenyi ichömu na re sooko.

1 Yohana 4:10

Bhuno nibho obhosiighi, taanyi kubha niitu ꞉tooresiighiri Eryobha, amare iryo niryo ꞉reetosiighiri itu. Nikyo ꞉reemotomiri Omoona waache, abhe amaruusi gha ghosinchu kubha aruusi amasari ghiito na ghotutëmëërani ne Eryobha.

1 Yohana 4:19

Ibheere itu ntosiighiri bhaghëndi bhiito ne Eryobha ntoresiighiri, gho kubha Eryobha niryo ꞉riishamiri ghotosiigha.